Paapa Maimu pî esenupa ya, mîrîrî wanî morî pe, îꞌ rî yentai. Tîîse tiaron pensa mîrîrî wanî saꞌme, esenumenka esenupantoꞌ pî moropai taise emîꞌpanpai taise amîrî wanî. Tîîse, îꞌ wani awanî yeꞌnen morî pe wanî aapia esenupa akoꞌmamî teesetaꞌkai pra? Îꞌ ya amîrî pîikaꞌtî eꞌpainon esenupa tanne eꞌtarumaꞌtîntoꞌ pî?

1. Îꞌ wani awanî yeꞌnen Paapa Maimu pî esenupa morî pe puꞌkuru?

“Paapa maimuya enen koꞌmannîtoꞌ ton enepî uupiaꞌnîkon. Meruntî ke awanî.” (Hebreus 4:12) Paapa Maimu pî esenupa, mîrîrî wanî morî pe puꞌkuru. Mîrîrîya uurînîkon pîikaꞌtî epuꞌtoꞌpe Paapa esenumenkatoꞌ pî moropai oꞌnon yeꞌka pe uurînîkon eraꞌmaiya. Paapa Maimuya pîikaꞌtîntoꞌ wenai amîrî esenupa koꞌmamî, morî pe akoꞌmantoꞌpe moropai morî iipî manni inîmîkî pî akoꞌmamî. Tiaron nîrî morî puꞌkuru aweꞌkupî amîrî yarakkîrî: Jeová yonpa pe eꞌnîtoꞌpe. Paapa Maimu pî esenupa ya, imeruntîriya amîrî koꞌmantoꞌ inkama morî pe panpîꞌ.

2. Îꞌ wani awanî yeꞌnen morî pe puꞌkuru Paapa Maimu wanî eraꞌma eꞌpai uurînîkon wanî?

Îꞌ taasaꞌ Paapa Maimuya manni wanî aronne puꞌkuru, ipîkku pe, tuꞌke pîrata yeꞌka pe. Mîrîrî yeꞌnen imenukasaꞌya taa pî man ‘yairî yeꞌmaya tîpo aweꞌrepa pepîn tiwinkin’. (Provérbios 23:23, TNM) Morî pe puꞌkuru Paapa Maimu wanî eraꞌma uurînîkon ya, imenukasaꞌ pî uurînîkon esenupa tîkoꞌnarî eꞌtarumaꞌtîn tanne. — Eraꞌmakî Provérbios 2:4, 5.

3. Oꞌnon yeꞌka pe Jeováya apîikaꞌtî eꞌpainon esenupantoꞌ pî akoꞌmamîpa?

Jeová mîîkîrî tamîꞌnawîronkon yentai tîweꞌsen moropai ayonpa pe wanî. Ayeseru epuꞌtîiya morî pe. Iteseru epuꞌtoꞌpe amîrîya yuꞌse Jeová man. Jeováya apîikaꞌtî eꞌpainon “ituꞌse tîweꞌtoꞌ kupîkonpa.” (Eraꞌmakî Filipenses 2:13.) Mîrîrî yeꞌnen tiaron pensa esenupantoꞌ pî esewankonoꞌma, saꞌme Paapa Maimu wanî aapia mîrîrî yawîrî wanîpa, tîîse apîikaꞌtîiya. Ameruntîri ton yuꞌse awanî ya eꞌtarumaꞌtîntoꞌ yapîtanîpîpa, itîrîiya, arumakaiya pepîn tîwin kin. Epîremakî Paapa pî moropai esenupantoꞌ tîrumakai pra. — 1 Tessalonicenses 5:17.

 ESENUPAKÎ INÎꞌ PANPÎꞌ

4. Esenupantoꞌ Paapa Maimu pî tîrumakai pra

Tiaron pensa tuꞌke esenyakaꞌmantoꞌ wanî tanne, Paapa Maimu pî uurînîkon esenupa eserîke pra wanî. Îꞌ ya uurînîkon pîikaꞌtî eꞌpainon? Eraꞌmatî Filipenses 1:10 ya. Mîrîrî tîpo seeni itoꞌkoꞌ manni pî eseurîmatî:

• ‘Eꞌmaiꞌpe morî kupîyaꞌnîkon eꞌpai man’, îꞌ taa yuꞌse mîrîrî wanî?

• Paapa Maimu esenupantoꞌ wanî morî pe aapia? “Inna” taa ya, îꞌ koneka amîrîya eꞌpainon?

1. Eꞌmaiꞌpe, wai pona kasapan itîrîya ya, moropai tîꞌkon itîrîya ya, wai pona tamîꞌnawîrî itîrî eserîke pra awanî

2. Tîîse eꞌmaiꞌpe tîꞌkon itîrîya ya, mîrîrî tîpo kasapan itîrî eserîke awanî. Mîrîrî panpe, morîkon kupîya ya eꞌmaiꞌpe, mîrîrî tîpo tiaronkon kupîya eserîke awanî nîrî.

Paapa Maimu pî esenupantoꞌya uurînîkon pîikaꞌtî Paapa epuꞌtoꞌpe moropai mîîkîrî yapurî. Mîrîrî yuꞌse uurînîkon wanî mararî pra. Eraꞌmatî Mateus 4:4 ya. Mîrîrî tîpo seeni itoꞌkoꞌ manni pî eseurîmatî:

• Îꞌ morîkon yapisî uurînîkonya eꞌpainon, Paapa Maimu pî esenupantoꞌ rumaka pra uurînîkon wanî ya?

 5. Tiaronkon oꞌmaꞌta tanne, esenupantoꞌ tîrumakai pra eꞌtî

6. Innape Jeová kukî mîîkîrîya apîikaꞌtî eꞌpainon

 Îꞌ PÎ ESENUPA PÎ NAN?

Paapa Maimu pî uurînîkon esenupa ya eꞌtarumaꞌtîntoꞌ wanî. Tîîse, mîrîrîya apîikaꞌtî eꞌpainon taatausinpai awanîpa ipatîkarî. Inna taa pî akoꞌmankî Paapa pî, mîîkîrîya apîikaꞌtî eꞌpainon.

Enpanatapaiꞌnîkon

• Îꞌ wani awanî yeꞌnen îꞌ taasaꞌ Paapa Maimuya wanî aronne puꞌkuru, ipîkku pe wanî tuꞌke pîrata yeꞌka pe aapia?

• Eꞌmaiꞌpe morî kupîyaꞌnîkon eꞌpai man. Oꞌnon yeꞌka pe mîrîrî koneka amîrîya eꞌpainon?

• Îꞌ wani awanî yeꞌnen amîrîya Paapa pî pîikaꞌtîntoꞌ esaꞌtî eꞌpai awanî imaimu pî amîrî esenupa koꞌmantoꞌpe?