ESENUPANTOꞌ 46
Îꞌ waniꞌ awanî yeꞌnen Paapa poitîrî pe eꞌnî menka moropai esenpatakona eꞌpai uurînîkon wanî?
Îꞌ menka uurînîkonya eꞌpainon morî panpîꞌ? Paapa poirîtî pe eꞌtoꞌpe ipatîkarî imenka uurînîkonya. Mîrîrî kupî uurînîkonya îꞌ pensa uurînîkon epîrema yai uyewankon ke Paapa Jeová pî. Seeni epîremantoꞌ ya, uurînîkonya taa mîîkîrî neken yapurî uurînîkonya moropai îꞌ yuꞌse Paapa eꞌtoꞌ kupî uurînîkonya eꞌmaiꞌpe uukoꞌmantoꞌkon ya. (Salmo 40:8) Mîrîrî tîpo, uurînîkon esenpatakona. Esenpatakonatoꞌ weiyu yai, eraꞌma pemonkonyamîꞌya Paapa poitîrî pe yuꞌse eꞌpai uurînîkon wanî. Mîrîrî kuꞌsaiꞌya tîpo, tîîkoꞌmantoꞌ moꞌta. Tîîse, îꞌ waniꞌ awanî yeꞌnen mîrîrî imenka pemonkonya morî pe puꞌkuru wanî?
1. Îꞌ waniꞌ awanî yeꞌnen Paapa poitîrî pe eꞌtoꞌpe imenka pemonkonya?
Jeová saꞌnama pî uurînîkon man kureꞌne, mîrîrî yeꞌnen tîpoitîrî pe eꞌtoꞌpe imenka uurînîkonya. (1 João 4:10, 19) Paapa Maimuya taa pî man: “Paapa yapurîtî tamîꞌnawîrî ayewankon ke. Mîîkîrî kuꞌtî ayesaꞌkon pe. Kureꞌne eesenumenkatoꞌkon ke yapurîtî. Moropai tamîꞌnawîrî ameruntîrikon ke esenyakaꞌmatî iipia. Mîrîrî warantî aweꞌmenukasaꞌ — taꞌpî Jesusya.” (Marcos 12:30) Jeová saꞌnama uurînîkonya umaimukon wenai moropai îꞌ kupî uurînîkonya manniꞌ wenai. Esenumenkatî: warayoꞌ moropai wîriꞌ yairî toꞌ eꞌsaꞌnama ya, eꞌmaritîmapai toꞌ wanî, toꞌ eꞌsaꞌnama yeꞌnen. Mîrîrî panpe, Paapa poitîrî pe eꞌnîtoꞌpe imenka uurînîkonya moropai uurînîkon esenpatakona, Jeová saꞌnama uurînîkonya yeꞌnen.
2. Îꞌ morîkon yapisî pemonkonya Jeová piapai teesenpatakona tîpo?
Eesenpatakona tîpo, amîrî wanî Jeová pemonkono pe. Jeováya asaꞌnama kureꞌne epuꞌtîya mîrîrî wenai. Moropai aminke pra Jeová pia amîrî erepamî inîꞌ panpîꞌ eꞌpainon. (Eraꞌmakî Malaquias 3:16-18.) Eesenpatakona tîpo, ayun pe Jeová ena moropai ayonpayamîꞌ ton eporîya mararî pra pata poro. Jeová saꞌnama toꞌya moropai amîrî saꞌnama toꞌya nîrî. (Eraꞌmakî Marcos 10:29, 30.) Tîîse, eesenpatakona irawîrî, îꞌ koneka eꞌpai amîrî wanî? Jeová pî esenupa eꞌpai awanî, Jeová saꞌnama moropai innape Jesus kupî eꞌpai awanî nîrî. Mîrîrî tîpo, amîrî epîrema ayewan ke Paapa Jeová pî. Amîrîya taa mîîkîrî neken yapurîya moropai îꞌ yuꞌse Paapa eꞌtoꞌ konekaya. Mîrîrîkon konekaya ya moropai eesenpatakona ya, amîrî koꞌmamî ipatîkarî eꞌpainon. Paapa Maimuya taa pî man: “Esenpatakonatoꞌya amîrî pîikaꞌtî.” — 1 Pedro 3:21 (TNM).
