ESENUPANTOꞌ 53
Oꞌnon yeꞌka pe suꞌminantoꞌ imenka uurînîkonya eꞌpainon morî pe?
Paapa wanî taatausinpai. (1 Timóteo 1:11) Taatausinpai uurînîkon koꞌmamî yuꞌse Paapa wanî. Uurînîkon erîꞌkapî yuꞌse nîrî Jeová wanî. Seeni esenupantoꞌ ya, eraꞌmapaiꞌnîkon oꞌnon yeꞌka pe weiyukon iwaꞌka uurînîkonya taatausinpai moropai Jeová kupî uurînîkonya taatausinpai nîrî.
1. Îꞌ pî enpanata eꞌpai uurînîkon wanî suꞌminantoꞌ imenka uurînîkonya yai?
Amîrî erîꞌkapî yai, îꞌ konekaya awakîri pe? Awakîrî pe wanî taise, kaareta erenkaya ya ayewîꞌ ta, eserenkantoꞌ etaya ya, yai pra panton eraꞌmaya ya moropai Internet eraꞌmaya ya. Tiaronkon wakîrî pe pra wanî tewîꞌkon ta tîwanîkon ya. Toꞌ epaꞌka asaꞌse, pînînse moropai suꞌminanse tiaronkon tonpakon pokonpe. Enpanatakî: îꞌ imenka uurînîkonya manniꞌ, mîrîrî wanî eꞌpai wanî Jeová wakîri pe. (Efésios 5:10) Îꞌ waniꞌ awanî yeꞌnen morî pe wanî mîrîrî pî esenumenkantoꞌpe? Sîrîrîpe tuꞌke pemonkonyamîꞌ suꞌmina yeꞌnen îꞌ kon ituꞌse Jeová eꞌtoꞌ rîn pî, iyewanmîrî pî pe mîrîrîkon wanî. Mîrîrî suꞌminatoꞌkon wanî morî pe pra, nura pe; ekoreꞌmantoꞌ yarakkîrî; moropai teeseraꞌmasen pepîn meruntîrî (ocultismo/spiritism) wanî nîrî, mîrîrî suꞌminatoꞌkon ya. (Eraꞌmakî Salmo 11:5.) Îꞌ ya uurînîkon pîikaꞌtî morî suꞌminantoꞌ imenkatoꞌpe?
Jeová saꞌnama uurînîkon yonpakonya ya, uurînîkon pîikaꞌtî toꞌya eꞌpainon morî suꞌminantoꞌkon imenkatoꞌpe uurînîkonya. Esenupantoꞌ 48 ya, eraꞌma pî uurînîkon man “anîꞌ asarî ya epuꞌnenankon yarakkîrî epuꞌnen pe ena”. Tîîse, Paapa saꞌnamanenan rîn pokonpe uurînîkon koꞌmansaꞌ ya, “imakuiꞌpî eꞌkupî [uurînîkon] yarakkîrî”. — Provérbios 13:20.
2. Îꞌ waniꞌ awanî yeꞌnen morî pe wanî esenumenkatoꞌpe îꞌ warapo iteꞌka uurînîkon suꞌmin ya?
Tîwîrî morî pe suꞌminantoꞌkon wanî tanne, aka taa eꞌpai uurînîkon wanî, wei kaisarî uurînîkon suꞌmin namai. Kureꞌne uurînîkon suꞌmin ya, îꞌ kon wanî ipîkku pe tîweꞌsen pî, uurînîkon enpanata rîn taise. Paapa Maimuya taa pî man: “Morî kupîyaꞌnîkon yuwatî, maasa tîkai pra.” — Eraꞌmakî Efésios 5:15, 16.
ESENUPAKÎ INÎꞌ PANPÎꞌ
Eraꞌmakî oꞌnon yeꞌka pe morî imenkaya eꞌpainon suꞌminantoꞌ pî.
3. Atarimakî îꞌ kon wanî Jeová newanmîrî pe
Îꞌ waniꞌ awanî yeꞌnen morî pe uurînîkon suꞌminatoꞌ imenka uurînîkonya eꞌpai wanî? PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:
-
Pena, Roma pata pona, suꞌminatoꞌ wanîꞌpî tîwepaꞌtîꞌpîse (jogos de gladiador/gladiatorial games). Oꞌnon yeꞌka pe mîrîrî suꞌminantoꞌ wanîꞌpî sîrîrîpe suꞌminantoꞌ panpe?
-
Seeni panton ya, îꞌ pî Daniel esenupaꞌpî suꞌminantoꞌ pî?
Eraꞌmatî Romanos 12:9. Tarîpai seeni itoꞌkoꞌ manni pî eseurîmatî:
-
Oꞌnon yeꞌka pe seeni Paapa Maimu pî imenukasaꞌya uurînîkon pîikaꞌtî eꞌpainon morî suꞌminantoꞌkon menkatoꞌpe?
