ESENUPATOꞌ 19
Yairon Jesus pemonkono pe naka Jeová Maimu Ekaremeꞌnenan wanî?
Jeová Maimu Ekaremeꞌnenan anna, (Testemunhas de Jeová/ Jehovah’s Witnesses) inna taa pî anna man, yairon pe Jesus pemonono pe anna wanî yeꞌnen. Îꞌ wani awanî yeꞌnen? Seeni esenupantoꞌ wenai, eraꞌmapaiꞌnîkon oꞌnon patapai aipî anna yenupatoꞌ, îꞌ wani awanî yeꞌnen Jeová Maimu Ekaremeꞌnenan pe anna eseꞌ wanî moropai oꞌnon yeꞌka pe tiaronkon saꞌnama annaya.
1. Oꞌnon patapai Jeová Maimu Ekaremeꞌnenan yenupantoꞌ iipî?
Jesusya taꞌpî: ‘[Paapa] maimu wanî yairon pe.’ (João 17:17) Jesus panpe, îꞌ pî inna taa annaya, manni iipî Paapa Maimu winîpai. Seꞌ warantî koneka annaya 1870 konoꞌ pî patapai sîrîrî tîpose. Mîrîrî yai, mararonkon pemonkonyamîꞌ wanîꞌpî, Paapa Maimu imenukasaꞌ pî toꞌ esenupaꞌpî tîwarî siꞌma. Anepuꞌpai toꞌ wanîꞌpî, îꞌ yenupa Paapa Maimuya manni yairî. Yairon Paapa Maimu pî eporî tîpo, mîrîrî pî inna taapîtîꞌpî toꞌya, tiaronkon soosikon inna taa pra tîîse. Mîrîrî tîpo, mîrîrî yenupapîtîꞌpî toꞌya tiaronkon pia. a — Imenukasaꞌ itoꞌkoꞌ eraꞌmakî.
2. Îꞌ wani awanî yeꞌnen Jeová Maimu Ekaremeꞌnenan pe anna eseꞌ wanî?
Umaimu ekaremeꞌnenan pe wanîkon taa Jeováya inkamoro itapurînenan pî, maasa pra ipî yairon itekarekon ekaremekî toꞌya. (Hebreus 11:4–12:1) Pena, Paapaya taꞌpî tîpemonkonoyamîꞌ pî: “Umaimu ekaremeꞌnenan pe awanîkon.” (Isaías 43:10 ya taa pî man: “Umaimu ekaremeꞌnenan pe awanîkon”, taa Jeováya, “Inna, upoitîrî pe umenkasan pe, uurî epuꞌtîkonpa moropai innape ukupîkonpa, moropai epuꞌtîyaꞌnîkon seꞌ kaisarî uurî koꞌmamî. Uurî rawîrî tiaron Paapa ton pra wanîꞌpî moropai uurî tîpo tiaron ton pra wanî nîrî.) Paapa Maimuya Jesus esatî “yairon Paapa yekare ekaremeꞌnen”. (Apocalipse 1:5) Mîrîrî yeꞌnen, 1931 konoꞌ patapai, Jeová Maimu Ekaremeꞌnenan iteseꞌ imenkaꞌpî annaya. (Testemunhas de Jeová/ Jehovah’s Witnesses) Jeová Maimu Ekaremeꞌnenan iteseꞌ saꞌnama annaya kureꞌne.
3. Oꞌnon yeꞌka pe Jeová Maimu Ekaremeꞌnenanya Jesus saꞌnamatoꞌ ipataka?
Tînenupasan saꞌnamapîtîꞌpî Jesusya ipîra, itewîꞌ taawonkon panpe inkamoro wanîꞌpî iipia. (Eraꞌmakî Marcos 3:35.) Mîrîrî panpe, pata poro Jeová Maimu Ekaremeꞌnenan wanî tîmurukun pe. Mîrîrî yeꞌnen inkamoro koreꞌta, tiaronkon piawonkon esatî toꞌya tonpakon pe. (Filêmon 1, 2) Seeni mai yawîrî anna man nîrî: “Ayonpakon, innape Jesus kuꞌnenan saꞌnamatî”. (1 Pedro 2:17) Tuꞌke uyeserukon wenai tiaronkon saꞌnama pî anna man, tîîse inîꞌ panpîꞌ koneka annaya, îꞌ pensa anna yonpakon wanî ya pîikaꞌtîntoꞌ yuꞌse.