ESENUPAKÎ INÎꞌ PANPÎꞌ
Eraꞌmakî îꞌ waniꞌ awanî yeꞌnen Jeová pî epîrema eꞌpai amîrî wanî, Jeová poitîrî pe amîrî enatoꞌpe moropai eesenpatakonapa.
3. Anîꞌ yapurî imenka eꞌpai tamîꞌnawîronkon wanî
Pena, Israel ponkon pemonkonyamîꞌ esenumenkapîtîꞌpî Jeová moropai Baal yapurîꞌpî îꞌ wani pra wanî. Tîîse, Jeováya Elias yarimaꞌpî pemonkonyamîꞌ yarakkîrî eseurîmatoꞌpe, imakuiꞌpî pe toꞌ esenumenkapîtîꞌpî yeꞌnen. Eraꞌmatî 1 Reis 18:21. Tarîpai seeni itoꞌkoꞌ manni pî eseurîmatî:
-
Îꞌ menkapai israelitayamîꞌ wanîꞌpî?
Israelitayamîꞌ panpe, anîꞌ yapurî imenka eꞌpai uurînîkon wanî nîrî. Eraꞌmatî Lucas 16:13. Tarîpai seeni itoꞌkoꞌ manni pî eseurîmatî:
-
Tiaronkon esenumenka Jeová yapurî toꞌya eꞌpainon moropai tiaronkon yapurî toꞌya eꞌpainon nîrî. Îꞌ waniꞌ awanî yeꞌnen mîrîrî koneka eserîke pra wanî?
-
Oꞌnon yeꞌka pe yenpo uurînîkonya eꞌpainon Jeová pî imenka uurînîkonya ipoitîrî pe eꞌnîtoꞌpe?
4. Esenumenkakî oꞌnon yeꞌka pe Jeováya amîrî saꞌnama
Mararî pra morîkon tîrîꞌpî Jeováya uurînîkon pia. Mîrîrî yeꞌnen, îꞌ tîrî uurînîkonya iipia eꞌpainon? PANTON eraꞌmatî.
Jeováya uurînîkon saꞌnama. Oꞌnon yeꞌka pe mîrîrî yenpo mîîkîrîya? Eraꞌmatî Salmo 104:14, 15 moropai 1 João 4:9, 10. Tarîpai seeni itoꞌkoꞌ manni pî eseurîmatî:
-
Îꞌ morîkon tîrîꞌpî Jeováya awakîri pe inîꞌ panpîꞌ?
-
Oꞌnon yeꞌka pe amîrî esepuꞌtî morîkon tîîsaꞌ Jeováya yeꞌnen aapia?
Aasîrî amîrî atausinpaꞌpî anîꞌya morîkon tîîsaꞌ aapia yeꞌnen? Taꞌpî amîrîya taise morî pe man itîrîtîpon pî. Eraꞌmatî Deuteronômio 16:17. Tarîpai seeni itoꞌkoꞌ manni pî eseurîmatî:
-
Îꞌ pensa amîrî esenumenka îꞌ tîrîꞌpî Jeováya manni aapia, îꞌ ankuꞌpai awanî Jeová pia?
5. Jeová poitîrî pe eꞌnî yeꞌnen, mîrîrîya tuꞌke morîkon neepî
Tuꞌke pemonkonyamîꞌ esenumenka mararî pra pîrata esaꞌ pe toꞌ wanî ya, tiaronkonya toꞌ epuꞌtî ya, mîrîrîkonya tausinpantoꞌ neepî, taa toꞌya. Mîrîrî wanî yairî naka? PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:
-
Pena Andrey wakîri pe suminatoꞌ wanîꞌpî bola pî. Tîîse îꞌ waniꞌ awanî yeꞌnen mîîkîrî miꞌpamîꞌpî suminatoꞌ bola pî?
