ESENUPANTOꞌ 55
Ayonpakon pîikaꞌtîkî emurukuntîntoꞌ tawonkon
Tamîꞌnawîrî pata poro, tuꞌke pemonkonyamîꞌya Jeová yapurî Emurukuntîntoꞌ Pataꞌseꞌkon ta. Paapa Maimu pî inkamoro pemonkonyamîꞌ esenupa moroni. Mîrîrî yeꞌnen emurukuntîntoꞌ yawonkon tonpakon anpîikaꞌtîpai inkamoro wanî. Mîrîrî panpe, toꞌ anpîikaꞌtîpai nan?
1. Oꞌnon yeꞌka pe amîrî esenyakaꞌma eꞌpainon ayonpakon pîikaꞌtîpa emurukuntîntoꞌ tawonkon?
Tiwin pî siꞌma emurukuntîntoꞌ pîikaꞌtî uurînîkonya eꞌpainon. Esenumenkakî: amîrîya naka aꞌyekeꞌtonon, noꞌsantonon yarî eꞌpainon emurukuntîntoꞌ ta? Amîrîya naka toꞌ pîikaꞌtî eꞌpainon, toꞌ yemanne ton yenapa moropai toꞌ yewîꞌ nîrî ronapa? (Eraꞌmakî Tiago 1:27.) Uurînîkonya nîrî Emurukuntîntoꞌ Pataꞌseꞌ rona eꞌpainon, moropai tiaron esenyakaꞌmantoꞌ koneka uurînîkonya eꞌpainon moroni. Mîrîrî koneka uurînîkonya maasa pra Paapa saꞌnama uurînîkonya yeꞌnen, moropai uyonpakon nîrî. Mîrîrî yeꞌnen uurînîkonya taa: “Tarî wai! Uurî yarimakî!” — Isaías 6:8.
Jeová Maimu Ekaremeꞌnenan esenpatakonasanya emurukuntîntoꞌ pîikaꞌtî eꞌpainon inîꞌ panpîꞌ. Warayoꞌkon ena eꞌpainon soosi esanon pîikaꞌtînen pe moropai soosi esanon pe nîrî. Warayoꞌkon moropai wîriꞌsanyamîꞌ esenyakaꞌma eꞌpainon Paapa Maimu ekaremekî pî inîꞌ panpîꞌ moropai toꞌ ena Paapa Maimu pî eseurîmakoikon pe wei kaisarî (taatoꞌ mîrîrî, pioneiros/pioneers). Tiaronkon Jeová Maimu Ekaremeꞌnenan esenyakaꞌma nîrî yapurîtoꞌ pataꞌseꞌkon konekanenan pe. Tiaronkon wîtî nîrî tiaron pata poro pemonkonyamîꞌ pîikaꞌtîi, Paapa Maimu pî tiaronkon yenupatoꞌpe toꞌya.
2. Oꞌnon yeꞌka pe uurînîkon yemannekon yenkama uurînîkonya eꞌpainon Emurukuntîntoꞌ Pataꞌseꞌ pîikaꞌtîtoꞌpe?
Uurînîkonya ‘Jeová yapurî eꞌpainon uyemannekon ke.’ (Provérbios 3:9) Morî pe puꞌkuru wanî upîratarikon tîrî uurînîkonya ya Emurukuntîntoꞌ Pataꞌseꞌ pîikaꞌtîtoꞌpe. Moropai mîrîrîya nîrî pîikaꞌtî Paapa Maimu ekaremeꞌtoꞌpe pata poro. (Eraꞌmakî 2 Coríntios 9:7.) Pîrata tîrî uurînîkon manniya tîweꞌtarumaꞌtîsanon pîikaꞌtî nîrî, îꞌ pensa pata eserentîkîꞌma ya moropai mararî pra konoꞌ rena ya. Suntaꞌka kaisarî, kapoi kaisîrî, tuꞌkankon uyonpakonya pîratarikon yonpa emurukuntîntoꞌ pîikaꞌtîkonpa. (Eraꞌmakî 1 Coríntios 16:2.) Mîrîrî pîrata tîrî uurînîkonya eꞌpainon pîrata yense ya, Emurukuntîntoꞌ Pataꞌseꞌ ta, moropai nîrî site donate.pr418.com wenai. Uyemannekon wenai yenpo uurînîkonya Jeová saꞌnama uurînîkonya kureꞌne uyewankon ke.
