Jesus pemonkono pe anna taa tuꞌke pemonkonyamîꞌya pata poro (cristão/Christian). Tîîse Paapa yapurî toꞌya seꞌ kaisarî pe pra. Oꞌnon yeꞌka pe epuꞌtî uurînîkonya eꞌpainon, anîꞌ wanî yairon Jesus pemonkono pe?

1. Îꞌ see mîrîrî cristão (christian)?

Cristãoyamîꞌ moropai crenteyamîꞌ taatoꞌ, mîrîrî wanî Jesus pemonkono pe moropai Jesus poitîrî pe. (Eraꞌmakî Atos 11:26.) Oꞌnon yeꞌka pe epuꞌtî uurînîkonya eꞌpainon anîꞌ wanî Jesus pemonkono pe? Jesusya taꞌpî: “Umaimu yawîrî aakoꞌmamîkon ya, upemonkono pe awanîkon.” (João 8:31) Mîrîrî yeꞌnen Jesus pemonkonoyamîꞌ eꞌpai man imaimu yawîrî. Paapa Maimu yawîrî yenupapîtîꞌpî Jesusya tamîꞌnawîrî. Mîrîrî yenen, îꞌ taa ipemonkonoyamîꞌya manni wanî eꞌpai wanî seꞌ kaisarî moropai îꞌ yenupa toꞌya manni, mîrîrî wanî eꞌpai wanî Paapa Maimu imenukasaꞌ yawîrî. — Eraꞌmakî Lucas 24:27.

2. Oꞌnon yeꞌka pe yaironkon Jesus pemonkonoyamîꞌya tiaronkon saꞌnama?

Jesusya taꞌpî tînenupaꞌsan pî: “Ayonpakon saꞌnamatî asaꞌnamauyaꞌnîkon manniꞌ warantî.” (João 15:12) Oꞌnon yeꞌka pe Jesusya tînenupasan saꞌnamapîtîꞌpî? Jesusya toꞌ pîikaꞌtîpîtîꞌpî, toꞌ yausinpapîtîꞌpîiya moropai toꞌ yarakkîrî aakoꞌmanpîtîꞌpî. Jesus nîrî saꞌmantaꞌpî tînenupasan tonpe. (1 João 3:16) Mîrîrî yeꞌnen Jesus pemonkonoyamîꞌ eseurîma pra man saꞌnamatoꞌ pî neken. Tiaronkon saꞌnama toꞌya nîrî, îꞌ kusaꞌ toꞌya manni wenai, morî teserukon wenai.

3. Îꞌ esenyakamatoꞌ kupî yairon Jesus pemonkonoyamîꞌya?

Morî esenyakamantoꞌ tîrîꞌpî Jesusya tînenupasan pia. “Toꞌ yaipontîꞌpîiya. Tamîꞌnawîronkon esaꞌ pe Paapa iipî kupî ekaremeꞌtoꞌpe toꞌya pemonkonyamîꞌ pîꞌ.” (Lucas 9:2) Pemonkonyamîꞌ wîtîpîtîꞌpî Paapa yapurîi, mîrîrî pata po pra neken Paapa maimu ekaremekîꞌpî Jesus nenupasanya. Ekaremekîpîtîꞌpî toꞌya nîrî, eꞌmakon kaisarî moropai tuutîkonpe wîttîkon kaisarî. (Eraꞌmakî Atos 5:42; 17:17.) Sîrîrîpe nîrî, tamîꞌnawîrî pata poro pemonkonyamîꞌ yarakkîrî, Jesus pemonkonyamîꞌ eseurîma Paapa Maimu pî, mîrîrî ekaremekî pî toꞌ koꞌmamî. Îꞌ wani awanî yeꞌnen? Pemonkonyamîꞌ saꞌnama toꞌya yeꞌnen. Taatausinpai toꞌ wanî seeni esenyakamantoꞌ pî, morî iipî ekaremekî toꞌya yeꞌnen moropai tausinpantoꞌ tîrî toꞌya. — Marcos 12:31.

 ESENUPAKÎ INÎꞌ PANPÎꞌ

4. Yairon Paapa Maimu pî anepuꞌpai toꞌ wanî

5. Yairon Paapa Maimu pî ekaremekî toꞌya

 6. Îꞌ yenupa toꞌya, mîrîrî yawîrî kupî toꞌya nîrî

Oꞌnon yeꞌka pe warayoꞌ Tom iteseꞌya epuꞌtîꞌpî, yairî tîweꞌsanon Jesus pemonkonoyamîꞌ epoꞌtoꞌpîiya? PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:

• Seeni panton ya, îꞌ wani awanî yeꞌnen Tomya soosikon rumakaꞌpî?

• Oꞌnon epuꞌtîꞌpî Tomya yairon eporîꞌpî tîuya pe?

Îꞌ kusaꞌ uurînîkonya manni, mîrîrî wanî îꞌ taasaꞌ uurînîkonya manni yentai. Eraꞌmatî Mateus 7:21. Tarîpai seeni itoꞌkoꞌ manni pî eseurîmatî:

• Îꞌ wanî morî pe puꞌkuru Jesus pia: Innape ikuꞌnen uurî taa uurînîkonya ya naka, innape ikuꞌpî uyeserukon wenai karî?

7. Toꞌ esaꞌnamatoꞌ wanî yairî

• Oꞌnon yeꞌka pe Jesus poitîrîtonon (yaironkon Jesus pemonkonoyamîꞌ) yeseru wanîꞌpî tiaronkon pokonpe? Inkaromoroya tiaronkon pîikaꞌtî rawîrî, toꞌ piꞌpî naka eraꞌmaꞌpî toꞌya moropai toꞌ pataꞌseꞌ naka eraꞌmaꞌpî toꞌya?

• Kureꞌnan ekoꞌremantoꞌ wanî tanne, seꞌ kaisarî naka toꞌ saꞌnamatoꞌ koꞌmamî?

 Îꞌ PÎ ESENUPA PÎ NAN?

Yairî Jesus pemonkonoyamîꞌ wanî îꞌ taa Paapa Maimuya manni yawîrî, pemonkonyamîꞌ saꞌnamanenan pe toꞌ wanî yairî moropai Paapa Maimu ekaremeꞌnen pe toꞌ wanî.

Enpanatapaiꞌnîkon

• Tamîꞌnawîrî îꞌ taa yairon Jesus pemonkonyamîꞌya moropai îꞌ kusaꞌ toꞌya manni îꞌ yawîrî eꞌpai wanî?

• Oꞌnon yeꞌka yeserukon esaꞌ pe, yairon Jesus pemonkonoyamîꞌ wanî eꞌpai wanî?

• Îꞌ morî esenyakamantoꞌ kupî, yaironkon Jesus pemonkonoyamîꞌya?