ESENUPATOꞌ 26
Îꞌ wani awanî yeꞌnen imakuiꞌpî moropai eꞌtarumaꞌtîntoꞌ wanî?
Eꞌtarumaꞌtîntoꞌ wanî ya, pemonkonyamîꞌya taa: “Îꞌ wani awanî yeꞌnen mîrîrîkon eꞌkupî?” Paapa Maimu ya yuꞌtoꞌ man!
1. Oꞌnon yeꞌka pe imakuiꞌpî esenpoꞌpî tarî pata pona?
Makuiya Jeová rumakaꞌpî, maasa pra tiaronkon esaꞌ pe eꞌpai awanîꞌpî. Mîrîrî yeꞌnen Adão moropai Eva yenkuꞌtîꞌpîiya, Jeová rumakatoꞌpe toꞌya nîrî. Oꞌnon yeꞌka pe mîrîrî kupîꞌpîiya? Makuiya Eva yeurîmaꞌpî seruꞌye pe. (Gênesis 3:1-5) Morî tîînen pepîn mîîkîrî Jeová taꞌpî Makuiya Eva pî moropai inna taꞌpî Evaya mîrîrî pî. Pemonkonyamîꞌ wanî morî pe panpîꞌ, Paapa Maimu yawîrî pra toꞌ wanî ya, mîrîrî warantî Eva esenumenka emaputîꞌpî Makuiya. Mîrîrî tîpo eꞌmainon seruꞌ ekaremekîꞌpîiya Eva pî. Mîîkîrîya taꞌpî Eva saꞌmanta rîn. Mîrîrî yeꞌnen Paapa Maimuya taa Makui pî: “Seruꞌyeꞌ mîîkîrî moropai seruꞌyeꞌkon yunkon pe awanî”. — João 8:44.
2. Îꞌ menkaꞌpî Adão moropai Evaya?
Jeováya morîkon tîrîꞌpî Adão moropai Eva pia teuren. Paapaya taꞌpî toꞌ pî tamîꞌnawîronkon yei eperukon enaapîyaꞌnîkon eꞌpainon, tîîse tiwinan neken enaapîyaꞌnîkon pepîn. (Gênesis 2:15-17) Tîîse manni yei eperu enaapîꞌpî toꞌya. Evaya ‘yei eperu yapisîꞌpî moropai enaapîꞌpîiya’. Mîrîrî tîpo, Adãoya ‘nîrî enaapîꞌpî’. (Gênesis 3:6 TNM) Morî pe puꞌkuru Adão moropai Eva wanîꞌpî imakuiꞌpî ton pra, mîrîrî yeꞌnen saꞌme pra wanîꞌpî toꞌ pia yairî kuꞌtoꞌpe toꞌya. Tîîse, Jeová maimu yawîrî toꞌ eꞌsaꞌ pra man. Mîrîrî konekasaꞌ tîpo, imakuiꞌpî kupîꞌpî toꞌya moropai esaꞌ pe Paapa eꞌtoꞌ rumakaꞌpî toꞌya. Mîrîrî wenai toꞌ eꞌtarumaꞌtîꞌpî. — Gênesis 3:16-19.
3. Oꞌnon yeꞌka pe îꞌ mekaꞌpî Adão moropai Evaya uurînîkon yakaꞌma?
Jeová maimu yawîrî pra toꞌ eꞌsaꞌ yeꞌnen, imakuisan pe Adão moropai Eva enaꞌpî, mîrîrî yeꞌnen toꞌ munkuyamîꞌ esenpoꞌpî imakuiꞌsan pe tamîꞌnawîrî. Paapa Maimuya taasaꞌ man Adão pî: “Pena eꞌmaiꞌnon warayoꞌ Adão saꞌmantaꞌpî imakuiꞌpî tînkupîꞌpî wenai. Mîrîrî pata pai imakuiꞌpî kuꞌnenan pemonkonyamîꞌ saꞌmanta tînkupîꞌpîkon wenai.” — Romanos 5:12.
Îꞌ wani awanî yeꞌnen uurînîkon eꞌtarumaꞌtî sîrîrî? Îꞌ imakuiꞌpî menka uurînîkonya manni, eꞌtarumaꞌtîntoꞌ iipî uurînîkon pona. Îꞌ imakuiꞌpî menka tiaronkonya manni wenai, eꞌtarumaꞌtîntoꞌ iipî uurînîkon pona nîrî. Moropai tiaron pensa uurînîkon eꞌtarumaꞌtî, maasa pra îꞌ iipî nîmîkî uurînîkonya pra tanne. — Eraꞌmakî Eclesiastes 9:11 taa pî man: “Eraꞌma pî wai inîꞌ panpîꞌ: mannankan kaꞌneꞌ pe teekaꞌtunsenan inkamoro wanî kaꞌneꞌpe teekaꞌtunsenon yentai pra, meruntî ke tîweꞌsanon wanî pepîn meruntî ke teekoreꞌmasanon yentai, tiaron pensa epuꞌnen pe puꞌkuru tîweꞌsanon yare ton wanî pepîn, epuꞌnen pe tîweꞌsanon inkamoro wanî pîrata ton pra, tamîꞌnawîrî îꞌ kon epuꞌnenan tiaronkonya toꞌ epuꞌtî pra wanî; maasa pra inîmîkî toꞌya pra tîîse, îꞌ kon rî eꞌkupî toꞌ pokonpe.”
