ESENUPATOꞌ 31
Oꞌnon yeꞌka pe awanî pe nai, Paapa iipî yai pemonkonyamîꞌ esaꞌ pe?
Paapa Maimu imenukasaꞌ eseurîma pî man mararî pra tamîꞌnawîronkon esaꞌ pe Paapa iiꞌtoꞌ weiyu iipî, mîrîrî wanî yeꞌnen morî pe puꞌkuru. Mîrîrî yai, Jeováya seeni pata inkaꞌma morî pataꞌseꞌ pe. Tîîse, oꞌnon yeꞌka pe awanî pe nai, Paapa iipî yai pemonkonyamîꞌ esaꞌ pe? Esaꞌ pe mîîkîrî Paapa man sîrîrîpe, îꞌ kaiꞌma mîrîrî epuꞌtî uurînîkonya? Îꞌ konekaꞌpî Paapaya moropai îꞌ konekaiya amenrî? Seeni esenupatoꞌ eseurîma pî man mîrîrî pî, esenupantoꞌ 32 moropai 33 eseurîma nîrî mîrîrî pî.
1. Îꞌ see mîrîrî tamîꞌnawîronkon esaꞌ pe Paapa iiꞌtoꞌ weiyu erepamî, moropai anîꞌ menkaꞌpî Paapaya tamîꞌnawîronkon pemonkonyamîꞌ esaꞌ pe aweꞌtoꞌpe?
Eseurîmanpaiꞌnîkon tamîꞌnawîronkon esaꞌ pe Paapa iiꞌtoꞌ weiyu pî. Paapa mîîkîrî tamîꞌnawîronkon esaꞌ. Jesus mîîkîrî Paapa nîmenkaꞌpî pemonkonyamîꞌ esaꞌ pe aweꞌtoꞌpe. Mîrîrî koneka Jesusya kaꞌ po siꞌma. (Mateus 4:17; João 18:36) Paapa Maimuya taa pî man Jesus pî: ‘mîîkîrî koꞌmamî [pata] . . . esaꞌ pe ipatîkarîꞌ. (Lucas 1:32, 33) Jesus mîîkîrî pemonkonyamîꞌ esaꞌ pe tîweꞌsen, non po tîîkoꞌmansenon eraꞌmaiya.
2. Anîꞌ ena pata esaꞌ pe Jesus yarakkîrî?
Jesus wanî pepîn esaꞌ pe tiwinsarî siꞌma. “Tamîꞌnawîron pata ponkon koreꞌtapai, manniꞌkan tamîꞌnawîron mai kuꞌnenan koreꞌtapai, . . . inkamoro enatoꞌpe pata esaꞌ pe” Jesus yarakkîrî. (Apocalipse 5:9, 10) Îꞌ warapo kaisarî toꞌ ena pata esaꞌ pe Jesus yarakkîrî? Tarî pata po Jesus wanîꞌpî patapai sîrîrî tîpose, tuꞌke pemonkonyamîꞌ enasaꞌ man Jesus pemonkonope. Inkamoro tamîꞌnawîronkon naka ena pata esaꞌ pe Jesus yarakkîrî? Kaane. 144 mil (144,000) kaisîrî pemonkonyamîꞌ wîtî esenyakamai Jesus yarakkîrî kaꞌ pona. (Eraꞌmatî Apocalipse 14:1-4.) Tiaronkon Jesus pemonkonyamîꞌ koꞌmamî tarî non po. — Salmo 37:29.
3. Îꞌ wani awanî yeꞌnen uyesaꞌkon pe Paapa wanî morî pe panpîꞌ warayoꞌkon yentai?
Tiaron pensa morî pe esenyakaꞌmapai pata esanon wanî, tîîse ituꞌseꞌ tîweꞌtoꞌkon kupî toꞌya eserîke pra wanî. Mîrîrî tîpo tiaron esaꞌ imakuiꞌpî pe tîweꞌsen esenyakaꞌma inkamoro pataꞌpî ya, mîrîrî yeꞌnen pemonkonyamîꞌ eꞌtarumaꞌtî. Tîîse Paapa nîmenkaꞌpî Jesus, anîꞌya mîîkîrî moꞌka eserîke pra wanî ipataꞌpî ya teesenyakaꞌmapa. Maasa pra ‘Paapa kaꞌ pon wanî tamîꞌnawîronkon esaꞌ pe ipatîkarîꞌ. (Daniel 2:44) Îꞌ pensa pata poro esaꞌ pe Jesus ena yai, see kaiasarî pemonkonyamîꞌ eraꞌmaiya. Pemonkonyamîꞌ saꞌnamanen mîîkîrî Jesus, morî mîîkîrî moropai yairî tîweꞌsen, pemonkonyamîꞌ yenupaiya mîrîrî panpe toꞌ eꞌtoꞌpe tiaronkon pokonpe. — Isaías 11:9 ya taa pî man: “Morî puꞌkuru pataꞌseꞌ wîꞌ po, ekoreꞌmantoꞌ wanî pepîn inîꞌrî, maasa pra pata wanî tamîꞌnawîrî epuꞌtoꞌ Jeováya, tuna wanî pîrana ka tîweꞌsen warantî.”
