ESENUPANTOꞌ 47
Morî pe ekonekasaꞌ nan esenpatakonapa?
Sîrîrî tîpose, mararî pra amîrî esenupaꞌpî esenupantoꞌ Paapa Maimu pî. Paapa Maimu yawîrî awanîpa, ayeseru moꞌtanîpîꞌpîya taise. Tîîse, îꞌ moro nai taise, ayakaꞌmanen amîrî esenpatakona namai. Seeni esenupantoꞌ eseurîma, îꞌ konya ayakaꞌma eꞌpainon amîrî esenpatakona namai moropai îꞌ kupîya eꞌpainon mîrîrî eꞌkupî namai.
1. Eesenpatakonapa, tamîꞌnawîrî Paapa Maimu imenukasaꞌ epuꞌtî eserîke awanî?
Amîrî esenpatakonapa Paapa Maimu “wanî yairon pe epuꞌtî” eꞌpai awanî. (1 Timóteo 2:4) Eesenpatakonapa, tamîꞌnawîrî Paapa Maimu imenukasaꞌ epuꞌtî eserîke pra wanî. Esenpatakonaꞌsan esenupa koꞌmamî pî Jeová pî sîrîrî tîpose. (Colossenses 1:9, 10) Tîîse, tiaronkon moro man, amîrî esenupatoꞌpe inîꞌ panpîꞌ Paapa Maimu pî. Soosi esanonya apîikaꞌtî eꞌpainon epuꞌtîpa aasîrî amîrî ekonekasaꞌ wanî ya eesenpatakonapa.
2. Îꞌ kupî eꞌpai awanî esenpatakona irawîrî?
Esenpatakona irawîrî, îꞌ kupî eꞌpai awanî? “Enpenatatî imakuiꞌpî ankupîꞌpîkon pîꞌ, irumakatî, ayeserukon moꞌtanîꞌtî.” (Eraꞌmakî Atos 3:19.) Îꞌ taa yuꞌse mîrîrî wanî? Îꞌ imakuiꞌpî ankupîꞌpî rumakaꞌpîya moropai esaꞌtîya Paapa pî tîwanmîra kuꞌtoꞌpeiya. Tarîpai ituꞌse Paapa eꞌtoꞌ kupî eꞌpai awanî moropai îꞌ wanî Jeová wakîri pe pra, mîrîrî wanî awakîri pe pra nîrî. Paapa poitîrîtonon pokonpe eꞌpai awanî emurukuntîtoꞌ ta moropai Paapa Maimu ekaremekî eꞌpai awanî toꞌ pokonpe.
3. Îꞌ waniꞌ awanî yeꞌnen aranneꞌ pe pra eꞌpai awanî esenpatakonatoꞌpe?
Tiaronkon wanî aranneꞌ pe, maasa pra tamîꞌnawîrî wanî manni Jeová eseurîmaꞌpî, yawîrî eserîke pra toꞌ wanî, taa toꞌya. Tiaron pensa îꞌ puremekîya taise, penaronkon Paapa poitîrîtonon panpe. Tîîse enpanatakî, epuꞌtî pî Jeová man, anîꞌ ton pra man yairî puꞌkuru. (Eraꞌmakî Salmo 103:13, 14.) Jeová atausinpa imaimu yawîrî aweꞌsaꞌ ya, moropai apîikaꞌtîiya. Paapaya taasaꞌ man: “Tamîꞌnawîron Paapa nîkupîꞌpîya uurîꞌnîkon pantaka pepîn moropai moꞌkaiya pepîn Paapa yenya pai, kureꞌne usaꞌnamasaiꞌyaꞌnîkon yeꞌnen.” — Eraꞌmakî Romanos 8:38, 39.
ESENUPAKÎ INÎꞌ PANPÎꞌ
Aminke pra Paapa pia erepansaꞌ ya moropai ipîikaꞌtîntoꞌ yapisîya ya, mîrîrîya amîrî kupî meruntî ke esenpatakonapa.
4. Jeová epuꞌkî inîꞌ panpîꞌ
Eesenpatakona irawîrî, kureꞌne naka amîrî esenupa eꞌpainon Jeová pî? Jeová pî esenupakî mîîkîrî saꞌnamatoꞌpe amîrîya, itewan yausinpatoꞌpe. Mîrîrî tîpo amîrî esenpatakona eꞌpainon. PANTON eraꞌmatî epuꞌtîkonpa, îꞌ kupîꞌpî Paapa Maimu pî teesenupasanonya pata poro, Paapa epuꞌtoꞌpe toꞌya inîꞌ panpîꞌ.
-
Seeni panton ya, îꞌ ya pemonkonyamîꞌ pîikaꞌtîꞌpî toꞌ ekonekatoꞌpe toꞌ esenpatakonatoꞌpe?
Eraꞌmatî Romanos 12:2. Tarîpai seeni itoꞌkoꞌ manni pî eseurîmatî:
-
Tiaron pensa inna taaya rîn, îꞌ taasaꞌ Paapa Maimu imenukasaꞌya manni pî? Tiaron pensa inna taaya rîn, îꞌ yenupa Jeová Maimu Ekaremeꞌnenanya manni pî?
-
Inna taaya pra awanî ya, îꞌ yenupa Paapa Maimuya manni pî, îꞌ kupîya eꞌpainon?