ESENUPAKÎ INÎꞌ PANPÎꞌ
Eraꞌmakî Paapaya imakuiꞌpî moropai eꞌtarumaꞌtîntoꞌ kupî rîn moropai uurînîkon tarumaꞌtîiya rîn. Eraꞌmakî nîrî oꞌnon yeꞌka pe Paapa wanî uurînîkon eꞌtarumaꞌtîntoꞌ eraꞌma tîuya ya.
4. Anîꞌ mîîkîrî eꞌtarumaꞌtîntoꞌ kuꞌnen?
Tuꞌke pemonkonyamîꞌya taa Paapa yenya pata wanî. Yairon naka mîrîrî? PANTON eraꞌmatî.
Eraꞌmatî Tiago 1:13 moropai 1 João 5:19. Tarîpai seeni itoꞌkoꞌ manni pî eseurîmatî:
-
Imakuiꞌpî moropai eꞌtarumaꞌtîntoꞌ kuꞌnen mîîkîrî Jeová naka?
5. Makui yenya pata wanî yeꞌnen, îꞌ iipî eraꞌmakî
Gênesis 3:1-6 ya taa pî man: Jeová nîkonekaꞌpî mîîkîrî îkîi, mîîkîrî wanî kaꞌneꞌpe, tîîse tînîn pî atî oꞌnon pata wanî eraꞌmapa. Îkîiya taꞌpî wîriꞌ pî: Mîrîrî taꞌpî Paapaya, amîrînîkonya seeni tamîꞌnawîron eperukon enapîyaꞌnîkon eserîke pra wanî? 2 Mîrîrî pî wîriꞌya taꞌpî kîi pî: Enaꞌpî annaya eserîke wanî, tamîꞌnawîrî seeni yeikon eperukon. 3 Tîîse seeni pata arakkita wanî manni yei eperu pî taꞌpî Paapaya: Mîrîrî kîsenatî, moropai kîsapitî, mîrîrî yawîrî pra aweꞌsaꞌkon ya asaꞌmantakon. 4 Mîrîrî pî îkîiya taꞌpî wîriꞌ pî: Amîrînîkon saꞌmanta pepîn 5“Paapaya epuꞌtî pî man. Paapa warantî epuꞌnen pe awanîkon. Epuꞌtîyaꞌnîkon îꞌ wanî morî pe, îꞌ wanî imakuiꞌpî pe.” 6 Wîriꞌya eraꞌmaꞌpî morî pe wanî yare ton pe, eraꞌma tîuya ya anenapai wanîꞌpî. Mîrîrî pîikaꞌpîiya moropai mîrîrî enapîꞌpîiya. Moropai tînyo pia nîrî itîrîꞌpîiya, mîrîrî enapîꞌpîiya.” (TNM) Tarîpai seeni itoꞌkoꞌ manni pî eseurîmatî:
-
Îꞌ seruꞌye ekaremekîꞌpî Makuiya? — Eraꞌmatî imenukasa 4 moropai 5.
-
Makuiya taꞌpî Paapaya morîkon tîrî pepîn pemonkonyamîꞌ pia. Oꞌnon yeꞌka pe mîrîrî warantî Eva esenumenka emapuꞌtîꞌpî Makuiya?
-
Makuiya taꞌpî taatausinpai pemonkonyamîꞌ wanî eꞌpainon neken Paapa wenai?
Eclesiastes 8:9 ya taa pî man: “Tamîꞌnawîrî mîrîrî eraꞌmaꞌpîuya, mîrîrî pî esenumenka piatîꞌpî esenyakamantoꞌ pî tamîꞌnawîrî pata poro, warayoꞌkon wanî tiaronkon yentai eꞌpai, tîîse toꞌ atakaꞌma”. Tarîpai seeni itoꞌkoꞌ manni pî eseurîmatî:
-
Paapa wanî pepîn tamîꞌnawîronkon esaꞌ pe sîrîrîpe. Îꞌ eꞌkupî mîrîrî wenai?
-
Adão moropai Eva wanîꞌpî imakuiꞌpî ton pra moropai morî pataꞌseꞌ Éden po toꞌ koꞌmamîꞌpî. Tîîse Makui maimu etaꞌpî toꞌya moropai Jeová rumakaꞌpî toꞌya.
