ESENUPATOꞌ 21
Oꞌnon yeꞌka pe morî Paapa yekare ekaremekî wanî?
Tamîꞌnawîronkon esaꞌ pe Paapa eena yai, uurînîkon eꞌtarumaꞌtîntoꞌ tîꞌkaiya. Morî pe puꞌkuru mîrîrî man, tamîꞌnawîronkonya epuꞌtoꞌpe. Jesusya taꞌpî tînenupaꞌsan pî, seeni itekare ekaremeꞌtoꞌpe pemonkonyamîꞌ pî! (Mateus 28:19, 20) Oꞌnon yeꞌka pe îꞌ taꞌpî Jesusya manni kupî, Jeová Maimu Ekaremeꞌnenanya?
1. Oꞌnon yeꞌka pe îꞌ taasaꞌ Mateus 24:14 ya manni eꞌkupî sîrîrîpe?
Jesusya taꞌpî: “Mîrîrî yai îꞌ kaiꞌma pemonkonyamîꞌ esaꞌ pe Paapa wanî esekaremekî kupî sîrîrî tamîꞌnawîrî pata poro.” (Mateus 24:14) Mîrîrî warantî Jeová Maimu Ekaremeꞌnenanya mîrîrî ekaremekî, mîrîrî yeꞌnen toꞌ wanî taatausinpai. Morî itekare ekaremekî annaya, tuꞌkan mai 1.000 yentainon pata poro! Mîrîrî yeꞌnen toꞌ esenyakaꞌma mararî pra tîmurukun pe siꞌma. Jeová pîikaꞌtîntoꞌ ton pra wanî ya mîrîrî esenyakaꞌmantoꞌ ton pra wanî.
2. Îꞌ kupî annaya Paapa Maimu ekaremeꞌtoꞌpe?
Paapa Maimu ekaremekî yuꞌse anna wanî pemonkonyamîꞌ pî, îꞌ wani pra man oꞌnon pata toꞌ wanî ya. Jesus pemonkonoyamîꞌ panpe, sîrîrîpe nîrî Paapa Maimu ekaremekî annaya, anna wîtî pe “wîttîkon kaisarî”. (Atos 5:42) Mîrîrî yeꞌnen tuꞌkankon pemonkonyamîꞌ yarakkîrî (milhões/millions) anna eseurîma konoꞌ kaisarî. Tiaron pensa pemonkonyamîꞌ wanî pra wanî tewîꞌkon ta, mîrîrî yeꞌnen tiaronkon pataꞌseꞌ ya anna wîtî. Ituꞌseꞌ Paapa eꞌtoꞌ ekaremekî anekaremeꞌpai anna wanî, oꞌnon pata anna wanî ya.
3. Anîꞌya Paapa Maimu ekaremekî eꞌpai wanî?
Tamîꞌnawîronkon Jesus pemonkonoyamîꞌ wanî eꞌpainon, morî Paapa yekare ekaremenen pe. Mîrîrî esenyakaꞌmantoꞌ kupî annaya yairî. Mîrîrî kupî annaya morî pe yairî, epuꞌtî annaya yeꞌnen, mîrîrî esenyakaꞌmantoꞌ wenai, enen pemonkonyamîꞌ koꞌmamî eꞌpainon. (Eraꞌmakî 1 Timóteo 4:16.) Mîrîrî warantî anna esenyakaꞌma pepîn pîrata yapiꞌtoꞌpe annaya kapoi kaisarî, maasa pra Paapa Maimuya taa pî man: “Mîrîrî warantî mîkuꞌtîi teꞌmai pra. Maasa pra teꞌmai pra sîrîrî meruntî yapisîꞌpîyaꞌnîkon.” (Mateus 10:7, 8) Anna maimu anetapai pra pemonkonyamîꞌ wanî ya, anna wanî teesetaꞌkai pra, maasa pra Jeová maimu yawîrî moropai itewan tausinpa yuꞌse anna wanî yeꞌnen.
ESENUPAKÎ INÎꞌ PANPÎꞌ
Eraꞌmakî îꞌ kupî Jeová Maimu Ekaremeꞌnenanya, Jeová maimu ekaremeꞌtoꞌpe pata poro. Moropai eraꞌmakî, oꞌnon yeꞌka pe Jeováya anna pîikaꞌtî.
Pata poro ekaremekî toꞌya: (A) Costa Rica, (B) Estados Unidos, (C) Benin, (D) Tailândia, (E) Yap, (F) Suécia
4. Mararî pra anna esenyakaꞌma, Paapa maimu ekaremekî pîꞌ tamîꞌnawîronkon pî
Jeová Maimu Ekaremeꞌnenan esenyakaꞌma mararî pra, Jeová yekare ekaremetoꞌpe pemonkonyamîꞌ pî pata poro. PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:
-
Jeová Maimu Ekaremeꞌnenan esenyakaꞌma mararî pra, Jeová Maimu ekaremekî pî. Îꞌ taaya mîrîrî pî?
Eraꞌmatî Mateus 22:39 moropai Romanos 10:13-15. Tarîpai seeni itoꞌkoꞌ manni pî eseurîmatî:
-
Paapa Maimu ekaremekî pî annaya tanne, oꞌnon yeꞌka pe anna esaꞌnamatoꞌ pemonkonyamîꞌ pî eraꞌma pîꞌ nan?
-
Oꞌnon yeꞌka pe Jeová esepuꞌtî, itekare ekaremekî imaimu ekaremeꞌnenanya yai? — Eraꞌmatî Romanos 10:15.
5. Paapa yarakkîrî teesenyakaꞌmasen pe anna man
Mîrîrî esenyakaꞌmatoꞌ pî pîikaꞌtî Jeováya, mîrîrî eraꞌma pî uurînîkon man. Eraꞌmakî îꞌ eꞌkupîꞌpî Nova Zelândia pata ya, anna yonpa Paul yarakkîrî. Tiwin wei yai Paapa Maimu ekaremekî tîuya pe komîîya, wîriꞌ eporîꞌpîiya. Manni wei yai, wîriꞌ epîremaꞌpî Paapa pî penane marî. Jeová eseꞌ yenkamaꞌpîiya, moropai esatîꞌpîiya anîꞌ rî wîtîtoꞌpe itewîꞌ ta. Paul eseurîmaꞌpî: “3h tîpo, uurî wanîꞌpî itewîꞌ ta, Paapa Maimu ekaremekî pî.”
Eraꞌmatî 1 Coríntios 3:9. Tarîpai seeni itoꞌkoꞌ manni pî eseurîmatî:
-
Oꞌnon yeꞌka pe mîrîrî pantonkon wenai epuꞌtî uurînîkonya eꞌpainon, seeni esenyakaꞌmantoꞌ pî pîikaꞌtî Paapaya?
Eraꞌmatî Atos 1:8. Tarîpai seeni itoꞌkoꞌ manni pî eseurîmatî:
-
Îꞌ wani awanî yeꞌnen anna eꞌpîikaꞌtîtoꞌ ton yuꞌse anna wanî Paapa winîpai imaimu ekaremetoꞌpe?
Epuꞌtî pî nan?
Semana kaisarî (week) emurukuntîntoꞌ ta, uurînîkon esenupa oꞌnon yeꞌka pe Paapa Maimu ekaremekî tiaronkon pî. Seeni emurukuntîntoꞌ ya attîꞌpî? Îꞌ taaya seeni pîikaꞌtîntoꞌ pî, Paapa maimu ekaremetoꞌpe?
6. Ituꞌseꞌ Paapa eꞌtoꞌ yawîrî anna wanî
Jesus nenupaꞌsan weiyu yai, Paapa yekare ekaremetoꞌ emîꞌpannîpî yuꞌse tiaronkon wanîꞌpî. Tîîse Jesus pemonkonyamîꞌya ‘Jesus yekare ekaremekî pîꞌ, anetapaiꞌnîkon pîꞌ tiaronkon oꞌmaꞌta tanneꞌ. (Filipenses 1:7) Mîrîrî panpe ikupî Jeová Maimu Ekaremeꞌnenanya. a — Imenukasaꞌ itoꞌkoꞌ eraꞌmakî – Nota.
Eraꞌmatî Atos 5:27-42. Tarîpai seeni itoꞌkoꞌ manni pî eseurîmatî:
-
Îꞌ wani awanî yeꞌnen Paapa maimu pî anna eseurîma mîꞌpamî, eserîke pra wanî? — Imenukasaꞌkon 29, 38 moropai 39 eraꞌmatî.
ANÎꞌYA EKARANMAPOSAꞌ YA: “Îꞌ wani awanî yeꞌnen wîttîkon kaisarî Jeová Maimu Ekaremeꞌnenan wîtî?”
-
Îꞌ yuuku amîrîya?
Îꞌ PÎ ESENUPA PÎ NAN?
Jesusya taꞌpî tînenupaꞌsan pî, morî Paapa yekare ekaremeꞌtoꞌpe tamîꞌnawîrî pata poro. Jeováya tîpemonkonoyamîꞌ pîikaꞌtî mîrîrî esenyakaꞌmantoꞌ kuꞌtoꞌpe toꞌya.
Enpanatapaiꞌnîkon
-
Oꞌnon yeꞌka pe morî Paapa yekare esekaremekî pî man tamîꞌnawîrî pata poro?
-
Paapa Maimu ekaremekî pî annaya tanne, oꞌnon yeꞌka pe anna esaꞌnamatoꞌ pemonkonyamîꞌ pî eraꞌma pî nan?
-
Îꞌ taaya, mîrîrî esenyakaꞌmantoꞌya tausinpantoꞌ neepî? Îꞌ wani awanî yeꞌnen?
INÎꞌ PANPÎꞌ ESENUPAPAI NAN?
Eraꞌmakî oꞌnon yeꞌka pe Jeová Maimu Ekaremeꞌnenanya, Jeová maimu pî ekaremekî wanî kureꞌnan pataꞌseꞌkon ta (grandes cidades/large cities).
Îꞌ koneka Jeová Maimu Ekaremeꞌnenanya, kaꞌranyamîꞌ (refugiados/refugees) pîikaꞌtîkonpa?
Margaritaya morî Paapa yekare ekaremekîꞌpî tuꞌke konoꞌ esuwaꞌka pî tanne. eraꞌmakî îꞌ wani awanî yeꞌnen mîrîrî kuꞌsaiꞌya yeꞌnen, tausinpantoꞌ yapisîꞌpîiya.
Tausinpasaꞌ wai umenkaꞌpî esenyakamatoꞌya wanî yeꞌnen (6:29)
Îꞌ pensa pata esanonkon ipîkkukon rawîrî, toꞌ wanîꞌpî inkamoro yarakkîrî eseurîmatoꞌpe Paapa Maimu ekaremeꞌtoꞌ pî.
“Tesanonkon ipîkkukon rawîrî Jeová Maimu Ekaremeꞌnenan wanî” (O Reino de Deus já Governa!, cap. 13)
a Nota: Jeováya taꞌpî morî yekare ekaremeꞌtoꞌpe uurînîkonya. Mîrîrî yeꞌnen, warayoꞌya itekare ekaremekî inîmîkî uurînîkonya pepîn Paapa maimu ekaremetoꞌpe.
