Morî pe puꞌkuru wanî yonpakon ton wanî ya. Inkamoro wanî uurînîkon yarakkîrî taatausinpai uurînîkon wanî ya moropai saꞌme wanî ya nîrî. Tîîse Paapa Maimuya taa pî man tamîꞌnawîronkon wanî rîn morîkon yonpa pe. Mîrîrî yeꞌnen, oꞌnon yeꞌka pe morî yonpakon ton imenkaya eꞌpainon? Seeniꞌ ekaranmaposaꞌkon pî esenumenkakî.

1. Oꞌnon yeꞌka pe ayonpakonya ayeseru moꞌtanîpî eꞌpainon?

Inîꞌ panpîꞌ uurînîkon koꞌmansaꞌ ya, tiaronkon pemonkon yarakkîrî, oꞌnon pata rî, mîîkîrî pemonkon panpe uurînîkon ena. Mîrîrî wanî morî pe, moropai imakuiꞌpî pe nîrî taise. Paapa Maimuya see panpe taa pî man: “Anîꞌ asarî ya epuꞌnenankon yarakkîrî, epuꞌnen pe ena. Tîîse, pakkokon [Jeová saꞌnamanenankon rîn] koreꞌta anîꞌ wanî ya, imakuiꞌpî eꞌkupî iyarakkîrî.” (Provérbios 13:20) Paapa poitîrî pe tîweꞌsanon moropai Paapa saꞌnamanenan, inkamoroya apîikaꞌtî Paapa pia erepamîpa inîꞌ panpîꞌ moropai morî pe imenkapa nîrî. Tîîse Paapa saꞌnananenan rîn yonpa pe uurînîkon wanî ya, uurînîkon atarima eꞌpainon Paapa piapai, toꞌ pîkînsaꞌ. Mîrîrî yeꞌnen, Paapa Maimuya uurînîkon panama pî man morî uyonpakon ton menkatoꞌpe uurînîkonya! Îꞌ pensa Paapa saꞌnama uurînîkon yonpakonya, mîrîrî wanî morî pe uurînîkon tonpe moropai inkamoro tonpe. Mîrîrî panpe, ‘tiaronkon yausinpa uurînîkonya moropai toꞌ meruntîtannîpî uurînîkonya nîrî.’ — 1 Tessalonicenses 5:11.

2. Oꞌnon yeꞌka pe Jeová esepuꞌtî imakuiꞌpî uyonpakon ton menkasaꞌya moropai morî yonpakon menkasaꞌya nîrî?

Jeová mîîkîrî morî pe tonpayamîꞌ ton imenkanen. “Yairî tîweꞌsanon pemonkonyamîꞌ, yonpa pe eꞌpai [Jeová] wanî.” (Provérbios 3:32) Oꞌnon yeꞌka pe Jeová esepuꞌtî mîîkîrî saꞌnamanenan rîn uyonpakon ton menkasaꞌ uurînîkonya ya? Mîrîrî pî Jeová esewankonoꞌma ipîra! (Eraꞌmatî Tiago 4:4.) Tîîse imakuiꞌpî yonpakon rumakasaꞌ uurînîkonya ya moropai Paapa saꞌnamanenan yonpakon imenkasaꞌ uurînîkonya ya, mîrîrîya Jeová yausinpa moropai uurînîkon menkaiya tonpakon pe. — Salmo 15:1-4.

 ESENUPAKÎ INÎꞌ PANPÎꞌ

4. Seꞌ kaisarî pra uyonpakon wanî eꞌpainon

Paapa Maimu eseurîman pî man Davi moropai Jonatã pantoni pî, Israel pata ponkon pe toꞌ wanîꞌpî. Esaꞌ Saul mumu pe Jonatã wanîꞌpî, Davi kono po yentai ikono po wanîꞌpî. Tîîse, inkamoro wanîꞌpî yonpakon pe puꞌkuru saꞌnîrî siꞌma. Eraꞌmatî 1 Samuel 18:1. Tarîpai seeni itoꞌkoꞌ manni pî eseurîmatî:

• Îꞌ waniꞌ awani yeꞌnen uurînîkon kono po kaisarî eꞌpai pra uurînîkon yonpakon wanî?

Eraꞌmatî Romanos 1:11, 12. Tarîpai seeni itoꞌkoꞌ manni pî eseurîmatî:

• Oꞌnon yeꞌka pe uyonpakon Paapa saꞌnamanenanya tiaronkon yausinpa eꞌpainon?

Seeniꞌ panton wenai eraꞌmakî, oꞌnon yeꞌka pe maasaronya tonpa ton eporîꞌpî inîmîkîiya pra tîîse. PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:

• Seeni panton ya, îꞌ waniꞌ awanî yeꞌnen Akil yuntonon esenumenkapîtîꞌpî anîꞌkan wanî Akil yonpa pe esenupantoꞌ yewîꞌ ta? (escola/school)

• Îꞌ waniꞌ awanî yeꞌnen inkamoro yonpa pe ituꞌse Akil wanîꞌpî?

• Îꞌ konekapîtîꞌpîiya tiwinsarî teesepuꞌtî namai?

 5. Oꞌnon yeꞌka pe morî yonpakon menka

 Îꞌ PÎ ESENUPA PÎ NAN?

Aka eꞌpai uurînîkon wanî uyonpakon ton menka uurînîkonya yai. Mîrîrî wanî morî pe uurînîkon tonpe moropai mîrîrîya Jeová yausinpa nîrî.

Enpanatapaiꞌnîkon

• Îꞌ waniꞌ awanî yeꞌnen anepuꞌpai Jeová wanî anîꞌkan imenka uurînîkonya uyonpakon pe?

• Anîꞌkan yonpa pe eꞌpai pra uurînîkon wanî?

• Oꞌnon yeꞌka pe morî ayonpa ton menkaya eꞌpainon?