ESENUPANTOꞌ 03
Paapa Maimu pî naka inna taaya eꞌpainon?
Paapa Maimuya taa pî man morîkon eꞌkupî kupî sîrîrî uurînîkon tonpe, moropai morî panamatoꞌkon tîrîiya. Îꞌ taa Paapa Maimuya manni, anepuꞌpai awanî taise. Amîrî esenumenka: Paapa Maimu mîrîrî penaron, tîîse mîrîrîya naka morî panamatoꞌ tîrî eꞌpainon? Îꞌ taa Paapa Maimuya manni, mîrîrîya naka uurî yausinpa eꞌpainon sîrîrîpe moropai ipatîkarî? Sîrîrîpe mararî pra pemonkonyamîꞌya inna taa pî man Paapa Maimu pî morî pe. Amîrî kanan, inna taa pî nan mîrîrî pî nîrî?
1. Îꞌ taasaꞌ Paapa Maimuya manni naka eꞌkupîꞌpî panton wenai?
Pena Paapa Maimuya taꞌpî, warayoꞌkonya Paapa Maimu imenukaꞌpî “tamîꞌnawîrî yairî”. (Eclesiastes 12:10) Paapa Maimu nîrî eseurîma pî man, yairon pemonkonyamîꞌya panton imenukaꞌpî. (Eraꞌmakî Lucas 1:3; 3:1, 2.) Penaron pî esenupakoiꞌkonya taꞌpî, îꞌ taasaꞌ Paapa Maimuya manni wanîꞌpî yairî. Paapa Maimu eseurîma oꞌnon pata mîrîrî imenukasaꞌ toꞌya pî, îꞌ eꞌkupî manni pî moropai penaronkon pemonkonyamîꞌ pî, “mîrîrî wanî tamîꞌnawîrî yairî” taa toꞌya.
2. Paapa Maimu mîrîrî penaron, tîîse yairon. Îꞌ wani awanî yeꞌnen inna taa uurînîkonya eꞌpainon mîrîrî pî?
Paapa Maimu mîrîrî, tiaronkon kaaretakon yentainon sîrîrî pîkîrî. Paapa Maimu eseurîma pî man ciência pî. Îꞌ mîrîrî? Epuꞌnenan warayoꞌkon esenupantoꞌ inîꞌ panpîꞌ. Îꞌ pensa Paapa imenukaꞌsa yai, inna taasaꞌ pemonkonyamîꞌya pra man mîrîrî pî. Tîîse sîrîrîpe, epuꞌnenan warayoꞌkon esenupantoꞌ inîꞌ panpîꞌya yenposaꞌ man, mîrîrî wanî yairî. Paapa Maimuya “yairî mîrîrî wanî, sîrîrîpe ipatîkarî”. — Salmo 111:8.
3. Îꞌ taasaꞌ Paapa Maimuya pî inna taa uurînîkonya. Îꞌ wani awanî yeꞌnen?
Paapa Maimu eseurîma pî man maasa “îꞌ kon eꞌkusaꞌ pepîn manni pî”. (Isaías 46:10) a (Imenukasaꞌ itoko eraꞌmakî - Nota.) Pena îꞌ kon eꞌkupîꞌpî pî Paapa Maimu eseurîmaꞌpî, mîrîrî eraꞌma pî uurînîkon man sîrîrîpe. Pena Paapa Maimuya nîrî taꞌpî oꞌnon yeꞌka pata eꞌtoꞌ pî sîrîrîpe. Îꞌ taasaꞌ Paapa Maimuya manni eꞌkupî, mîrîrî pî uurînîkon esenupa seeni esenupantoꞌ wenai. Îꞌ taasaꞌ Paapa Maimuya pî uurînîkon esenupa, mîrîrîya uurînîkon yausinpa!
ESENUPAKÎ INÎꞌ PANPÎꞌ
Eraꞌmakî îꞌ taa Paapa Maimuya manni wanî, epuꞌnenan warayoꞌkon esenupantoꞌ inîꞌ panpîꞌ yeꞌka pe moropai esenupakî inîꞌ panpî îꞌ eꞌkupî taa Paapa Maimuya manni pî.
4. Ciênciaya inna taa Paapa Maimu pî
Anîꞌya Pata yapisî pepîn tîîse, penarokon pemonkonyamîꞌ esenumenkapîtîꞌpî moro yapiꞌnen wanî kaima. Panton eraꞌmatî.
Mararî pra koꞌno esuwaꞌkaꞌpî tanne, 3.500 koꞌno kaisarî, mîrîrî imenukasaꞌ wanîꞌpî Jó 26:7 ya: “anîꞌya Pata yapisî pepîn”. (TNM) Tarîpai seeni itoko manni pî eseurîmatî:
-
“Anîꞌya Pata yapisî pepîn” îꞌ wani awanî yeꞌnen morî pe seeni imenukasaꞌ wanî?
Pemonkonyamîꞌya epuꞌtîꞌpî maasa 200 koꞌno kaisarî esuwaꞌkasaꞌ tanne, oꞌnon yeꞌka pe tuna yeseru eꞌtoꞌ pî. Jó 36:27, 28 ya taꞌpî man: “Mîîkîrîya tuna yarî kawîne; Mîrîrî tîpo katupuru pe wanî, moropai koꞌno aarena pemonkonyamîꞌ tonpe”. (TNM) Tarîpai seeni itoko manni pî eseurîmatî:
-
Îꞌ wani awanî yeꞌnen morî pe seeni imenukasaꞌ wanî?
-
Seeni imenukasaꞌpî inna taaya Paapa maimu pî inîꞌ panpîꞌ?