ESENUPAKÎ INÎꞌ PANPÎꞌ
Inîꞌ panpîꞌ esenupakî Jeová Maimu Ekaremeꞌnenan pantoni pî moropai toꞌ yeseru wenai eraꞌmakî, toꞌ wanî yairon Jesus pemonkono pe.
Îꞌ yenupa Jesus pemonkonoyamîꞌya iipî Paapa Maimu imenukasaꞌ piapai moropai esenupasaꞌ tîpo tiaronkon yenupa toꞌya
4. Îꞌ yenupa annaya manni iipî Paapa Maimu imenukasaꞌ winîpai
Jeováya taꞌpî, uurînîkon epuꞌtoꞌ imaimu pî ena inîꞌ panpîꞌ aꞌka yeꞌka pe. Eraꞌmatî 2 Coríntios 4:6. Tarîpai seeni itoꞌkoꞌ manni pî eseurîmatî:
-
Inîꞌ panpîꞌ Paapa pemonkonoyamîꞌ esenupa ya imaimu pî, îꞌ ena eꞌpainon kureꞌne?
Eraꞌmakî oꞌnon yeꞌka pe mararonkon pemonkonyamîꞌya Charles Russell yarakkîrî, Paapa Maimu imenukasaꞌ pî toꞌ esenupaꞌpî. PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:
-
Seeni panton ya, oꞌnon yeꞌka pe Charles Russell moropai tîwanîyakonkon esenupapîtîꞌpî Paapa Maimu pî?
Epuꞌtî pî nan?
Tiaron pensa, uurînîkon yenupantoꞌ Paapa Maimu imenukasaꞌ pî imoꞌtanîꞌpî annaya, yairî panpîꞌ aweꞌtoꞌpe. Îꞌ tonpe? Maasa pra weiyukon esuwaꞌka tanne, inîꞌ panpîꞌ uurînîkon yenupa Paapaya tîmaimu pî, arone panpîꞌ enatoꞌpe. Mîrîrî panpe wanî wei epaꞌka yai, mararî mararî eraꞌma uurînîkonya eꞌpainon arone, wei epaꞌka tanne. (Eraꞌmakî Provérbios 4:18.) Paapa Maimu imenukasaꞌ moꞌtasaꞌ pra man tîwin kin, tîîse îꞌ pensa uurînîkon epuꞌtî inîꞌ panpîꞌ imenukasaꞌ pî, seꞌ panpe yenupa annaya.
5. Jeová Maimu Ekaremeꞌnenan: anna eseꞌ warantî kupî annaya
Jeová Maimu Ekaremeꞌnenan anna, îꞌ wani awanî yeꞌnen seeni eseꞌ eꞌmenkasaꞌ? PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:
-
Seeni eseꞌ Jeová Maimu Ekaremeꞌnenan menkaꞌpî annaya. Îꞌ wani awanî yeꞌnen mîrîrî wanî yairî?
Jeováya tîpî teeseurîmasaꞌnon imenkaꞌpî tîmîrî tonpe, maasa pra yairî pra yenupa tiaronkonya ipî. Imaimu ekaremeꞌnenanya yairî yenupa ipî. Eraꞌmapaiꞌnîkon.
Soosikonya taa, miaꞌ ke inkonekasaꞌ yenkaꞌmatoꞌpe Paapa yapurîtoꞌpe. Mîrîrî yenupantoꞌ wanî yairon pe? Eraꞌmatî Atos 17:29, 30. Tarîpai seeni itoꞌkoꞌ manni pî eseurîmatî:
-
Miaꞌ ke inkonekasaꞌ wenai Paapa yapurî uurînîkonya ya, mîrîrî yuꞌse Paapa wanî naka? Îꞌ taa Jeováya miaꞌ ke inkonekasaꞌ pî?
Paapa mîîkîrî Jesus taa tiaronkon soosikonya. Yairî pe naka mîrîrî wanî? Eraꞌmatî João 20:17. Tarîpai seeni itoꞌkoꞌ manni pî eseurîmatî:
-
Paapa pe naka Jesus wanî? Tiwinan naka toꞌ wanî?
-
Paapaya tîpemonkonoyamîꞌ menkaꞌpî, yairon ekaremeꞌtoꞌpe toꞌya Jesus pî moropai Jesus iyun pî. Mîrîrî epuꞌtî tîpo, oꞌnon yeꞌka pe awanî?
6. Anna esaꞌnamakon ton pî
Paapa Maimuya taa pî man, yairon Jesus pemonkonoyamîꞌ wanî yesaꞌ (corpo/body) yemanne panpe. Eraꞌmatî 1 Coríntios 12:25, 26. Tarîpai seeni itoꞌkoꞌ manni pî eseurîmatî:
-
Îꞌ kupî Jesus pemonkonoyamîꞌya eꞌpai wanî tonpakon eꞌtarumaꞌtî yai?
-
Îꞌ eraꞌmaꞌpîya Jeová Maimu Ekaremeꞌnenan eꞌsaꞌnamatoꞌ pî?
Îꞌ pensa tiaronkon pata ponkon, Jeová Maimu Ekaremeꞌnenan eꞌtarumaꞌtî ya, toꞌ yonpayamîꞌ tiaron pata ponkon wanî toꞌ anpîikaꞌtîpai kaꞌneꞌ pe. Seeni eraꞌmakî, PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:
-
Eꞌtarumaꞌtîntoꞌ iipî yai, kaꞌneꞌ pe Jeová Maimu Ekaremeꞌnenanya toꞌ eꞌpîikaꞌtîntoꞌ tîrî. Mîrîrî wenai taa uurînîkonya eꞌpainon, esaꞌnamantoꞌkon pe toꞌ wanî?
Jesus pemonkonoyamîꞌya, tîweꞌtarumaꞌtîsanon pîikaꞌtî saꞌnamatoꞌ ke
TIARONKONYA TAA: “Jeová Maimu Ekaremeꞌnenanya pemonkonamîꞌ yenkuꞌtî”, taa toꞌya.
-
Oꞌnon yeꞌka Paapa Maimu imenukasaꞌ yenkaꞌmaya eꞌpainon, pemonkon yenupatoꞌpe, anîꞌkon wanî yairon Jesus pemonkono pe?
Îꞌ PÎ ESENUPA PÎ NAN?
Jeová Maimu Ekaremeꞌnenan wanî yairon Jesus pemonkono pe. Tîmurukun pe anna man pata poro, îꞌ yenupa annaya iipî Paapa Maimu eꞌmenukasaꞌ winîpai moropai tiaronkon yenupa annaya yairî Jeová pî.
Enpanatapaiꞌnîkon
-
Jeová Maimu Ekaremeꞌnenan anna. (Testemunhas de Jeová/ Jehovah’s Witnesses) Îꞌ wani awanî yeꞌnen seeni eseꞌ menkaꞌpî annaya?
-
Oꞌnon yeꞌka pe saꞌnamatoꞌ yeseru kupî annaya tiaronkon pî?
-
Jeová Maimu Ekaremeꞌnenan wanî yairî Jesus pemonkono pe? Îꞌ taaya?
INÎꞌ PANPÎꞌ ESENUPAPAI NAN?
Anna pantoni pî esenupakî inîꞌ panpîꞌ.
Jeová Maimu Ekaremeꞌnenan — Innape ikutoꞌ, Iipiaꞌpî 1: Ewaron yapai aꞌka ya (1:00:53)
Seeni eraꞌmakî, aranne pe eꞌtoꞌ wenai, Jeová Maimu Ekaremeꞌnenanya ekaremekîpîtîꞌpî, îꞌ wanîꞌpî yairî pra tiaronkon yenupantoꞌ pî.
Eraꞌmakî îꞌ pî tuꞌkankon pemonkonyamîꞌ esenumenka, Jeová Maimu Ekaremeꞌnenan pî.
“Ekaranmapopîtî toꞌya Jeová Maimu Ekaremeꞌnenan pî” (jw.org eseurîmantoꞌ pî)
Ekoreꞌmantoꞌ koreꞌta Stephen wanîꞌpî. Eraꞌmakî îꞌ wani awanî yeꞌnen iteseru moꞌtanîꞌpîiya Jeová Maimu Ekaremeꞌnenan epuꞌtîiya tîpo.
“Imakuiꞌpî pe uukoꞌmantoꞌ koꞌmamî komannîpîꞌpî” (A Sentinela, 1.º julho kapoi pî, 2015 konoꞌ pî)
a Nota: Anna kaareta, A Sentinela iteseꞌya wanî, 1879 konoꞌ patapai sîrîrî tîpo see, yairon itekarekon Paapa Maimu winîpai ekaremekî.