-
Mîîkîrîya Jeová poitîrî pe tîweꞌtoꞌ menkaꞌpî, bola pî suminatoꞌ menkasaiꞌya pra man. Îꞌ taa amîrîya, mîîkîrîya yairî imenkaꞌpî? Îꞌ waniꞌ awanî yeꞌnen?
Jesus pemonkono pe ena irawîrî, ipîkku pe Paulo enaꞌpî yonpaꞌpî. Judeuyamîꞌ yeserukon pî Paulo esenuwaꞌpî inîꞌ panpîꞌ epuꞌnen pe tîweꞌsen yenupanen yarakkîrî. Tîîse, mîrîrî rumakaꞌpîiya Jesus pemonkono pe tîwanîpa kaiꞌma. Mîîkîrî naka esewankonoꞌmaꞌpî mîrîrî pîkînsaꞌ? Eraꞌmatî Filipenses 3:8. Tarîpai seeni itoꞌkoꞌ manni pî eseurîmatî:
-
Îꞌ waniꞌ awanî yeꞌnen taꞌpî Pauloya tamîꞌnawîrî îꞌ konekapîtîꞌpîiya manni Jesus pemonkono pe tîwanî irawîrî, mîrîrîkon wanîꞌpî îꞌ rî nurakon warantî?
-
Îꞌ kon yapisîꞌpîiya mîrîrîkon rumakasaiꞌya yeꞌnen?
-
Îꞌ taa amîrîya? Morî pe panpîꞌ aakoꞌmantoꞌ wanî naka Jeová poitîrî pe awanî ya? Îꞌ waniꞌ awanî yeꞌnen mîrîrî taa amîrîya?
Jesus pemonkono pe awanî yeꞌnen, Pauloya mararî pra morîkon yapisîꞌpî, irumakaꞌpîiya manni yentai.
TIARONKONYA TAA: “Yairî mîrîrî wanî, epuꞌtî pî wai. Tîîse saꞌme mîrîrî wanî.”
-
Îꞌ waniꞌ awanî yeꞌnen morî pe wanî Jeová poitîrî pe eꞌnîtoꞌpe?
Îꞌ PÎ ESENUPA PÎ NAN?
Paapa poitîrî pe eꞌtoꞌ menka uurînîkonya moropai uurînîkon esenpatakona, Jeová saꞌnama uurînîkonya yeꞌnen.
Enpanatapaiꞌnîkon
-
Îꞌ waniꞌ awanî yeꞌnen Jeová saꞌnama moropai yapurî eꞌpai uurînîkon wanî?
-
Îꞌ morîkon tîrî Jeováya tîpoitîrîtonon pia toꞌ esenpatakona tîpo?
-
Jeová poitîrî pe eꞌpai nan?
INÎꞌ PANPÎꞌ ESENUPAPAI NAN?
Eraꞌmakî îꞌ waniꞌ awanî yeꞌnen Jeová poitîrî pe eꞌtoꞌ menkaꞌpî teeserenkasenya moropai teekaꞌtunsenya.
Yuꞌtoꞌkon Man Maasaronkon Tonpe — Îꞌ kupîuya eꞌpainon uukoꞌmantoꞌ pî? — Enpanatantoꞌ (6:54)
Eraꞌmakî îꞌ waniꞌ awanî yeꞌnen Jeová poitîrî pe eꞌnî eꞌpai awanî?
Seeni panton eserenkantoꞌ wenai, eraꞌmakî oꞌnon yeꞌka pe esenpatakonaꞌsanon wanî taatausinpai.
Seeni imenukasaꞌ eraꞌmakî: “Uurî esenumenkapîtîꞌpî ‘Îꞌ waniꞌ awanî yeꞌnen tarî eꞌnî?’”, moropai epuꞌkî îꞌ ya wîriꞌ pîikaꞌtîꞌpî iteseru inyakaꞌmatoꞌpe mîîkîrîya.”
“Paapa Maimuya Pemonkonyamîꞌ Inkaꞌma” (A Sentinela, 1 Novembro kapoi pî, 2012 konoꞌ pî)