ESENUPAKÎ INÎꞌ PANPÎꞌ
Îꞌ wani awanî yeꞌnen uyesaꞌkon pe Paapa wanî morî pe panpîꞌ warayoꞌkon yentai eraꞌmakî.
4. Jesus Paapa nîmenkaꞌpî tamîꞌnawîronkon esaꞌ pe aweꞌtoꞌpe
Morî pata esaꞌ pe moropai meruntî ke Jesus man, tiaronkon pata esanon yentai. Eraꞌmatî Mateus 28:18 ya. Mîrîrî tîpo seeni itoꞌkoꞌ manni pî eseurîmatî:
-
Jesus meruntîri moropai pata esanon meruntîri wanî seꞌ kaisarî? Eseurîmakî mîrîrî pî.
Konoꞌ esuwaꞌka tanne pata esanon esenyakaꞌma mararî, mîrîrî tîpo tiaron esenyakaꞌma ipataꞌpî ya. Toꞌ wanî pepîn pata esaꞌ pe tuꞌke, pata esanon man tuꞌke, toꞌ esenyakaꞌma tîpataꞌseꞌkon ya. Tîîse, oꞌnon yeꞌka pe wanî îꞌ pensa tamîꞌnawîronkon esaꞌ pe Paapa iipî yai? Eraꞌmatî Apocalipse 11:15. Mîrîrî tîpo seeni itoꞌkoꞌ manni pî eseurîmatî:
-
Îꞌ wani awanî yeꞌnen morî pe wanî, Paapa wanî tamîꞌnawîronkon esaꞌ pe ipatîkarî?
-
Îꞌ wani awanî yeꞌnen morî pe wanî, pata esaꞌ pe Paapa ena tamîꞌnawîrî?
5. Paapa ena tamîꞌnawîronkon esaꞌ pe warayoꞌkon pata esanon pataꞌpî ya
Îꞌ wani awanî yeꞌnen Paapa ena tamîꞌnawîronkon esaꞌ pe warayoꞌkon pata esanon pataꞌpî ya wanî morî pe panpî? PANTON eraꞌmatî. Mîrîrî tîpo seeni itoꞌkoꞌ manni pî eseurîmatî:
-
Pata esanon wanî teesenyakaꞌmasen pe Paapa pataꞌpî ya. Îꞌ iipî mîrîrî wenai?
Eclesiastes 8:9 ya taa pî man: “Tamîꞌnawîrî mîrîrî eraꞌmaꞌpîuya, mîrîrî pî esenumenka piatîꞌpî esenyakaꞌmantoꞌ pî tamîꞌnawîrî pata poro, warayoꞌkon wanî tiaronkon yentai eꞌpai, tîîse toꞌ atakaꞌma”. Tarîpai seeni itoꞌkoꞌ manni pî eseurîmatî:
-
Îꞌ taaya? Paapa wanî tamîꞌnawîronkon esaꞌ pe warayoꞌkon pata esanon pataꞌpî ya, mîrîrî wanî morî pe panpîꞌ? Îꞌ wani awanî yeꞌnen mîrîrî panpe taaya?
6. Jesus moropai imenkaꞌsan esanon pokonpe, îꞌ pî uurînîkon eꞌtarumaꞌtî epuꞌtî toꞌya?
Uurînîkon esaꞌ mîîkîrî Jesus, mîîkîrî wanîꞌpî pemonkon pe tarî pata pona, mîrîrî yeꞌnen epuꞌtîiya îꞌ pî uurînîkon eꞌtarumaꞌtî. (Hebreus 4:15) Moropai, Jeováya 144 mil (144,000) kaisîrî pemonkonyamîꞌ menkaꞌpî toꞌ esenyakaꞌmatoꞌpe Jesus yarakkîrî, inkamoro wanî ‘tamîꞌnawîron pata ponkon koreꞌta, manniꞌkan tamîꞌnawîron mai kuꞌnenan koreꞌtaꞌ. — Apocalipse 5:9.
