ESENUPANTOꞌ 07

Esenupakî Inîꞌ panpîꞌ Jeová yeserukon pî

YE'NUNPA

Îꞌ taaya? Oꞌnon yeꞌka mîîkîrî Paapa? Meruntî ke puꞌkuru moropai aminke wanî amîrî piapai? Amîrî esenumenka eꞌpainon nîrî, Paapa mîîkîrî kaꞌ po wanî pra man, mîîkîrî wanî pata poro, meruntî ke, waraꞌnapi panpe. Tîîse, anîꞌ mîîkîrî Jeová? Paapa Maimu imenukasaꞌya taa pî man Paapa yeseru pî, mîîkîrî esewankonoꞌma apî.

1. Îꞌ wani awanî yeꞌnen Paapa eraꞌma eserîke pra uurînîkon wanî?

Paapa Maimuya taa pî man João 4:24 ya: “Paapa man Yekaton Wannî pe.” Jeová wanî pepîn pemonkon panpe, iteꞌpî moropai pun ton pra. Paapa mîîkîrî yekaton moropai kaꞌ po tîkoꞌmansen, uurînîkonya eraꞌma pepîn.

2. Îꞌ yeserukon esaꞌ pe Jeová wanî?

Jeová eraꞌma eserîke pra uurînîkon wanî. Tîîse, inîꞌ panpîꞌ esenupa ya ipî, yairon mîîkîrî moropai morîkon iteserukon eraꞌma uurînîkonya. Paapa Maimuya taa pî man yairon mîîkîrî moropai tîpoitîrîkon rumakaiya pepîn tiwin kin. (Salmo 37:28) “Tîꞌnokoꞌpî pe” pemonkonyamîꞌ eraꞌmanen mîîkîrî Jeová moropai “pemonkonyamîꞌ saꞌnamanen pe.” (Tiago 5:11) Aminke pra Jeová wanî tîweꞌtarumaꞌtîsanon pia moropai toꞌ pîikaꞌtîiya. (Salmo 34:18, nota) Epuꞌtî pî nan oꞌnon yeꞌka pe Jeová wanî uurînîkon yeseru eraꞌma tîuya yai? Esenumenkakî, yairî pra pemonkonya îꞌ koneka yai, Jeová esewankonoꞌma. (Salmo 78:40, 41) Tîîse pemonkonya yairî konekasaꞌ ya, taatausinpai Jeová wanî. — Provérbios 27:11 ya taa pî man: “Epuꞌnen pe ekî unmu, moropai uyewan yausinpakî, yenpotoꞌpîuya Makui mîîkîrî seruꞌye.” (TNM)

3. Uurînîkon saꞌnamanen mîîkîrî Jeová. Oꞌnon yeꞌka pe epuꞌtî uurînîkonya eꞌpainon mîrîrî wanî yairî?

Saꞌnamatoꞌ esaꞌ pe Jeová man, mîrîrî wanî morî pe puꞌkuru. Paapa Maimuya taa pî man “Paapaya tamîꞌnawîronkon saꞌnama. Mîrîrî warantî iteseru wanî.” (1 João 4:8) Jeová saꞌnamatoꞌ eraꞌma uurînîkonya eꞌpainon, imaimu imenukasaꞌ wenai. Mîrîrî eraꞌma uurînîkonya nîrî eꞌpainon, îꞌ kusaꞌiya manni wenai. (Eraꞌmakî Atos 14:17.) Paapaya uurînîkon konekaꞌpî morî pe. Morîkon yemenukon (cores/colors) eraꞌma uurînîkonya eꞌpainon, morîkon eserenkantoꞌ etatoꞌpe moropai morî yekkarikon yatoꞌpe. Taatausinpai uurînîkon yuꞌse Jeová man.

ESENUPAKÎ INÎꞌ PANPÎꞌ

Eraꞌmakî îꞌ yekaꞌma Jeováya morîkon konekatoꞌpe. Eraꞌmakî nîrî oꞌnon yeꞌka pe teserukon wenai Jeováya uurînîkon yenupa.

4. Morî yekaton wanî Paapa meruntîri pe

Uurînîkon esenyakaꞌma yai, uyenyakon yekaꞌma uurînîkonya. Tîîse, îꞌ yekaꞌma Jeováya? Morî Yekaton yekaꞌma Jeováya. Tiaronkonya taa Morî Yekaton wanî Paapa pe, tîîse Paapa Maimuya taa pî man, Morî Yekaton wanî Jeová meruntîri pe, mîrîrî wenai îꞌ ituꞌse tîweꞌtoꞌ konekaiya. Eraꞌmatî Lucas 11:13 moropai Atos 2:17. Mîrîrî tîpo seeni itoꞌkoꞌ manni pî eseurîmatî:

Paapa Maimu eꞌmenukasaꞌ karaiwa pe, english pe moropai tiaronkon eseurîma pî man, Paapaya Morî Yekaton sururukaiya mannankan esanen pona. Moriya, îꞌ taa amîrîya, (1) Morî Yekaton wanî Paapa pe kaꞌrî? (2) Morî Yekaton wanî Paapa meruntîri pe kaꞌrî? Moropai, îꞌ wani awanî yeꞌnen mîrîrî panpe yuuku amîrîya?

