ESENUPATOꞌ 17
Oꞌnon yeꞌka pe Jesus yeseru wanî?
Î kupîtîꞌpî Jesusya moropai îꞌ taꞌpîiya tarî pata po tîwanî yai mîrîrî pî uurînîkon esenupa ya, iteseru epuꞌtî uurînîkonya. Mîrîrîya uurînîkon pîikaꞌtî Jesus yonpape uurînîkon eꞌtoꞌpe moropai iyun yonpa pe uurînîkon eꞌtoꞌpe. Oꞌnon yeꞌkakon Jesus yeseru wanîꞌpî? Oꞌnon yeꞌka pe Jesus pataka uurînîkonya epainon?
1. Oꞌnon yeꞌka pe Jesus wanî tîyun Paapa Jeová panpe?
Jesus koꞌmanpîtîꞌpî mararî pra konoꞌ kaisarî tîyun Jeová yarakkîrî kaꞌ po (por bilhões de anos/for billions of years) moropai tîyun yeseru pî esenupaꞌpî mararî pra. Mîrîrî yeꞌnen, Jesus esenumenka tîyun panpe, mîîkîrî yeseru wanî tîyun panpe, moropai, îꞌ koneka Jeováya, mîrîrî panpe ikonekaiya. (Eraꞌmakî João 5:19.) Toꞌ yeserukon wanî see kaisarî, mîrîrî yeꞌnen Jesusya taꞌpî: ‘Anîꞌya uyeraꞌmasaꞌ ya, Paapa nîrî eraꞌmaiꞌya.’ (João 14:9) Inîꞌ panpîꞌ Jesus yeseru pî esenupa ya, inîꞌ panpîꞌ Jeová pî esenupa nîrî. Seeni pî esenumenkakî, Jesus esenumenkapîtîꞌpî kureꞌne pemonkonyamîꞌ pîꞌ toꞌ anpîikaꞌtîpai, mîrîrî yeꞌnen epuꞌtî pî nai, Jeová nîrî esenumenka kureꞌne amîrî pî, amîrî anpîikatîpai.
2. Oꞌnon yeꞌka pe tîyun saꞌnamapîtîꞌpî Jesusya?
Jesusya taꞌpî: “Îꞌ rî taa Paapaya ya, mîrîrî kupîuya, Paapa yapurîuya epuꞌtoꞌpe tamîꞌnawîronkon sîrîrî pata po tîîkoꞌmansenonya.” (João 14:31) Tarî pata po tîwanî yai, Jesusya tîyun maimu yawîrî aweꞌpîtîꞌpî tîweꞌtarîmatî yai tîsaꞌnamaiya yeꞌnen. Moropai, tîyun maimu ekaremenen pe aweꞌpîtîꞌpî, pemonkonyamî pî tîwakîri pe itonpa pe to eꞌtope. — João 14:23.
3. Oꞌnon yeꞌka pe epuꞌtî uurînîkonya eꞌpainon, uurînîkon saꞌnamanen Jesus wanî?
Paapa Maimuya taa pî man tamîꞌnawîronkon saꞌnamanen mîîkîrî Jesus. (Provérbios 8:31, notas) Morî pe Jesus wanîꞌpî tamîꞌnawîronkon pokonpe, anîꞌ tîmenkai pra. Tîmaimu wenai tiaronkon yausinpapîtîꞌpîiya moropai tiaronkon pîikaꞌtîpîtîꞌpîiya. Pemonkonyamî yepiꞌtîpîtîꞌpîiya tîîse tîmerîntîri ke eraꞌmatoꞌpe pra tiaronkonya, tîîse tiaronkon eraꞌmapîtîꞌpîiya tîꞌnokoꞌpî pe. (Marcos 1:40-42) Îꞌ morîkon iipî amenrî taꞌpî Jesusya, mîrîrî yeꞌnen morî tausinpantoꞌ eporîꞌpî pemonkonyamîꞌya imaimu wenai. Îꞌ wani pra iipia aweꞌpîtîꞌpî eꞌtarumaꞌtîntoꞌ moropai saꞌmantantoꞌ, maasa pra pemonkonyamîꞌ saꞌnamapîtîꞌpîiya. Tîîse, tîmaimu yawîrî tîweꞌsanon, saꞌnamanen mîîkîrî Jesus, ipîra. — Eraꞌmakî João 15:13, 14.
ESENUPAKÎ INÎꞌ PANPÎꞌ
Inîꞌ panpîꞌ Jesus yeseru pî esenupakî. Epuꞌkî nîrî oꞌnon yeꞌka pe tîweꞌsaꞌnamatoꞌ wanî moropai antîrîkon tîrîyaꞌnîkon mîîkîrî yeꞌka pe.
4. Tîyun saꞌnamanen mîîkîrî Jesus
Jesus yeseruya uurînîkon yenupa oꞌnon yeꞌka pe Paapa saꞌnamanen pe eꞌnî. Eraꞌmatî Lucas 6:12 moropai João 15:10; 17:26. Mîrîrî tîpo seeni itoꞌkoꞌ manni pî eseurîmatî:
-
Oꞌnon yeꞌka pe Jesus pataka uurînîkonya eꞌpainon moropai Jeová saꞌnama uurînîkonya nîrî?