ESENUPAKÎ INÎꞌ PANPÎꞌ
Maasa eraꞌmakî oꞌnon yeꞌka pe Emurukuntîntoꞌ Pataꞌseꞌ ta pîikaꞌtîya eꞌpainon.
3. Emurukuntîntoꞌ Pataꞌseꞌ pîikaꞌtîkî apîratari wenai
Jeováya moropai Jesusya pîrata tîînen saꞌnama, pîrata tîrîiya ya tewan ke. Jesusya wîriꞌ inyo isaꞌmantaꞌpîya pîrata tîrî eraꞌmaꞌpî. Eraꞌmatî Lucas 21:1-4. Tarîpai seeni itoꞌkoꞌ manni pî eseurîmatî:
-
Kureꞌne naka pîrata tîrî eꞌpai uurînîkon wanî Jeová atausinpatoꞌpe?
-
Oꞌnon yeꞌka pe Jeová moropai Jesus esepuꞌtî, pîrata tîrî uurînîkonya ya uyewankon ke?
Oꞌnon yeꞌka pe pîrata uurînîkon nîtîrîꞌpî yenkama Paapa poitîrîtononya epuꞌtîpa, PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:
-
Oꞌnon yeꞌka pe pîrata uurînîkon nîtîrîꞌpî yenkaꞌma Paapa poitîrîtononya uyonpakon pîikaꞌtîtoꞌpe tamîꞌnawîrî pata poro emurukuntîntoꞌkon tawonkon?
4. Uurînîkon esenyakaꞌma eꞌpai man uyewankon ke, Emurukuntîntoꞌ Pataꞌseꞌ pîikaꞌtîtoꞌpe
Jeová yapurîtoꞌ pataꞌseꞌ eraꞌmapîtîꞌpî penaronkon Paapa poitîrîtononya. Mîrîrî wanîꞌpî toꞌ wakîri pe. Tîîse, pîrata neken tîrî eꞌpai Israel ponkon wanîꞌpî naka? Eraꞌmatî 2 Crônicas 34:9-11. Tarîpai seeni itoꞌkoꞌ manni pî eseurîmatî:
-
Oꞌnon yeꞌka pe israelitayamîꞌya Epîremantoꞌ Yewîꞌ eraꞌmapîtîꞌpî?
Oꞌnon yeꞌka pe Jeová Maimu Ekaremeꞌnenanya israelitayamîꞌ yeseru ipataka eraꞌmapa, PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:
-
Îꞌ waniꞌ awanî yeꞌnen ipîkku pe wanî Emurukuntîntoꞌ Pataꞌseꞌ nura pe pra aweꞌtoꞌpe moropai pata yaꞌmîriꞌkapîtî pe pra aweꞌtoꞌpe?
-
Îꞌ konekaya eꞌpainon moro pîikaꞌtîpa?
5. Warayoꞌkon esenyakaꞌma eꞌpainon inîꞌ panpîꞌ tiaronkon yonpakon emurukuntîntoꞌ tawonkon pîikaꞌtîtoꞌpe
Paapa Maimuya taa pîꞌ man warayoꞌkon Paapa poitîrîtonon esenyakaꞌma eꞌpainon inîꞌ panpîꞌ, tiaronkon yonpakon pîikaꞌtîtoꞌpe Emurukuntîntoꞌ Pataꞌseꞌ ta. PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:
-
Seeni panton wenai, îꞌ konekaꞌpî Ryanya inîꞌ panpîꞌ tonpakon emurukuntîntoꞌ tawonkon pîikaꞌtîpa?
