ESENUPANTOꞌ 42
Îꞌ taa Paapa Maimuya eꞌmaritîmaꞌsan pî moropai eꞌmaritîmaꞌsan rîn pî?
Tiaron pataꞌseꞌkon ta pemonkonyamîꞌya taa pemonkon wanî neken taatausinpai mîîkîrî eꞌmaritîmasaꞌ ya. Tîîse tamîꞌnawîron eꞌmaritîmaꞌsan wanî naka taatausinpai? Paapa Maimuya taa pî man eꞌmaritîmaꞌsan moropai eꞌmaritîmaꞌpî pepîn, koꞌmantoꞌ wanî morî pe Jeová pia.
1. Îꞌ waniꞌ awanî yeꞌnen morî pe wanî eꞌmaritîmatoꞌpe pra?
Paapa Maimuya taa pî man: “Tarîpai manniꞌ tîînoꞌpîtasen noꞌpîta ya, imakuiꞌpî pe awanî pepîn, tîîse morî pe awanî. Moropai manniꞌ tîînoꞌpîtasen pepîn koꞌmamî ya inoꞌpî pra, îꞌ waniꞌ awanî pepîn nîrî. Mîrîrî wanî morî pe panpîꞌ, maasa pra inoꞌpî ton pra awanî yeꞌnen.” (Eraꞌmakî 1 Corintíos 7:32, 33, 38.) Îꞌ waniꞌ awanî yeꞌnen morî pe wanî inyo tonpra moropai inoꞌpî tonpra aweꞌtoꞌpe? Anîꞌ eꞌmaritîmasaꞌ pra wanî ya, toꞌ esenumenka rîn tînoꞌpî pî moropai tinyo pî. Inîꞌ panpîꞌ toꞌ esenyakaꞌma eꞌpainon Jeová tonpe. Mîrîrî kupî toꞌya tiaron pataꞌseꞌkon ta nîrî. Moropai saꞌme pra wanî taise toꞌ erepantoꞌpe Paapa pia.
2. Îꞌ waniꞌ awanî yeꞌnen morî pe wanî yairî eꞌmaritîmatoꞌpe?
Morî pe wanî eꞌmaritîmasaꞌ ya, moropai eꞌmaritîmasaꞌ pra wanî ya morî pe wanî nîrî. Paapa Maimuya taa pî man “morî pe panpîꞌ wanî saꞌnîrî siꞌma.” (Eclesiastes 4:9) Yairî mîrîrî wanî. Mîrîrî eꞌkupî îꞌ pensa Paapa Maimu panamatoꞌkon yawîrî eꞌmaritîmaꞌsan eꞌsaꞌ ya. Îꞌ pensa warayoꞌ eꞌmaritîmasaꞌ yai wîri yarakkîrî, mîrîrî imenuka toꞌya kaareta pona. Taa toꞌya saꞌnîrî siꞌma toꞌ eꞌsaꞌnama ipatîkarî. Saꞌnîrî siꞌma inyo moropai inoꞌpî koꞌmamî ya teeꞌmaritîmai pra, inna taa eserîke pra toꞌ wanî saꞌnamatoꞌ yenpotoꞌpe saꞌnîrî siꞌma. Îꞌ pensa yunkon eꞌmaritîmasaꞌ yai, mîrîrî wanî morî pe tîmukuyamîꞌ pia.
3. Îꞌ taa Jeováya eꞌmaritîmantoꞌ pî?
Îꞌ pensa Jeováya eꞌmainon eꞌmaritîmantoꞌ konekaꞌpî, taꞌpîiya: “Mîrîrî yeꞌnen tîînoꞌpîta yai, warayoꞌya tîsan moropai tîyun rumaka, inîꞌrî toꞌ pia aakoꞌmamî pepîn. Tîîse tînoꞌpî yarakkîrî neken aakoꞌmamî.” (Gênesis 2:24) Inyo moropai noꞌpî eꞌsanamantoꞌpe yuꞌse Jeová wanî, moropai saꞌnîrî siꞌma toꞌ koꞌmantoꞌpe ipatîkarî. Eꞌmaritîmantoꞌ eꞌtîka eꞌpainon tiaron wîri yarakkîrî warayoꞌ eꞌsaꞌ ya moropai tiaron warayoꞌ yarakkîrî wîriꞌ eꞌsaꞌ ya. (Mateus 19:9) Mîrîrî eꞌkupî yai Jeováya tîrî tîweꞌtarumaꞌtîsen pemonkon pia menkatoꞌpeiya irumakaiya karî, irumakaiya rîn karî. a (Imenukasaꞌ itoꞌkoꞌ eraꞌmakî - Nota) Ituꞌse pra Jeová wanî tuꞌke noꞌpîkon esaꞌ pe inyo wanî moropai tuꞌke inyokon esaꞌ pe noꞌpî yuꞌse pra nîrî awanî. — 1 Timóteo 3:2.