Tîyun saꞌnamanen pe Jesus wanîꞌpî moropai mîîkîrî pî epîremapîtîꞌpî
5. Mannankan epîikaꞌtîntoꞌ esaꞌnenan pîikaꞌtîꞌpî Jesusya
Tîpî esenumenka pra Jesus wanîꞌpî eꞌmaiꞌpe, tiaronkon pî neken esenumenkapîtîꞌpî. Tapîꞌkaꞌsaꞌ tanne, tiaronkon rumakaiya pra awanîꞌpî. Eraꞌmatî Marcos 6:30-44. Mîrîrî tîpo seeni itoꞌkoꞌ manni pî eseurîmatî:
-
Oꞌnon yeꞌka pe pemonkonyamîꞌ pîikatîꞌpî Jesusya? — Imenukasaꞌkon 31, 34, 41 moropai 42 eraꞌmatî.
-
Îꞌ wani awanî yeꞌnen pemonkonyamîꞌ pîikaꞌtî yuꞌse Jesus wanîꞌpî? — Imenukasaꞌ 34 eraꞌmatî.
-
Uurînîkon esenupa pî man, tîyun yeseru pataka Jesusya. Îꞌ pî uurînîkon esenupa pî nai Jeová yeseru pî Jesus yeseru wenai?
-
Jesus esenumenkapîtîꞌpî kureꞌne pemonkonyamîꞌ pî. Oꞌnon yeꞌka pe iteseru ipataka uurînîkonya eꞌpainon?
6. Jesusya tîntîrîpîtîꞌpî pemonkonyamîꞌ pia
Tuꞌke yemannekon esaꞌ pe Jesus eꞌsaꞌ pra man, tîîse îꞌ wanîꞌpî tîîpia tîweꞌsen mîrîrî tîrîꞌpia pemonkonyamîꞌ pia. Mîrîrî panpe uurînîkonya, ikonekatoꞌpe taiya. Eraꞌmatî Atos 20:35. Mîrîrî tîpo seeni itoꞌkoꞌ manni pî eseurîmatî:
-
Îꞌ taꞌpî Jesusya manni wenai, îꞌ ya uurînîkon yausinpa?
PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:
-
Îꞌ yemanenkon ton pra uurînîkon wanî ya, îꞌ see tîîtoꞌpe?
Epuꞌtî pî nan?
Paapa Maimuya taa pî man, Jeová pî neken uurînîkon epîrema eꞌpai wanî Jesus eseꞌ wenai. (Eraꞌmakî João 16:23, 24.) Mîrîrî kupî uurînîkonya ya, morî pe man taa uurînîkonya îꞌ kusaꞌ Jesusya manni pî – Jeová yonpa pe uurînîkon enaꞌtoꞌpe.
TIARONKONYA TAA: “Paapa esenumenka pra man tîweꞌtarumaꞌtîsanon pî.”
-
Uurînîkon epuꞌtî pî man, tîyun yeseru ipatakanen mîîkîrî Jesus. îꞌ kusaꞌ Jesusya wenai, oꞌnon yeꞌka pe epuꞌtî uurînîkonya eꞌpainon Jeová esenumenka uurînîkon pî? Mîrîrî pî eseurîmakî.
Îꞌ PÎ ESENUPA PÎ NAN?
Jesus mîîkîrî tîyun saꞌnamanen moropai pemonkonyamîꞌ nîrî saꞌnamaiya. Jesus wanî tîyun warainon, mîrîrî yeꞌnen inîꞌ panpîꞌ Jesus pî esenupa ya, inîꞌ panpîꞌ Jeová pî esenupa.
Enpanatapaiꞌnîkon
-
Jesusya Jeová saꞌnama. Oꞌnon yeꞌka pe mîîkîrî ipataka uurînîkonya eꞌpainon?
-
Jesusya pemonkonyamîꞌ saꞌnama. Oꞌnon yeꞌka pe mîîkîrî ipataka uurînîkoya eꞌpainon?
-
Esenupasaꞌ tîpo, oꞌnon yeꞌka Jesus yeseru wanî inîꞌ panpîꞌ awakîripe?
INÎꞌ PANPÎꞌ ESENUPAPAI NAN?
Jesus yeserukon ipataka uurînîkonya eꞌpainon, mîrîrî eraꞌmakî.
Îꞌ wani awanî yeꞌnen Jesus eseꞌ wenai epîrema eꞌpai uurînîkon wanî, eraꞌmakî.
Oꞌnon yeꞌka pe Jesus esaꞌ wanîꞌpî? (corpo/body)
“Oꞌnon yeꞌka pe Jesus esaꞌ wanîꞌpî? (corpo/body)” (jw.org eseurîmantoꞌ pî)
Îꞌ pî uurînîkon esenupa pî nai Jesus eseurîmaꞌpîtîꞌpî morî pe wîriꞌsanyamîꞌ pokonpe?