Jeováya Morî Yekaton yekaꞌma morîkon konekatoꞌpe. Salmo 33:6 ya taa pî man: “Jeová maimu wenai kaꞌ eꞌkonekaꞌpî; moropai imeruntîri winîpai tamîꞌnawîrî eꞌkupîꞌpî kaꞌ po.” (TNM) Eraꞌmatî nîrî 2 Pedro 1:20, 21. Mîrîrî tîpo seeni itoꞌkoꞌ manni pî eseurîmatî:

Oꞌnon yeꞌka pe Jeováya Morî Yeꞌkaton yekaꞌmapîtîꞌpî?

5. Morîkon yeserukon esaꞌ pe Jeová man

Moisésya (Moses) yairî Paapa yapurî eꞌpîtîꞌpî. Tîîse inîꞌ panpîꞌ Jeová anepuꞌpai awanîꞌpî. Mîrîrî yeꞌnen, Moisésya taꞌpî Jeová pî mîîkîrîya tîpîikaꞌtîtoꞌpe, iteserukon epuꞌtoꞌpîiya. (Êxodo 33:13) Jeováya teserukon ekaremekîꞌpî Moisés pî. Êxodo 34:4-6 ya taa pî man: “Moisésya saakîꞌne tîꞌkon yaꞌtîꞌpî eꞌmainon warantî patamîrikaꞌpî pataꞌpî yawon ton. Penane pî aweꞌmîꞌsaꞌkaꞌpî, mîîkîrî enukuꞌpî wîꞌ iteꞌseꞌ Sinai pona, Jeováya taꞌpî warantî ipî, yarîꞌpîiya saakîꞌne tîꞌkon yaꞌtîsaꞌ tarakkîrî. ⁵ Moropai Jeová autîꞌpî katupuru koreꞌta iipia, moropai Jeová eseꞌ ekaremekîꞌpîiya. ⁶ Jeová suwaꞌkaꞌpî irawîrî eseurîmaꞌpî, taꞌpîiya: “Jeová, Jeová, Paapa tîꞌnokoꞌpî pe eraꞌma ton, morî pe eraꞌma ton, teesemiꞌtapai pra tîweꞌsen, kureꞌnan saꞌnamatoꞌ esaꞌ, yairon mîîkîrî.” (TNM) Tarîpai seeni itoꞌkoꞌ manni pî eseurîmatî:

Îꞌ yeꞌka Jeová yeseru pî Moisés esenupaꞌpî?
Îꞌ yeꞌka pe Jeová yeseru wanî awakîri pe inîꞌ panpîꞌ?

6. Jeová esenumenka kureꞌne pemonkonyamîꞌ pî

Hebreuyamîꞌ (Hebrews) wanîꞌpî Paapa pemonkono pe pena, moropai Egito pata ponkon poitîrîtonon pe toꞌ enaꞌpî. Oꞌnon yeꞌka pe Jeováya toꞌ eraꞌmaꞌpî toꞌ eꞌtarumaꞌtî tanne? PANTON ETATOꞌPE etatî moropai eꞌmenukasaꞌ eraꞌmatî Êxodo 3:1-10, Paapa Maimu ya. Mîrîrî tîpo seeni itoꞌkoꞌ manni pî eseurîmatî:

PANTON ETATOꞌPE: Jeová esewankonoꞌmapîtîꞌpî toꞌ eꞌtarumaꞌtîntoꞌ pî (2:45)

Pemonkonyamîꞌ eꞌtarumaꞌtî eraꞌma tîuya yeꞌnen, oꞌnon yeꞌka pe Jeová esepuꞌtî sîrîrîpe? — Eꞌmenukasaꞌ siꞌmîrikkî pe 7 moropai 8 eraꞌmatî..
Inna taa amîrîya Jeová wanî pemonkonyamîꞌ anpîikaꞌtîpai? Meruntî esaꞌ pe Jeová man pemonkonyamîꞌ pîikaꞌtîpa? Îꞌ wani awanî yeꞌnen mîrîrî taaya?

7. Îꞌ konekaꞌpî Jeováya wenai esenupa eꞌpainon iteserukon pî

Îꞌ konekaꞌpî Jeováya eraꞌmasaꞌ uurînîkonya ya, inîꞌ panpîꞌ uurînîkon esenupa eꞌpainon iteserukon pî. PANTON eraꞌmatî. Mîrîrî tîpo, eraꞌmatî Romanos 1:20 ya, moropai seeni itoꞌkoꞌ manni pî eseurîmatî:

PANTON ERAꞌMATOꞌPE: Paapa nîkonekaꞌpî wenai eꞌsaꞌnamatoꞌ eraꞌma uurînîkonya — Pemonkon esaꞌ (Corpo/Body) (1:57)

Îꞌ yeꞌka Jeová yeseru eraꞌma amîrîya, îꞌ kon konekaꞌpîiya wenai?

TIARONKONYA TAA: “Pemonkon pepîn mîîkîrî Jeová. Meruntîn panpe pata poro mîîkîrî wanî, esenumenka rîn moropai tiaronkon pî esewankonoꞌma rîn.”

Amîrî kanan esenumenka mîrîrî panpe?
Îꞌ wani awanî yeꞌnen mîrîrî panpe taaya?

ÎꞋ PÎ ESENUPA PÎ NAN?

Jeová eraꞌma eserîke pra uurînîkon wanî, yekaton pe awanî yeꞌnen. Iteserukon wanî mararî pra, tîîse eꞌsaꞌnamatoꞌ wanî morî pe puꞌkuru tiaronkon yentai.