5. Saꞌmankon yapîtanîꞌkî esenpatakonapa
Eꞌtarumaꞌtîntoꞌkon iipî uurînîkon pona, îꞌ pensa Jeová poitîrî pe uurînîkon eꞌtoꞌ menkasaꞌ ya moropai uurînîkon esenpatakona ya. PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:
-
Seeni panton ya, îꞌ saꞌmankon pî Narangerel esuwaꞌkaꞌpî, Jeová poitîrîpa pe enapa?
-
Jeová saꞌnamaꞌpî Narangerelya kureꞌne. Oꞌnon yeꞌka pe mîrîrîya ipîikaꞌtîꞌpî saꞌmankon yapîtanîꞌtoꞌpeiya?
Eraꞌmatî Provérbios 29:25 moropai 2 Timóteo 1:7. Tarîpai seeni itoꞌkoꞌ manni pî eseurîmatî:
-
Îꞌ ya uurînîkon kupî eꞌpainon aranneꞌ pe pra eꞌnîtoꞌpe, saꞌmankon yapîtanîꞌtoꞌpe?
6. Inna kaꞌkî Jeová pîikaꞌtîntoꞌ pî
Jeováya apîikaꞌtî itewan yausinpapa. PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:
-
Seeni panton ya, îꞌ ya Paapa Maimu pî teesenupasen yakaꞌmaꞌpî teesenpatakonapa?
-
Îꞌ ya ipîikaꞌtîꞌpî innape aweꞌtoꞌpe inîꞌ panpîꞌ Jeová pî?
Eraꞌmatî Isaías 41:10, 13. Tarîpai seeni itoꞌkoꞌ manni pî eseurîmatî:
-
Aakoꞌmantoꞌ tîîsaꞌya ya Jeová pia, oꞌnon yeꞌka pe epuꞌtîya eꞌpainon imaimu yawîrî amîrî koꞌmantoꞌpe?
7. Morî pe man kaꞌkî Jeová pî
Jeováya amîrî saꞌnama ipîra teesekaꞌnunkai. Mîrîrî pî esenumenkakî, mîrîrî wenai morî pe man taaya eꞌpainon Jeová pî moropai ipoitîrî pe yuꞌse eꞌpai awanî ipatîkarî. Eraꞌmatî Salmo 40:5. Tarîpai seeni itoꞌkoꞌ manni pî eseurîmatî:
-
Morîkon tîrî Jeováya manni aapia, îꞌ nai awakîri pe panpîꞌ?
Jeová moropai imaimu imenukasaꞌ wanîꞌpî Jeremias wakîri pe. Jeová poitîrî pe aweꞌtoꞌ wanîꞌpî ipîkku pe Jeremias pia. Mîîkîrîya taꞌpî: “Amaimuya uyewan yausinpaꞌpî kureꞌne, ayeseꞌ ekaremeꞌnen uurî Paapa Jeová.” (Jeremias 15:16) Seeni ekaranmaposaꞌkon yuukî:
-
Îꞌ waniꞌ awanî yeꞌnen Jeová Maimu Ekaremeꞌnen pe wanî, mîrîrî wanî morî pe puꞌkuru?
-
Esenpatakonapai awanî Jeová Maimu Ekaremeꞌnen pe awanîpa?
-
Tiaron moro nai ayakaꞌmanen eesenpatakona namai?
-
Îꞌ taaya, îꞌ kupî eꞌpai awanî eesenpatakonapa?
TIARONKONYA TAA: “Aranneꞌ pe wai esenpatakonatoꞌpe, uurî esenumenka yeꞌnen imakuiꞌpî kupîuya esenpatakona tîpo.”
-
Seꞌ panpe amîrî esenumenka?
Îꞌ PÎ ESENUPA PÎ NAN?
Jeová pîikaꞌtîntoꞌ wenai, meruntî ke awanî eꞌpainon îꞌ rî saꞌme tîweꞌsen yentai awanîpa eesenpatakonapa.
Enpanatapaiꞌnîkon
-
Eesenpatakonapa, tamîꞌnawîrî Paapa Maimu imenukasaꞌ epuꞌtîya eꞌpai awanî?
-
Îꞌ moꞌtanîpî eꞌpai awanî esenpatakona irawîrî taise?
-
Îꞌ waniꞌ awanî yeꞌnen aranneꞌ pe eꞌtoꞌ rumaka eꞌpai awanî eesenpatakonapa?
INÎꞌ PANPÎꞌ ESENUPAPAI NAN?
Eraꞌmakî îꞌ ya ayausinpa eꞌpainon, eesenpatakonapa.
“Ekonekasaꞌ nan Esenpatakonapa?” (A Sentinela, Março kapoi pî, 2020 konoꞌ pî)
Eraꞌmakî îꞌ konekaya eꞌpainon saꞌmankonya ayakaꞌma namai eesenpatakonapa.
“Îꞌ ya uurî yakaꞌma uurî esenpatakonatoꞌpe?” (A Sentinela, Março kapoi pî, 2019 konoꞌ pî)
Eraꞌmakî îꞌ kupîꞌpî warayoꞌya saꞌmankon yentai eꞌtoꞌpe eesenpatakonapa.
Seeni warayoꞌ, iteseꞌ Ataa, esenumenkapîtîꞌpî esenpatakona, esenpatakona pra karî. Eraꞌmakî îꞌ ya ipîikaꞌtîꞌpî imenkatoꞌpeiya esenpatakonapa.
