Esenupa eꞌpai uurînîkon wanî Jeová pemonkonoyamîꞌ kaꞌ po tîîkoꞌmansenon pî, mîrîrî yuꞌse Jeová wanî. Inkamoro wanî inserîyamîꞌ, Paapa inmukuyamîꞌ pe toꞌ wanî nîrî. (Jó 38:7) Îꞌ taa Paapa Maimuya inserîyamîꞌ pî? Inkamoroya uurînîkon eraꞌma? Tamîꞌnawîronkon inserîyamîꞌ wanî naka, Paapa pemonkono pe?

1. Anîꞌkan inkamoro inserîyamîꞌ?

Pata koneka irawîrî, inserîyamîꞌ konekaꞌpî Jeováya. Paapa yeꞌka pe, inserîyamîꞌ eraꞌma eserîke pra uurînîkon wanî moropai toꞌ koꞌmamî kaꞌ po. (Hebreus 1:14) Tuꞌke inserîyamîꞌ man (milhões/millions), tiaron pe toꞌ yeseru wanî mîrîrî warantî pra. (Apocalipse 5:11) Inserîyamîꞌ wanî ‘Paapa maimu yawîrî tîweꞌsanon pe’. (Salmo 103:20 TNM) Pena, tiaron pensa Jeováya inserîyamîꞌ yenkamaꞌpî tîmaimu yarimatoꞌpe, tîpemonkonoyamîꞌ pîikaꞌtîtoꞌpe moropai nariꞌ yapai tîpoitîrîtonon moꞌkatoꞌpe. Sîrîrîpe, inserîyamîꞌya Paapa poitîrîtonon pîikaꞌtî, Paapa Maimu anetapainon epotoꞌpe.

2. Anîꞌ mîîkîrî Makui moropai anîꞌkan inkamoro Makui poitîrîtonon?

Tiaronkon inserîyamîꞌ wanîꞌpî Jeová maimu yawîrî pra. Eꞌmaiꞌnon wanîꞌpî “makui, seruꞌyeꞌ tamîꞌnawîronkon yenkuꞌtî pîꞌ tîîkoꞌmansen mîîkîrî”. (Apocalipse 12:9) Tiaronkon esaꞌ pe ena yuꞌse Makui wanîꞌpî. Mîrîrî yeꞌnen, Adão, Eva moropai tiaronkon inserîyamîꞌ, yannoꞌpîiya ipîkîrî toꞌ wîtîtoꞌpe. Mannankan imakuiꞌpî inserîyamîꞌ wanî mariwaꞌyamîꞌ pe, oꞌmaꞌkon pe, Makui poitîrîtonon pe (demônios/demons). Jeováya toꞌ yenumîꞌpî kaꞌ poi tarî non pona. Tîîse toꞌ eꞌtîꞌka. — Eraꞌmakî Apocalipse 12:9, 12.

3. Oꞌnon yeꞌka pe Makui moropai ipoitîrîtonon esenyakaꞌma uurînîkon yenkuꞌtîtoꞌpe?

Makui moropai ipoitîrîtononya pemonkonyamîꞌ yenkuꞌtî imakuiꞌpî teeserukon wenai. Îꞌ pensa pemonkonya teeseraꞌmasen pepîn meruntîri yuwa ya, piaꞌsanyamîꞌ moropai emîimantoꞌ wenai, (ocultismo/demonism/occultism) nariꞌ pe mîrîrî wanî. Tiaronkonya pîikaꞌtîntoꞌ yuwa sirikkîyamîꞌ wenai, imakuiꞌpî kaaretakon wenai, piaꞌsanyamîꞌ wenai, emîimantoꞌ wenai, îꞌ eꞌkupî kupî sîrîrî teeseraꞌmasen pîikaꞌtîntoꞌ yuwa toꞌya wenai moropai yepiꞌtînen wenai. Tiaronkonya priꞌya eꞌnîtoꞌ yuwa, teeseraꞌmasen pepîn meruntîri wenai. Tiaronkon eseurîma saꞌmantasan yarakkîrî, tîîse yairî pra mîrîrî wanî, Makuiya toꞌ yenkuꞌtî mîrîrî. Tîîse Jeováya taa: “Saꞌmantaꞌpî yarakkîrî teeseurîmasen kîsuwai, moropai îꞌ eꞌkupî kupî sîrîrî teeseraꞌmasen kîsuwai nîrî.” (Levítico 19:31) Mîrîrî taa Paapaya, Makuiya moropai ipoitîrîtononya uurînîkon yenkuꞌtî namai. Inkamoro wanî pra man Paapa yarakkîrî, oꞌmaꞌta yuꞌse toꞌ wanî uurînîkon pî.

 ESENUPAKÎ INÎꞌ PANPÎꞌ

6. Meruntî ke eꞌkî Makui moropai Makui poitîrîtonon yentai

Makui maimu yawîrî imakuiꞌsan inserîyamîꞌ wanî. Tîîse, yairon inserîyamîꞌ wanî Miguel maimu yawîrî. Anîꞌ mîîkîrî Miguel? Jesus mîîkîrî, inserîyamîꞌ esaꞌ pe wanî. Miguel wanî meruntî ke? Eraꞌmatî Apocalipse 12:7-9. Tarîpai seeni itoꞌkoꞌ manni pî eseurîmatî:

• Anîꞌ wanî yentainon: Miguel moropai inserîyamîꞌ karî? Makui moropai ipoitîrîtonon karî?

• Îꞌ taaya, Jesus pemonkonoyamîꞌ wanî aranne pe Makui moropai ipoitîrîtonon pî?

Amîrî wanî eꞌpainon Makui moropai ipoitîrîtonon yentai. Eraꞌmatî Tiago 4:7. Tarîpai seeni itoꞌkoꞌ manni pî eseurîmatî:

• Îꞌ kupîya eꞌpainon, Makui moropai ipoitîrîtononya amîrî yenkuꞌtî namai?

 Îꞌ PÎ ESENUPA PÎ NAN?

Yairon inserîyamîꞌya uurînîkon pîikaꞌtî. Makui moropai ipoitîrîtonon wanî pepîn Jeová pia moropai teeseraꞌmasen pepîn meruntîri yenkama toꞌya pemonkonyamîꞌ yenkuꞌtîtoꞌpe.

Enpanatapaiꞌnîkon

• Oꞌnon yeꞌka pe inserîyamîꞌya pemonkonyamîꞌ pîikaꞌtî Jeová epuꞌtoꞌpe?

• Anîꞌ mîîkîrî Makui moropai anîꞌkon inkamoro Makui poitîrîtonon?

• Îꞌ wani awanî yeꞌnen teeseraꞌmasen pepîn meruntîri yenkama eꞌpai pra awanî?