Paapa Maimuya taa pîꞌ man oꞌnon yeꞌka pe warayoꞌkon yeseru eꞌpai wanî, soosi esanon piîkaꞌtînen pe moropai soosi esaꞌ pe toꞌ enaꞌtoꞌpe. Eraꞌmatî 1 Timóteo 3:1-13, mîrîrî tîpo seeni itoꞌkoꞌ manni pî eseurîmatî:
-
Oꞌnon yeꞌka pe warayoꞌkon yeseru eꞌpai wanî, soosi esanon piîkaꞌtînen pe moropai soosi esaꞌ pe toꞌ enaꞌtoꞌpe?
-
Oꞌnon yeꞌka pe toꞌ pemonkonoyamîꞌ yeserukon eꞌpai wanî nîrî? — Imenukasaꞌ 4 moropai 11 eraꞌmakî.
-
Seeni yeserukon esaꞌ pe inkamoro yonpakon wanî ya, oꞌnon yeꞌka pe tamîꞌnawîronkon emurukuntîntoꞌ tawonkon ena morî pe mîrîrî wenai?
ANÎꞌYA EKARANMAPO YA: “Oꞌnon patapai pîrata iipî Jeová Maimu Ekaremeꞌnenan pia inkamoro esenyakaꞌmapa?”
-
Îꞌ taa amîrîya?
Îꞌ PÎ ESENUPA PÎ NAN?
Paapa Jeová wakîri pe puꞌkuru wanî uurînîkon esenyakaꞌma ya moropai pîrata tîîsaꞌ uurînîkonya ya tiaronkon yonpakon pîikaꞌtîtoꞌpe Emurukuntîntoꞌ Pataꞌseꞌ ta.
Enpanatapaiꞌnîkon
-
Oꞌnon yeꞌka pe uurînîkon esenyakaꞌma eꞌpainon tiaronkon yonpakon emurukuntîntoꞌ tawonkon pîikaꞌtîtoꞌpe?
-
Oꞌnon yeꞌka pe upîratarikon yenkama uurînîkonya eꞌpainon tiaronkon uyonpakon emurukuntîntoꞌ tawonkon pîikaꞌtîtoꞌpe?
-
Oꞌnon yeꞌka pe tiaronkon yonpakon emurukuntîntoꞌ tawonkon anpîikaꞌtîpai amîrî wanî?
INÎꞌ PANPÎꞌ ESENUPAPAI NAN?
Eraꞌmakî îꞌ waniꞌ awanî yeꞌnen Paapa pî inîꞌrî dízimo/tithe tîrî uurînîkonya eserîke pra wanî.
“Îꞌ taa Paapa Maimuya mîrîrî dízimo/tithing pî?” (jw.org eseurîmantoꞌ pî)
Paapa Maimuya taa pîꞌ man oꞌnon yeꞌka pe esenyakaꞌma eꞌpai warayoꞌkon Paapa poitîrîtonon wanî. Tîîse, îꞌ eꞌkupî îꞌ pensa mîrîrî kupî eꞌpai wîriꞌsanyamîꞌ wanî?
“Mai Esaꞌ pe Eꞌnîtoꞌ Emurukuntîntoꞌ Pataꞌseꞌ ya” (A Sentinela, fevereiro kapoi pîꞌ, 2021 konoꞌ pî)
Eraꞌmakî oꞌnon yeꞌka pe aranneꞌ pe pra tîweꞌsanon Jeová Maimu Ekaremenenanya kaaretakon yarîꞌpî tonpakon pia.
Paapa kaaretakon yarîꞌpî toꞌya aminke wanî tanne Congo pona (4:25)
Upîratarikon yenkama uurînîkonya tîponarî tiaronkon soosikon warantî pra. Oꞌnon yeꞌka pe mîrîrî koneka uurînîkonya?