ESENUPAKÎ INÎꞌ PANPÎꞌ
Eraꞌmakî oꞌnon yeꞌka pe eꞌmaritîmaꞌsan, inyo moropai noꞌpî ton pînon taatausinpai wanî eꞌpainon moropai Jeová yausinpa toꞌya nîrî eꞌpainon.
4. Oꞌnon yeꞌka pe tîîkoꞌmantoꞌkon yenkama inyo ton pînon moropai noꞌpî ton pînonya eꞌpainon?
Jesus eraꞌmaꞌpî tîwakîri pe morî pe eꞌmaritîmasaꞌ pra wanî. (Mateus 19:11, 12) Eraꞌmatî Mateus 4:23. Tarîpai seeni itoꞌkoꞌ manni pî eseurîmatî:
-
Tînoꞌpî tonpra Jesus wanîꞌpî. Mîrîrî pîkînsaꞌ, oꞌnon yeꞌka pe inîꞌ panpîꞌ mîîkîrî esenyakaꞌmaꞌpî Jeová tonpe moropai tiaronkon pîikaꞌtîꞌpî?
Noꞌpî ton pînon moropai inyo ton pînonya Jesus ipataka eꞌpainon. PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:
-
Oꞌnon yeꞌka pe noꞌpî ton pînon moropai inyo ton pînon wanî eꞌpainon taatausinpai Jeová tonpe toꞌ esenyakaꞌmatoꞌpe?
Epuꞌtî pî nan?
Paapa Maimuya taasaꞌ pra man îꞌ warapo kaisarî kono po eꞌpai wanî eꞌmaritîmatoꞌpe. Tîîse Paapa Maimuya taa pî man aweꞌmaritîmai namai maasaron pe siꞌma. Îꞌ waniꞌ awanî yeꞌnen? Maasa pra mîrîrîya ayaꞌkama eꞌpainon morî pe ayeseru epuꞌtîya pra wanî tanne. — 1 Coríntios 7:36.
5. Imenkakî morî pe anîꞌ yarakkîrî aweꞌmaritîma
Eꞌmaritîmapai awanî ya, imenka eꞌpai awanî morî pe anîꞌ yarakkîrî aweꞌmaritîma. Eraꞌmatî Mateus 19:4-6, 9. Tarîpai seeni itoꞌkoꞌ manni pî eseurîmatî:
-
Îꞌ waniꞌ awanî yeꞌnen teesemiꞌtapai pra eꞌpai Paapa poitîrî wanî eꞌmaritîmatoꞌpe?
Paapa Maimuya apîikaꞌtî eꞌpainon morî yeserukon yuwatoꞌpe amîrîya inyo pia moropai noꞌpî pia. Tîîse enpanatakî: Jeová saꞌnama eꞌpai mîîkîrî wanî. b (Imenukasaꞌ itoꞌkoꞌ eraꞌmakî - Nota) Eraꞌmatî 1 Coríntios 7:39 moropai 2 Coríntios 6:14. Tarîpai seeni itoꞌkoꞌ manni pî eseurîmatî:
-
Îꞌ waniꞌ awanî yeꞌnen eꞌmaritîma eꞌpai uurînîkon wanî Paapa poitîrî yarakkîrî?
-
Oꞌnon yeꞌka pe Jeová wanî amîrî eꞌmaritîmasaꞌ ya mîîkîrî saꞌnamanen rîn yarakkîrî?
Tîponarî asakîꞌnankon oꞌmaꞌkonya yei yarî ya pîmî yeꞌpî pona, toꞌ eꞌtarumaꞌtî mararî pra. Mîrîrî panpe, Paapa poitîrî eꞌmaritîmasaꞌ ya Jeová saꞌnamanen rîn yarakkîrî, mîîkîrî eꞌtarumaꞌtî nîrî mararî pra
6. Esenumenkakî Jeová panpe eꞌmaritîmantoꞌ pî
Pena, warayoꞌkon Paapa poitîrî pe tîweꞌsanon inkamoroya tînoꞌpîkon rumakapîtîꞌpî îꞌ rî kon rî wenai. Eraꞌmatî Malaquias 2:13, 14, 16. Tarîpai seeni itoꞌkoꞌ manni pî eseurîmatî:
-
Îꞌ waniꞌ awanî yeꞌnen Jeová wakîri pe pra wanî tînoꞌpî rumakasaꞌ warayoꞌya ya moropai tinyo rumakasaꞌ wîriꞌya ya îꞌ rî kon rî wenai?
Îꞌ pensa inyoya tînoꞌpî tîrumaka yai tiaron wîriꞌ yarakkîrî aweꞌsaꞌ yeꞌnen, mîrîrîya eꞌtarumaꞌtîntoꞌ neepî tînoꞌpî pia moropai tîmukuyamîꞌ pia. Mîrîrî eꞌkupî nîrî, îꞌ pensa noꞌpîya tînyo tîrumaka yai
PANTON eraꞌmatî. Mîrîrî tîpo seeni itoꞌkoꞌ manni pî eseurîmatî.