-
Imakuiꞌpî, eꞌtarumaꞌtîntoꞌ moropai saꞌmantantoꞌ eseppiatîꞌpî tarî pata pona
-
Imakuiꞌpî, eꞌtarumaꞌtîntoꞌ moropai saꞌmantantoꞌ tîꞌka Jeováya. Inîꞌrî pemonkonyamîꞌ ena imakuiꞌpî ton pra moropai koꞌmamî ipatîkarî morî pataꞌse ya.
6. Uurînîkon eꞌtarumaꞌtîn pîinamanen mîîkîrî Jeová
Uurînîkon eꞌtarumaꞌtî naka pîinamanen mîîkîrî Jeová? Îꞌ imenukaꞌpî esaꞌ Daviya moropai Jesus nenupanen Pauloya eraꞌmapaiꞌnîkon. Salmo 31:7 ya taa pî man: “Taatausinpai uurî wanî amîrî saꞌnamatoꞌ wenai, amîrîya uurî eraꞌma esewankonoꞌmasaꞌ ya, amîrîya uurî eraꞌma ipîra esewankonoꞌmasaꞌ koꞌmamî tanne.” Eraꞌmatî nîrî 1 Pedro 5:7. Mîrîrî tîpo seeni itoꞌkoꞌ manni pî eseurîmatî:
-
Mîrîrî imenukasaꞌkon wenai uurînîkon epuꞌtî pî man, uurînîkon eꞌtarumaꞌtîn pîinamanen mîîkîrî Jeová moropai uurînîkon anpîikaꞌtîpai wanî. Oꞌnon yeꞌka pe awanî mîrîrî pî epuꞌtîya yeꞌnen?
7. Eꞌtarumaꞌtîntoꞌ tîꞌka Paapaya
Isaías 65:17 ya taa pî man: “Ikupîuya amenan kaꞌ moropai amenan pata; manni esuwaꞌkapîkon manni mîrîrî pî awenpanata pepîn, mîrîrî enaꞌpo pepîn inîꞌrî ayewan ya.” Eraꞌmatî nîrî Apocalipse 21:3, 4. Mîrîrî tîpo seeni itoꞌkoꞌ manni pî eseurîmatî:
-
Tamînawîronkon eꞌtarumaꞌtîtoꞌ tîꞌka Jeováya, îꞌ wani awanî yeꞌnen mîrîrî epuꞌtîya ya morî pe wanî?
Epuꞌtî pî nan?
Makui eseurîmaꞌpî seruꞌye pe Paapa winîkîi. Jeová wanî pepîn saꞌnamanen pe moropai morî esaꞌ pe, taꞌpîiya. Mîrîrî warantî pemonkonyamî esenuneka emaputîꞌpî Makuiya. Amenrî, eꞌtarumaꞌtîntoꞌ tîꞌka Paapaya moropai iteseru wenai morî esaꞌ pe mîîkîrî Jeová wanî tiaronkon yentai eraꞌma tamîꞌnîwîronkonya. Mîrîrî eꞌkupî yai, seruꞌye ton pra wanî inîꞌrî. Mîrîrî wanî morî puꞌkuru tamîꞌnawîrî yentai. — Mateus 6:9, 10.
TIARONKONYA TAA: “Paapaya pemonkonyamîꞌ eꞌtarîmaꞌtî ton tîrîiya, innape tîpemonkonoyamîꞌ wanî epuꞌtîpa”, taa toꞌya.
-
Îꞌ taa amîrîya mîrîrî pî?
Îꞌ PÎ ESENUPA PÎ NAN?
Eꞌtarumaꞌtîntoꞌ man tarî pata po, Makui, Adão moropai Eva wenai. Uurînîkon pîinamanen mîîkîrî Jeová moropai amenrî eꞌtarumaꞌtîntoꞌ tîꞌkaiya.
Enpanatapaiꞌnîkon
-
Îꞌ seruꞌye ekaremekîꞌpî Makuiya Eva pî?
-
Oꞌnon yeꞌka pe îꞌ Adão moropai Eva nîmenkaꞌpî uurînîkon yakaꞌma ton?
-
Oꞌnon yeꞌka pe epuꞌtî uurînîkonya eꞌpainon, uurînîkon eꞌtarumaꞌtîntoꞌ pîinamanen mîîkîrî Jeová moropai uurînîkon anpîikaꞌtîpai wanî?
INÎꞌ PANPÎꞌ ESENUPAPAI NAN?
Îꞌ see mîrîrî pecado (sin)? Îꞌ taa Paapa Maimuya mîrîrî pî eraꞌmakî.
Inîꞌ panpîꞌ eraꞌmakî îꞌ taꞌpî Makuiya Éden po.
Esenupa tîpo, yuꞌtoꞌkon eraꞌmakî morî pe esepuꞌtîpa.
“Îꞌ wani awanî yeꞌnen Paapaya holocausto (Holocaust) emîꞌpamîꞌpî pepîn ?” (jw.org eseurîmantoꞌ pî)
Eraꞌmakî oꞌnon yeꞌka pe warayoꞌ esenupaꞌpî tîweꞌtarumaꞌtîtoꞌ pî.
