ESENUPATOꞌ 32
Jesus wanî pata esaꞌ pe kaꞌ po siꞌma!
Paapaya Jesus kupîꞌpî pata esaꞌ pe kaꞌ po siꞌma 1914 konoꞌ yai. Mîrîrî patapai, pata esanon esenyakaꞌmantoꞌ ataretîꞌkatoꞌ wanîꞌpî aminke maꞌre. Oꞌnon yeꞌka pe mîrîrî epuꞌtî uurînîkonya? Eraꞌmapaiꞌnîkon îꞌ taa Paapa Maimu imenukasaꞌya mîrîrî pî moropai eraꞌmapaiꞌnîkon nîrî oꞌnon yeꞌka pe pata poro wanî 1914 konoꞌ patapai sîrîrî tîpose.
1. Îꞌ taꞌpî Paapa Maimuya?
Daniel kaaretarî wenai epuꞌtî uurînîkonya eꞌpainon, îꞌ pensa Paapa esenyakaꞌmantoꞌ esippiaꞌtîꞌpî tamîꞌnawîronkon esaꞌ pe tîwanîpa. Îꞌ pensa mîrîrî eꞌkupî? Danielya taꞌpî: “7 tempos” ataretîꞌka tîpo (seven times). (Daniel 4:16, 17) Tuꞌke konoꞌ tîpo, Jesus eseurîmaꞌpî mîrîrî pî, mîîkîrîya taꞌpî: “Ikuꞌneꞌtî weiyu esuwaꞌka pîkîrî —taꞌpî Jesusya.” Mîrîrî yeꞌnen 7 tempos ataretîꞌkasaꞌ pra wanîꞌpî, Jesus koꞌmamîꞌpî yai tarî pata po. (Lucas 21:24) Îꞌ pensa 7 tempos ataretîꞌka? 1914 konoꞌ yai.
2. Oꞌnon yeꞌka pe pata poro ena 1914 patapai sîrîrî tîpose?
Jesus ekaranmapoꞌpî inenupaꞌsanya: “Oꞌnon yeꞌka pe mîrîrî eꞌkupî kupî sîrîrî? Oꞌnon yeꞌka pe mîrîrî kupî toꞌya epuꞌtî annaya eꞌpainon? Îꞌ eseraꞌma wenai aminke pra aaiꞌtoꞌpe wanî moropai tamîꞌnawîron eꞌtîꞌka epuꞌtî annaya?” (Mateus 24:3) Jesusya taꞌpî îꞌ kon eꞌkupî îꞌ pensa kaꞌ po esaꞌ pe tîweꞌnasaꞌ yai. Epîntoꞌ, emiꞌnan moropai non eeserentîkîꞌma eꞌkupî kupî sîrîrî, taapîiya. (Eraꞌmakî Mateus 24:7.) Paapa Maimu eꞌmenukasaꞌ man nîrî pemonkonyamîꞌ yeseru pî “maasa panpîꞌ Jesus iiꞌtoꞌ winîkîi”, eꞌmenukasaꞌ taasaꞌ man ‘saꞌme puꞌkuru awanî pe man mîrîrî yaiