Morî pe eꞌkonekasaꞌ wai?
Morî pe eꞌkonekasaꞌ wai Paapa Maimu pî eseurîmatoꞌpe Paapa poitîrîtonon pokonpe?
Amîrî esenpatakona rawîrî Paapa Maimu pî eseurîma eꞌpainon, tîîse . . .
Amîrî esenupa eꞌpai man Paapa Maimu imenukasaꞌ pî, epîrema, emurukuntîtoꞌ ta atî tîrumakai pra.
Yairon Paapa Maimu saꞌnamaya, inna taaya mîrîrî pî ayewan ke moropai eseurîma tiarokon yarakkîrî mîrîrî pî.
Jeová saꞌnamaya moropai Jeová saꞌnamanenan nîrî menkaya toꞌ yonpa pe awanîpa.
Seruꞌye soosita awanî rîn, pata esaꞌnon yarakkîrî awanî rîn nîrî. (políticoyamîꞌ/political).
Îꞌ taasaꞌ Jeováya manni yawîrî eꞌnî moropai Jeová Maimu Ekaremeꞌnenpe ena.
Amîrî taise esenumenka: “Morî pe eꞌkonekasaꞌ wai Paapa Maimu pî eseurîmatoꞌpe Paapa poitîrîtonon pokonpe”. Mîrîrî yeꞌnen eseurîma amîrî yenupanen yarakkîrî moropai soosi esanon yarakkîrî, amîrî eseurîmatoꞌpe Paapa Maimu pî.
Morî pe eꞌkonekasaꞌ wai esenpatakonatoꞌpe?
Amîrî esenpatakona eꞌpainon, tîîse . . .
Amîrî eseurîma eꞌpai man Paapa Maimu pî Paapa poitîrîtonon yarakkîrî.
Paapa Maimu ekaremekîya eꞌpai man morî pe puꞌkuru ayewan ke tîrumakai pra.
Îꞌ taasaꞌ “Jeová Pemonkonoyamîꞌ Eraꞌmanenan Pata poro”, (Corpo Governante/Governing Body) konekaya eꞌpai wanî. — Mateus 24:45-47.
Amîrî epîrema eꞌpai man Jeová pî moropai taaya ipî, îꞌ ituꞌseꞌ aweꞌtoꞌ konekapa wei kaisarî.
Amîrî taise esenumenka: “Morî pe eꞌkonekasaꞌ wai esenpatakonatoꞌpe”. Mîrîrî yeꞌnen amîrî yenupanen eseurîma eꞌpainon soosi esanon yarakkîrî, oꞌnon yeꞌka pe ayeseru wanî eraꞌmatoꞌpe toꞌya, amîrî enatoꞌpe Jeová poitîrîpe.
