ESENUPATOꞌ 25
Îꞌ ituꞌseꞌ Paapa eꞌtoꞌ wanî uurînîkon tonpe?
Paapa Maimuya taa pî man, pemonkonyamîꞌ koꞌmamî pepîn kureꞌne, toꞌ eꞌtarumaꞌtîn pî man. (Jó 14:1) Mîrîrî yuꞌse Paapa wanî uurînîkon tonpe? Îꞌ yuꞌse Paapa wanîꞌpî, pemonkonyamîꞌ koneka tîuya yai? Paapa ituꞌse eꞌtoꞌ pemonkonyamîꞌ tonpe, mîrîrî naka aweꞌkupî kupî sîrîrî? Îꞌ taa Paapa Maimuya mîrîrî pî awakîri pe epuꞌtî ya.
1. Oꞌnon yeꞌka pe uurînîkon koꞌmamî yuꞌse Jeová wanî?
Morî pe puꞌkuru uurînîkon koꞌmamî, yuꞌse Jeová man. Pata konekaiꞌya yai, Jeováya morî pataꞌseꞌ tîrîꞌpî Adão moropai Eva pia, iteseꞌ jardim do Éden (garden of Eden). Mîrîrî tîpo, “Paapaya taꞌpî: Mararî pra anmukukon ton epotî, moropai pata epamîtî’”. (Gênesis 1:28) Tînmukukon ton konekatoꞌpe toꞌya yuꞌse Jeová wanîꞌpî, morî pataꞌseꞌ eraꞌmatoꞌpe toꞌya moropai oꞌmaꞌkon saꞌnamatoꞌpe toꞌya nîrî yuꞌse Jeová wanîꞌpî. Tamîꞌnawîronkon pemonkonyamîꞌ koꞌmantoꞌpe ipatîkarî priꞌya, yuꞌse Jeová wanîꞌpî.
Tîîse, mîrîrî warantî wanî aweꞌkonekasaꞌ pra man. a (Imenukasaꞌ itoꞌkoꞌ eraꞌmakî.) Tîîse, ituꞌse Paapa eꞌtoꞌ moꞌtasaꞌ pra man. (Isaías 46:10, 11) Yairî tîweꞌsanon koꞌmamî morî pe puꞌkuru moropai ipatîkarî, yuꞌse Paapa wanî sîrîrî tîpo see. — Eraꞌmakî Apocalipse 21:3, 4.
2. Taatausinpai uurînîkon koꞌmamî eꞌpainon sîrîrîpe?
Jeováya uurînîkon koneka tîuya yai, ituꞌseꞌ eꞌnîtoꞌ tîrîpîiya, yapurîtoꞌ moropai tepuꞌtoꞌpe. (Eraꞌmakî Lucas 11:28.) Tonpa pe uurînîkon eꞌtoꞌpe ituꞌseꞌ Jeová wanî, ‘yairon mîîkîrî eꞌma taawîrî uurînîkon asarîtoꞌpeꞌ, mîîkîrî saꞌnama moropai uyewankon ke mîîkîrî yapurî. (Deuteronômio 10:12; Salmo 25:14 TNM) Mîrîrî koneka uurînîkonya ya, taatausinpai uurînîkon wanî eꞌpainon eꞌtarumaꞌtîntoꞌ wanî tanne. Jeová yapurîtoꞌ wenai morî pe puꞌkuru uurînîkon koꞌmamî.
ESENUPAKÎ INÎꞌ PANPÎꞌ
Esenupakî Jeová saꞌnamatoꞌ pî pata koneka tîuya yai uurînîkon tonpe. Esenupakî nîrî Paapa Maimu nîkaremekî pî îꞌ wanî awanî yeꞌnen enen uurînkon wanî sîrîrî pata ya.
3. Morî pe puꞌkuru pemonkonyamîꞌ koꞌmamî yuꞌse Jeová man
PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:
-
Îꞌ wani awanî yeꞌnen Paapaya pata konekaꞌpî morî pe puꞌkuru?
Eclesiastes 3:11 ya taa pî man: “Tamînawîrî konekaꞌpîiya morî pe yairî. Ipatîkarî koꞌmannîtoꞌ tîrîꞌpîiya toꞌ yewan ya. Tîîse, pemonkonyamîꞌya epuꞌtî eserîke pra wanî yairon Paapa esenyakaꞌmantoꞌ” (TNM) Tarîpai seeni itoꞌkoꞌ manni pî eseurîmatî:
-
Îꞌ tîrîꞌpî Jeováya uurînîkon yewankon ya? Mîrîrî yeꞌnen îꞌ yuꞌse Paapa wanî uurînîkon tonpe?
4. Ituꞌse Jeová eꞌtoꞌ uurînîkon tonpe moꞌtasaꞌ pra man
Salmo 37:11, 29 ya taa pî man: “11 Tîîse morîkon koꞌmamî pata po moropai taatausinpai toꞌ wanî tîîwanmîn ya. 29 Yairî kuꞌnenan koꞌmamî ipatîkarî Pata pona.” Eraꞌmatî nîrî Hebreus 6:17. Mîrîrî tîpo seeni itoꞌkoꞌ manni pî eseurîmatî:
-
Oꞌnon yeꞌka pe epuꞌtî uurînîkonya eꞌpainon, ituꞌse Jeová eꞌtoꞌ uurînîkon tonpe moꞌtasaꞌ pra man?
Nura pe wîttî wanî ya, morî pe ena eꞌpainon morî esenyakaꞌmantoꞌ wenai. Pemonkonyamîꞌya nura pe pata kupî, tîîse Jeováya morî teesenyakaꞌmantoꞌ wenai, morî pe pata inkamaiya inîꞌrî, moropai tîsaꞌnamanenan pia itîrîiya.
5. Jeová yapurî uurînîkonya ya, taatausinpai uurînîkon wanî
Epuꞌtî tîpo îꞌ tonpe enen uurînîkon wanî, mîrîrîya uurînîkon kupî taatausinpai. PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:
-
Îꞌ wani awanî yeꞌnen enen uurînkon wanî sîrîrî pata ya, mîrîrî pî Terume esenupa tîpo, oꞌnon yeꞌka pe tîîkoꞌmantoꞌ moꞌtanîpîꞌpîiya?
Eraꞌmatî 1 João 5:3. Tarîpai seeni itoꞌkoꞌ manni pî eseurîmatî:
-
Mararî pra Jeováya ikonekaꞌpî uurînîkon tonpe, mîrîrî yeꞌnen îꞌ kupî uurînîkonya eꞌpainon mîîkîrî tonpe?
ANÎꞌYA EKARANMAPO YA: “Îꞌ tonpe enen uurînîkon wanî?”
-
Îꞌ taa amîrîya?
Îꞌ PÎ ESENUPA PÎ NAN?
Morî pe puꞌkuru uurînîkon koꞌmamî yuꞌse Jeová man ipatîkarî. Jeová yapurî uurînîkonya uurînîkon yewan ke, uurînîkon koꞌmamî yairî sîrîrîpe, moropai ipatîkarî.
Enpanatapaiꞌnîkon
-
Îꞌ yuꞌse Jeová wanîꞌpî Adão moropai Eva tonpe?
-
Ituꞌse Paapa eꞌtoꞌ pemonkonyamîꞌ tonpe moꞌtasaꞌ pra man. Oꞌnon yeꞌka pe mîrîrî epuꞌtî uurînîkonya eꞌpainon?
-
Oꞌnon yeꞌka pe uurînîkon koꞌmamî eꞌpainon morî pe, yairî moropai taatausinpai?
INÎꞌ PANPÎꞌ ESENUPAPAI NAN?
Morî pataꞌseꞌ iteꞌseꞌ Éden wanîꞌpî pena, mîrîrî pî eraꞌmakî.
“Morî pataꞌseꞌ iteꞌseꞌ Éden — yairî karî, yairî pra?” (A Sentinela, 1.º janeiro kapoi pî, 2011 konoꞌ pî)
Eraꞌmakî îꞌ wani awanî yeꞌnen seeni pata eꞌsoroka pepîn tiwin kin, inna taa uurînîkonya eꞌpainon.
“Uurînîkon pataꞌseꞌ eꞌsoroka tamîꞌnawîrî?” (jw.org eseurîmantoꞌ pî)
Îꞌ wani awanî yeꞌnen enen uurînîkon koꞌmamî? Eraꞌmakî îꞌ taa Paapa Maimuya mîrîrî pî.
John esenumenkapîtîꞌpî morî pe tîîkoꞌmantoꞌ pî. Eraꞌmakî îꞌ epuꞌtîiya pra awanîꞌpî.
a Nota: Tiaron esenupantoꞌ eraꞌma uurînîkonya, îꞌ eꞌkupîꞌpî yairî pra.
