ESENUPATOꞌ 16

Îꞌ konekapîtîꞌpî Jesusya tarî pata po tîwanî yai?

YE'NUNPA

Tuꞌke pemonkonyamîꞌ esenumenkan pî man Jesus pî, more pe awanîꞌpî pî, epuꞌnen pe awanîꞌpî pî, Paapa poitîrî pe moropai aasaꞌmanta pî. Tîîse, Jesus koꞌmantoꞌ pî tarî pata po uurînîkon esenupa ya, uurînîkonya Jesus epuꞌtî pî inîꞌ panpîꞌ mîrîrîkon yentai. Seeni esenupantoꞌ wenai, îꞌ morîkon puꞌkuru konekaꞌpî Jesusya manni, mîrîrî eraꞌma uurînîkonya moropai oꞌnon yeꞌka pe mîrîrîya uurînîkon pîikaꞌtî.

1. Oꞌnon yeꞌka esenyakamantoꞌ wanîꞌpî morî pe puꞌkuru Jesus pia?

“Îꞌ kaiꞌma Paapa iipî tamîꞌnawîronkon esaꞌ pe anekaremeꞌpai wai” taꞌpî Jesusya, maasa pra mîrîrî wanîꞌpî morî pe puꞌkuru iipia. (Eraꞌmakî Lucas 4:43.) Morî itekare Jesus nekaremekîpîtîꞌpî eseurîmapîtîꞌpî, tamîꞌnawîronkon esaꞌ pe Paapa eꞌtoꞌ pî (Reino de Deus/God’s Kingdom), mîrîrî wenai pemonkonyamîꞌ pîikaꞌtîiya. a (Imenukasaꞌ itoꞌkoꞌ eraꞌmakî - Nota.) Seurîwîne konoꞌ arakkita pairî tîpo, Jesus esenyakamapîtîꞌpî mararî pra pemonkonyamîꞌ yenupapa seeni morî yekare pî. — Mateus 9:35.

2. Pemonkonyamîꞌya kureꞌnan Jesus meruntîri eraꞌmaꞌpî. Îꞌ tonpe?

Paapa Maimu eseurîman pî man Jesus pî, “îꞌ ikupî eserîkan pepîn kupîiya wenai, kureꞌnan teeseraꞌmasen pepîn kupîiya wenai, Paapa winîpaino pe awanî”. (Atos 2:22) Paapa meruntîri wenai, Jesus maimu yawîrî aꞌsitun moropai tuna wanîꞌpî, pemonkonyamîꞌ pia yekkari ton tîrîꞌpîiya, priꞌyawonkon pepîn yepiꞌtîꞌpîiya moropai saꞌmantasan pîmîꞌsaꞌkaꞌpîiya. (Mateus 8:23-27; 14:15-21; Marcos 6:56; Lucas 7:11-17) Îꞌ konekaꞌpî Jesusya manni wenai, epuꞌtî tamîꞌnawîronkonya eꞌpainon Paapaya mîîkîrî yarimaꞌpî. Mîrîrî wenai epuꞌtî nîrî tamîꞌnawîronkonya eꞌpainon, Jeová meruntîri wenai tamîꞌnawîrî eꞌtarumaꞌtîntoꞌ eꞌtîꞌka eꞌpainon.

3. Îꞌ pî uurînîkon esenupa pî nai Jesus koꞌmantoꞌ pî tarî pata po tîwanî yai?

Jesus aakoꞌmamî Jeová maimu yawîrî. (Eraꞌmakî João 8:29.) Mîrîrî konekapîtîꞌpîiya tarî pata po siꞌma tîweꞌtarumatî yeꞌka pe rî. Iteseru wenai uurînîkonya epuꞌtî pî man, eꞌtarumaꞌtîntoꞌ wanî tanne Paapa maimu yawîrî uurînîkon wanî eꞌpai man. Mîrîrî wenai ‘imakuiꞌpî tînkupîꞌpî wenai pra yapîtanîpîꞌpîiya amîrîꞌnîkonya tîwarantî yapîtanîpîkonpaꞌ. — 1 Pedro 2:21.

ESENUPAKÎ INÎꞌ PANPÎꞌ

Oꞌnon yeꞌka pe Jesusya Paapa maimu ekaremekîꞌpî eraꞌmakî moropai Paapa meruntîri yenkamaꞌpîiya.

4. Morî yekare ekaremekîpîtîꞌpî Jesusya

Jesus asapîtîꞌpî mararî pra patakon kaisarî, îꞌ tonpe? Morî yekare ekaremekîpa pemonkonyamîꞌ pî. Eraꞌmatî Lucas 8:1. Tarîpai seeni itoꞌkoꞌ manni pî eseurîmatî:

Jesusya naka tîîpia tîwîtîsaꞌnîkon neken yenupaꞌpî?
Îꞌ konekapîtîꞌpî Jesusya pemonkonyamîꞌ epotoꞌpe?