-
Oꞌnon yeꞌka pe awanî esenupasaꞌ tîpo, Jesus moropai imenkaꞌsan esanon pokonpe, îꞌ pî uurînîkon eꞌtarumaꞌtî epuꞌtî toꞌya?
Tamîꞌnawîron pata ponkon koreꞌtapai, manniꞌkan tamîꞌnawîron mai kuꞌnenan koreꞌtapai menkaꞌpî Paapaya, esaꞌ pe toꞌ eꞌtoꞌpe Jesus yarakkîrî.
7. Morî esaꞌ pe awanî yeꞌnen, Paapa yeseru wanî morî pe puꞌkuru warayoꞌkon pata esanon yeserukon yentai
Warayoꞌkon pata esanonya toꞌ maimu menuka tîpemonkonoyamîꞌ esenupatoꞌpe toꞌ pîikaꞌtîtoꞌpe. Mîrîrî panpe koneka Paapaya. Eraꞌmatî 1 Coríntios 6:9-11. Mîrîrî tîpo seeni itoꞌkoꞌ manni pî eseurîmatî:
-
Îꞌ taaya? Paapa maimu yawîrî pemonkonyamîꞌ wanî ya, morî pe panpîꞌ ena eꞌpainon pata poro? a — Imenukasaꞌ itoꞌkoꞌ eraꞌmakî - Nota.
-
Paapa wanî pemonkonyamîꞌ yuꞌse tîmaimu yawîrî. Yairî Jeová wanî? Îꞌ wanî awanî yeꞌnen mîrîrî taaya?
-
Yawîrî pra tîweꞌsanonya teseru miaꞌkama eꞌpainon? — Imenukasaꞌ 11 eraꞌmatî.
Warayoꞌkon pata esanonya toꞌ maimu menuka tîpemonkonoyamîꞌ esenupatoꞌpe, toꞌ eꞌpîikaꞌtîtoꞌpe. Mîrîrî warantî koneka Paapaya, tîîse iteseru wanî morî pe puꞌkuru warayoꞌkon yeseru yentai
ANÎꞌYA EKARANMAPO YA: “Tamîꞌnawîronkon esaꞌ pe Paapa iiꞌtoꞌ weiyu yai”, îꞌ taa yuꞌse mîrîrî wanî?
-
Îꞌ yuukuya?
Îꞌ PÎ ESENUPA PÎ NAN?
Tamîꞌnawîronkon esaꞌ pe enapai Paapa man. Pemonkonyamîꞌ eraꞌmaiya kaꞌ po siꞌma.
Enpanatapaiꞌnîkon
-
Anîꞌkan menkaꞌpî Paapaya tamîꞌnawîronkon esaꞌ pe toꞌ eꞌtoꞌpe?
-
Îꞌ wani awanî yeꞌnen uyesaꞌkon pe Paapa wanî morî pe panpîꞌ warayoꞌkon yentai?
-
Îꞌ ituꞌseꞌ Paapa wanî, tîpemonkono pe pemonkonyamîꞌ eꞌtoꞌpe?
INÎꞌ PANPÎꞌ ESENUPAPAI NAN?
“Asiꞌkî anna pia, anna esaꞌ pe awanîpa” taꞌpî Jesusya. Oꞌnon pata mîrîrî eꞌkupî? Mîrîrî pî esenupakî.
“Uyewankon ya naka tamîꞌnawîronkon esaꞌ pe Paapa iiꞌtoꞌ weiyu eseporî?” (jw.org eseurîmantoꞌ pî)
Îꞌ wani awanî yeꞌnen Jeová Maimu Ekaremeꞌnenanya taa, Jeová maimu yawîrî eꞌpai wanî eꞌmaiꞌpe, mîrîrî tîpo warayoꞌ maimu yawîrî?
Eraꞌmakî îꞌ taasaꞌ Paapa Maimu imenukasaꞌ ya 144 mil (144,000) kaisaronkon pemonkonyamîꞌ wîtî esenyakaꞌmatoꞌpe Jesus yarakkîrî kaꞌ pona.
Atarakkantoꞌ ta wanî tanne, îꞌ ya wîriꞌ pîikaꞌtîꞌpî eputoꞌpeiya, Paapaya neken eꞌtarumaꞌtîntoꞌ tîꞌka?
“Yairî pata yuꞌse uurî wanîꞌpî” (Tîwarî Eꞌkî! novembro kapoi pî, 2011 konoꞌ pî)
a Nota: Jeová yeseru pî eraꞌma uurînîkonya inîꞌ panpîꞌ ipantakasaꞌ 3 ya.