5. Îꞌ taasaꞌ Paapa Maimuya manni eꞌkupîꞌpî
Isaías 44:27–45:2 ya taꞌpî man: Mîîkîrîya taa tuna pî: ‘Tamîꞌnawîrî tuna yaꞌmananîꞌpîuya’; Mîîkîrîya taꞌpî Ciro pî: ‘Mîîkîrî menkaꞌpîuya, mîrîrî yeꞌnen îꞌ yuꞌse eꞌtoꞌ konekaiya’; Jerusalem pî eseurîmaꞌpî: ‘Mîrîrî koneka inîꞌrî’. Mîîkîrîya taꞌpî: ‘Inîꞌrî epîremantoꞌ yewîꞌ koneka’”. Jeováya taꞌpî tîmenkaꞌpî Ciro pî: “Uutîꞌ amîrî rawîrî manaꞌta yarakkanmokai”. (TNM) Tarîpai seeni itoko manni pî eseurîmatî:
-
Îꞌ taꞌpî Paapa Maimuya Babilônia eꞌtîꞌkatoꞌ pîꞌ, 200 konoꞌ kaisarî mîrîrî eꞌkupî irawîrî?
Pantonya taꞌpî man Ciro Pérsia ta manni esaꞌ pe tîweꞌsenya, surarayamîꞌ pokonpe Babilônia pataꞌseꞌ tîꞌkaꞌpî 539 konoꞌ yai maasa Jesus esenpo rawîrî. Mîrîrî tîpo tuna raꞌtîꞌpî toꞌya Babilônia iwoi eꞌkoi moropai toꞌ ewomîꞌpî kureꞌnan manaꞌtaya, atarakkanmokasaꞌ wanî yeꞌnen. Mîrîrî yeꞌnen saꞌme pra wanîꞌpî toꞌ pia. Sîrîrîpe uurînîkon koꞌmantoꞌ Babilônia man 2.500 konoꞌ kaisarî esuwaꞌkasaꞌ tanne imakuiꞌpî pe mîrîrî koꞌmamî.
Eraꞌmatî îꞌ taasaꞌ Paapa Maimuya eꞌkuꞌtoꞌ pî. Isaías 13:19, 20 ya taꞌpî man: “Babilôniaya inîꞌrî anîꞌ koꞌmamî pepîn”. (TNM) Tarîpai seeni itoko manni pî eseurîmatî:
-
Oꞌnon yeꞌka pe mîrîrî eꞌkupîꞌpî?
Seeni Babilônia eꞌsorokaꞌpî eraꞌma mîrîrî, mîrîrî man Iraque ta manni pia
6. Paapa Maimu eseurîmapîtîꞌpî, sîrîrîpe uurînîkon eraꞌma manni pî
Paapa Maimuya taꞌpî man tiwinanoꞌpî weiyu yai uurînîkon koꞌmamî. (2 Timóteo 3:1) Îꞌ taasaꞌ Paapa Maimuya eraꞌmakî tiwinanoꞌpî weiyu yai.
Eraꞌmatî Mateus 24:6, 7 ya. Mîrîrî tîpo seeni itoko manni pî eseurîmatî:
-
Îꞌ eꞌkupî taꞌpî Paapa Maimuya tiwinanoꞌpî weiyu yai?
Eraꞌmatî 2 Timóteo 3:1-5 ya. Mîrîrî tîpo seeni itoko manni pî eseurîmatî:
-
Îꞌ taꞌpî Paapa Maimuya oꞌnon yeꞌka pe pemonkonyamîꞌ wanî tiwinanoꞌpî weiyu yai?
-
Oꞌnon yeꞌkakon eꞌkupî eraꞌmapa amîrî nen sîrîrîpe?
TIARONKONYA TAA: “Paapa Maimu mîrîrî panton, yairon pepîn.”
-
Îꞌ taa amîrîya, îꞌ wani awanî yeꞌnen inaa taa Paapa Maimu pî?
Îꞌ PÎ ESENUPA PÎ NAN?
Pantonya, ciênciaya moropai îꞌ taasaiꞌya manni eꞌkupîꞌpî, mîrîrîya yenpo pî man inna taatoꞌpe amîrîya Paapa Maimu pî.
Enpanatapaiꞌnîkon
-
Îꞌ taasaꞌ Paapa Maimuya manni naka eꞌkupîꞌpî?
-
Îꞌ ya yenpo Paapa Maimu moropai ciência wanî see kaisarî?
-
Amîrîya inna taa Paapa Maimu pî îꞌ taasaiꞌya manni eꞌkupî? Îꞌ wani awanî yeꞌnen inna taa amîrîya?
INÎꞌ PANPÎꞌ ESENUPAPAI NAN?
Yairî pra yenupatoꞌ nen Paapa Maimuya?
“Ciência yarakkîrî naka Paapa Maimu wanî see kaisarî?” (jw.org esenupantoꞌ pî)
Îꞌ ya yenpo pî nen uurînîkon wanî tiwinanoꞌpî weiyu yai?
Eraꞌmakî îꞌ taasaꞌ Paapa Maimuya manni eꞌkupîꞌpî Grécia pataꞌseꞌ po.
“Paapa yekare wenai meruntî ke enî îꞌ eꞌkupî taasaiꞌya wenai” (5:22)
Andreas pantoni epuꞌkî. Paapa pî inna taa pra wanîꞌpî. Îꞌ taasaꞌ Paapa Maimuya manni eꞌkupî. Mîrîrîya mîîkîrî esenumenkatoꞌ pîikaꞌtîꞌpî. Eraꞌmatî.
“Uurî pia Paapa ton pra wanîꞌpî” (A Sentinela, n.º 5 2017 konoꞌ pî)
a Nota: Profecias mîrîrî îꞌ taasaꞌ Paapa Maimuya manni eꞌkupî.