-
Amîrî eꞌmaritîmasaꞌ ya Paapa poitîrî pe pra tîweꞌsen yarakkîrî, îꞌ konekaya eꞌpainon taatausinpai aweꞌmaritîmantoꞌ eꞌtoꞌpe?
7. Îꞌ taꞌpî Jeováya manniꞌ eꞌmaritîmantoꞌ pî, mîrîrî konekakî
Jeová panamatoꞌkon eꞌmaritîmantoꞌ pî yawîrî eꞌpai wanî. Saꞌme mîrîrî wanî taise tiaronkon pia. c (Imenukasaꞌ itoꞌkoꞌ eraꞌmakî - Nota) Tîîse mîrîrî konekatîponkon pîikaꞌtî Jeováya. PANTON eraꞌmatî.
Eraꞌmatî Hebreus 13:4. Tarîpai seeni itoꞌkoꞌ manni pî eseurîmatî:
-
Îꞌ taa Jeováya manniꞌ eꞌmaritîmantoꞌ pî, mîrîrî kupî eserîke wanî? Îꞌ taaya? Moropai îꞌ waniꞌ awanî yeꞌnen?
Tuꞌke pataꞌseꞌkon ta, pata esanonya pemonkonyamîꞌ yaipontî toꞌ eseꞌkon menukatoꞌpe toꞌya, epuꞌtoꞌpe pata esanonya toꞌ eꞌmaritîma yai moropai toꞌ tîrumaka yai. Mîrîrî yawîrî tîpoitîrîtonon eꞌtoꞌpe yuꞌse Jeová wanî. Eraꞌmatî Tito 3:1. Tarîpai seeni itoꞌkoꞌ manni pî eseurîmatî:
-
Aweꞌmaritîmasaꞌ ya, mîrîrî imenukaꞌpîya kaareta pona epuꞌtoꞌpe pata esanonya?
ANÎꞌYA EKARANMAPO YA: “Îꞌ tonpe eꞌmarima? Saꞌnîrî siꞌma anna koꞌmamî eꞌpainon, teeꞌmaritîmai pra.”
-
Oꞌnon yeꞌka pe mîrîrî yuuku amîrîya?
Îꞌ PÎ ESENUPA PÎ NAN?
Eꞌmaritîmaꞌsan, inyo ton pînon moropai noꞌpî ton pînon koꞌmantoꞌ wanî morî pe Jeová pia. Taatausinpai toꞌ koꞌmamî eꞌpainon Jeová ituꞌse eꞌtoꞌ yawîrî toꞌ eꞌsaꞌ ya.
Enpanatapaiꞌnîkon
-
Oꞌnon yeꞌka pe tîîkoꞌmantoꞌ yenkama inyo ton pînon moropai noꞌpî ton pînonya eꞌpainon morî pe?
-
Îꞌ waniꞌ awanî yeꞌnen eꞌmaritîma eꞌpai uurînîkon wanî neken Paapa poitîrî yarakkîrî?
-
Îꞌ pensa eꞌmaritîmantoꞌ eꞌtîꞌka eꞌpainon taa Jeováya?
INÎꞌ PANPÎꞌ ESENUPAPAI NAN?
Îꞌ taa yuꞌse mîrîrî wanî eꞌmaritîmatoꞌpe “innape Jesus kuꞌnen yarakkîrî”?
“Imenukasaꞌ Eraꞌmanenanya Ekaranmapo” (A Sentinela, 1 Julho kapoi pî, 2004 konoꞌ pî)
Asakîꞌne panton eraꞌmakî, apîikaꞌtîiya morî menkatoꞌpe ekumatoꞌ pî moropai eꞌmaritîmantoꞌ pî.
Eraꞌmakî oꞌnon yeꞌka pe morîkon tîrîꞌpî Jeováya tîpoitîrî pia. Mîrîrî wanîꞌpî morî pe panpîꞌ îꞌ rumakaꞌpîiya yentai.
Pemonkon esenumenka ya tînoꞌpî tînyo rumakaiya, îꞌ pî esenumenka eꞌpai mîîkîrî wanî eꞌmaiꞌpe?
a Eraꞌmakî Morî pe Panpîꞌ Epuꞌkî 4 îꞌ pensa inyoya moropai noꞌpîya irumaka, tîîse anîꞌ eꞌsaꞌ pra tiaron inyo yarakkîrî moropai tiaron noꞌpî yarakkîrî.
b Tiaron pataꞌseꞌkon ta, yunya moropai sanya imenka anîꞌ yarakkîrî toꞌ munkuyamîꞌ eꞌmaritîma. Îꞌ pensa mîrîrî eꞌkupî yai, eraꞌma eꞌpai yuntonon wanî Jeová saꞌnama mîîkîrî pemonkonya ya. Eraꞌma eꞌpai pra toꞌ wanî tuꞌke pîrata esaꞌ pe mîîkîrî pemonkon wanî ya.
c Amîrî koꞌmamî ya anîꞌrî yarakkîrî tîweꞌmaritîmai pra, amîrîya imenka neken aweꞌmaritîma mîîkîrî yarakkîrî, irumakaya karî.