Îꞌ kon yewanmîrî Jeováya? Eraꞌmatî Provérbios 6:16, 17 moropai Gálatas 5:19-21. Tarîpai seeni itoꞌkoꞌ manni pî eseurîmatî:
-
Îꞌ kon pî Paapa Maimu imenukasaꞌkon eseurîma, sîrîrîpe eꞌkupî manni pemonkonyamîꞌ suꞌmina yai?
Oꞌnon yeꞌka pe morî pe uurînîkon suꞌminantoꞌ imenka uurînîkonya eꞌpainon?
Esenumenkakî:
-
Îꞌ see? Îꞌ Jeová newanmîrî moro nai naka seeni suꞌminantoꞌ ya?
-
Îꞌ pensa? Seeni suꞌminatoꞌya naka uurî yakaꞌma eꞌpainon ipîkku pe tîweꞌsen kupîuya namai?
-
Anîꞌ? Paapa saꞌnamanenan rîn pokonpe uurînîkon koꞌmamî naka mîrîrî suꞌminatoꞌ wenai?
Morî pe koꞌmanîtoꞌpe aminke eꞌpai awanî nariꞌ piapai. Mîrîrî panpe, epuꞌtî pra awanî ya, suꞌminantoꞌ wanî morî pe, morî pe pra karî, aminke eꞌkî mîrîrî piapai.
4. Morî kupîya yuwakî
PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:
-
Seeni panton ya, îꞌ wanî morî pe pra eraꞌmapîtîꞌpî uyonpakonya. Tîîse, îꞌ ya mîîkîrî yakaꞌmaꞌpî?
Eraꞌmatî Filipenses 1:10. Tarîpai seeni itoꞌkoꞌ manni pî eseurîmatî:
-
Oꞌnon yeꞌka pe seeni Paapa Maimu imenukasaꞌya uurînîkon pîikaꞌtî îꞌ warapo iteꞌka uurînîkon suꞌmin imenka?
5. Morî pe asuꞌminantoꞌ ton imenkakî
Moro wanî tuꞌke suꞌminatoꞌkon Jeová wakîri pepîn. Tîîse moro wanî nîrî morîkon mîrîrî pî uurînîkon suꞌmin eꞌpainon. Eraꞌmatî Eclesiastes 8:15 moropai Filipenses 4:8. Tarîpai seeni itoꞌkoꞌ manni pî eseurîmatî:
-
Îꞌ yeꞌka suꞌminantoꞌ wanî awakîri pe?
Tuꞌke morîkon suꞌminatoꞌkon man amîrî tausinpatoꞌpe.
TIARONKONYA TAA: “Îꞌ wani pra wanî panton eraꞌmasaꞌuya ya kaareta erenkasaꞌuya ya, nurakon pemonkonyamîꞌ ipon pînon esenpo ya, tiaronkon tîwepaꞌtîpîꞌse moropai teeseraꞌmasen pepîn meruntîrî wanî nîrî. Mîrîrîkon wanî îꞌ wani pra, maasa pra mîrîrî konekauya rîn!”
-
Îꞌ taa amîrîya?
Îꞌ PÎ ESENUPA PÎ NAN?
Morî pe uurînîkon suꞌminatoꞌ imenka uurînîkonya yuꞌse Jeová wanî moropai tausinpantopeꞌnîkon îꞌ morî pe tîweꞌsen pî uurînîkon tonpe.
Enpanatapaiꞌnîkon
-
Îꞌ yeꞌka suꞌminantoꞌ pî Paapa poitîrîtonon suꞌmin eserîke pra wanî?
-
Îꞌ waniꞌ awanî yeꞌnen aka taa eꞌpai uurînîkon wanî îꞌ warapo iteꞌka uurînîkon suꞌmina ya?
-
Îꞌ waniꞌ awanî yeꞌnen suꞌminatoꞌ Jeová wakîri imenkaya eꞌpai awanî?
INÎꞌ PANPÎꞌ ESENUPAPAI NAN?
Eraꞌmakî anîꞌya neken amîrî suꞌminantoꞌ imenka eꞌpai wanî.
Eraꞌmakî oꞌnon yeꞌka pe morî asuꞌminantoꞌ ton imenkaya eꞌpainon.
“Amîrî suꞌminatoꞌ wanî morî pe?” (A Sentinela, 15 Outubro kapoi pî, 2011 konoꞌ pî)
Eraꞌmakî îꞌ waniꞌ awanî yeꞌnen tiwin warayoꞌya suꞌminatoꞌ moꞌtanîpîꞌpî, seeni imenukasaꞌ wenai: “Tarîpai tamîꞌnawîronkon eraꞌmauya seꞌ kaisarî, eꞌsentai pra.”
S“Paapa Maimuya pemonkonyamîꞌ inkaꞌma” (A Sentinela, 1 Fevereiro kapoi pî, 2010 konoꞌ pî)
Eraꞌmakî oꞌnon yeꞌka pe sanya morî imenkaꞌpî pantonkon teeseraꞌmasen pepîn meruntîri pî.
Suꞌminatoꞌ teeseraꞌmasen pepîn meruntîri piapai eppekî (2:02)
