Paapa Maimu mîrîrî morî puꞌkuru, mîrîrî yeꞌnen mîrîrî tîrîꞌpîiya uurînîkon pia. Paapa Maimuya 66 kaisarî siꞌmîrikkî pe kaaretakon man – Iteseꞌ Bíblia (Bible). Amîrî taise esenumenka: ‘Oꞌnon pata pai Paapa Maimu iipîꞌpî? Paapa Maimuya mîîkîrî esenumenkatoꞌ wanî?’ Mîrîrî yeꞌnen inîꞌ panpîꞌ seeni epuꞌtoꞌpe, oꞌnon yeꞌka pe mîrîrî erepamîꞌpî uurînîkon pia eraꞌmapaiꞌnîkon.

1. Warayoꞌkonya Paapa Maimu eꞌmenukaꞌpî, tîîse îꞌ wani awanî yeꞌnen taa uurînîkonya Paapa Maimu pe mîrîrî wanî?

Paapaya 40 kaisaronkon warayoꞌkon tîmaimu yawîronkon yaipontîꞌpî tîmaimu imenukatoꞌpe toꞌya. Paapa Maimu eꞌmenukatoꞌ esippiaꞌtîꞌpî 1513 konoꞌ yai Jesus esenpo rawîrî. Mîrîrî yaretîꞌkaꞌpî toꞌya 98 konoꞌ yai Jesus esenpoꞌpî tanne. Mîrîrî eꞌmenukasaꞌ koꞌmamîꞌpî 1600 konoꞌ pîkîrî. Paapa Maimu imenukasan wanîꞌpî tekînkon eraꞌmanenan warayoꞌkon, moroꞌyamî yapiꞌnenan moropai pata esanon nîrî. Tîponarî inkamoro wanîꞌpî, tîîse yairî mîrîrî eꞌmenukasaꞌ wanîꞌpî. Îꞌ wani awanî yeꞌnen yairî mîrîrî wanîꞌpî? Paapa maimu pe awanî yeꞌnen. (Eraꞌmakî 1 Tessalonicenses 2:13.) Paapa Maimu mîrîrî warayoꞌkon esenumenkatoꞌ pepîn. ‘Toꞌ eseurîmaꞌpî wanî epuꞌnen pe tîwanîkon wenai pra, tîîse inkamoro yeurîmaꞌpî morî yekaton wanîya’. (2 Pedro 1:21) a (Imenukasaꞌ itoꞌkoꞌ eraꞌmakî - Nota.) Paapaya morî yekaton wenai tîmaimu imenukatoꞌpe warayoꞌkonya yaipontîꞌpî. — 2 Timóteo 3:16.

2. Anîꞌ tonpe Paapaya tîmaimu imenukaꞌpî?

Paapaya tîmaimu konekaꞌpî ‘tamîꞌnawîronkon pata ponkon pemonkonyamîꞌ tonpe’. (Eraꞌmakî Apocalipse 14:6.) Mîrîrî yeꞌnen, Paapa Maimu man imenukasaꞌ pe tîponarî, tamîꞌnawîrî pemonkonyamîꞌya epuꞌtoꞌpe tîmaimukon ya. Paapa Maimu mîrîrî tiaronkon kaaretakon yentainon. Tamîꞌnawîronkon pata ponkonya morî yekare eraꞌma Paapa Maimu ya, mîrîrî eꞌmenukasaꞌ man toꞌ mai ya, tamîꞌnawîrî Pata poro.

3. Oꞌnon yeꞌka pe Paapaya tîmaimu eraꞌmaꞌpî morî pe?

Imakuiꞌpî eꞌkupîꞌpî Paapa Maimu yarakkîrî, tîîse Paapa wanîꞌpî meruntî ke mîrîrî yentai. Maasa seeni pî esenumenkakî. Paapa imenukasaꞌ wanîꞌpî kaareta yare pona, mîrîrî wanîꞌpî apiꞌtîmî pe. Oꞌnon yeꞌka pe mîrîrî erepamîꞌpî uurînîkon pia? Warayoꞌkonya Paapa Maimu saꞌnamaꞌpî kureꞌne, mîrîrî yeꞌnen Paapa Maimu imenukaꞌpî tuꞌke iteꞌka, mîrîrî konekaꞌpî toꞌya morî pe. Tiaron imakuiꞌpî, ipîkku pe tîweꞌsanon warayoꞌkon wanîꞌpî, Paapa Maimu yaretîꞌka yuꞌse. Tîîse, pemonkonyamîꞌ wanîꞌpî morîkon, inkamoroya Paapa Maimu konekaꞌpî morî pe, aranne pe pra toꞌ wanîꞌpî. Mîrîrî yeꞌnen Isaías 40:8 ya taasaꞌ man: “Paapa Maimu koꞌmamî ipatîkarî.” (TNM)

 ESENUPAKÎ INÎꞌ PANPÎꞌ

5. Paapa yeyatononya imaimu eꞌmenukasaꞌ yaretîꞌkasaꞌ pra man

 6. Kaareta wanî tamîꞌnawîrî pemonkonyamîꞌ tonpe

Pata poro mararî pra pemonkonyamîꞌ man tîponarî toꞌ maimu wanî, tîîse inkamoro maimu ya Paapa Maimu man nîrî. Eraꞌmatî Atos 10:34, 35 ya. Tarîpai seeni itoꞌkoꞌ manni pî eseurîmatî:

• Îꞌ wani awanî yeꞌnen mararî pra tîmaimu imenuka yuꞌse Paapa wanî pemonkonyamîꞌ maimu ya?

• Îꞌ wanî awakîri pe Paapa Maimu ya?

 Îꞌ PÎ ESENUPA PÎ NAN?

Bíblia mîrîrî Paapa maimu, mîrîrî yeꞌnen mîrîrî eꞌmenukasaꞌ yuꞌse wanî tamîꞌnawîronkon pemonkonyamîꞌ tonpe.

Enpanatapaiꞌnîkon

• Îꞌ pensa tîmaimu menuka warayoꞌkonya emapuꞌtîꞌpî Paapaya tamîꞌnawîrî, îꞌ see taiya mîrîrî?

• Îꞌ wanî awakîri pe, Paapa Maimuya imenukasaꞌ pe wanî yeꞌnen, tiaronkon maimu ya tuꞌke pemonkonyamîꞌ tonpe? Îꞌ taa amîrîya eꞌpainon, mararî pra mîrîrî tîꞌka yuꞌse toꞌ esaꞌ tanne, mîrîrî koꞌmamî?

• Oꞌnon yeꞌka pe awanî Paapa esaꞌ yeꞌnen meruntî ke tîmaimu wenai amîrî tonpe?