Paapa nîmenkaꞌpî (Messias/Messiah) esenpo yai, morî yekare ekaremekîiya pemonkonyamîꞌ tonpe, taꞌpî Paapaya. Eraꞌmatî Lucas 4:17-19. Tarîpai seeni itoꞌkoꞌ manni pî eseurîmatî:

Oꞌnon yeꞌka pe mîrîrî eꞌkupîꞌpî Jesus yarakkîrî?
Morî yekare anetapai pemonkonyamîꞌ wanî sîrîrîpe nîrî?

5. Morî yairon yenupaꞌpî Jesusya

Morî yekare neken ekaremepîtîꞌpî Jesusya? Kaane. Morî panamatoꞌkon nîrî tîrîꞌpîiya. Îꞌ yenupaꞌpî Jesusya wîꞌ po eramakî. Eraꞌmatî Mateus 6:14, 34 e 7:12. Tarîpai seeni itoꞌkoꞌ manni pî eseurîmatî:

Îꞌ morî panamatoꞌkon tîrîꞌpî Jesusya, seeni imenukasaꞌkon wenai?
Mîrîrî panamatoꞌkonya pemonkonyamîꞌ pîikaꞌtî eꞌpainon? Îꞌ taaya mîrîrî pî?

6. Jesusya pemonkonyamîꞌ yepiꞌtîꞌpî

Jeováya tîmeruntîri tîrîꞌpî Jesus pia priꞌyawonkon pepîn yepiꞌtîtoꞌpeiya. Mîrîrî eraꞌmakî. Eraꞌmatî Marcos 5:25-34 moropai PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:

PANTON ERAꞌMATOꞌPE: Jesusya priꞌya pra tîweꞌsen wîriꞌ, yepiꞌtîꞌpî (5:10)

Priꞌya pra wîriꞌ wanîꞌpî ipîra. Tîîse, îꞌ pî inna taapîiya?
Îꞌ wanî awakîri pe inîꞌ panpîꞌ seeni panton pî?

Eraꞌmatî João 5:36. Tarîpai seeni itoꞌkoꞌ manni pî eseurîmatî:

Îꞌ pî uurînîkon esenupa pî nai, îꞌ kupîꞌpî Jesusya manni wenai?

Epuꞌtî pî nan?

Mararî pra Jesus koꞌmantoꞌ pî uurînîkon esenupa eꞌpainon Mateus, Marcos, Lucas moropai João kaaretarîkon pî. Evangelhos kaiꞌma tîîsaꞌsen (Gospels). Îꞌ imenukaꞌpî tiwin imenukanenya, tiaronya imenukasaꞌ pra man moropai îꞌ imenukaꞌpî imenukanenya Jesus pî mararî, tiaronya imenukaꞌpî mararî pra. Tîîse, toꞌ nîmenukaꞌpî yanuꞌsa uurînîkonya ya, morî pe Jesus koꞌmantoꞌ epuꞌtî.

MATEUS

Eꞌmaiꞌpe toꞌ nîmenukaꞌpî Jesus koꞌmantoꞌ pî. Seeni kaareta man, mararî pra Jesus yenupantoꞌ moropai mararî pra wanî esaꞌ pe Paapa eꞌtoꞌ pî.
MARCOS

Imenukaꞌsa tiaronkon maꞌre panpîꞌ wanî. Tîîse Marcos kaaretarîya wanî tuꞌkan pantokon.
LUCAS

Ekaremekî pî man, îꞌ wani awanî yeꞌnen epîrematoꞌ wanîꞌpî morî pe puꞌkuru Jesus pia. Lucasya nîrî ekaremekî Jesus yeseru moropai oꞌnon yeꞌka pe awanîꞌpî morî pe wîrîꞌsanyamîꞌ yarakkîrî.
JOÃO

Mîrîrî kaaretarî eseurîma tonpayamîꞌ koreꞌta moropai tiaronkon pokonpe Jesus eseurîmapîtîꞌpî pî. Mîrîrî wenai Jesus yeseru pî uurînîkon esenupa eꞌpainon.

TIARONKONYA TAA: “Paapa munmu pe pra Jesus wanîꞌpî; morî pemonkon pe wanîꞌpî neken.”

Îꞌ taaya?

Îꞌ PÎ ESENUPA PÎ NAN?

Jesus eseurîmapîtîꞌpî tamîꞌnawîronkon esaꞌ pe Paapa eꞌtoꞌ pî, Paapa meruntîri yenkaꞌmaꞌpîiya mararî pra moropai Jeová maimu yawîrî wanîꞌpî tamîꞌnawîron pî.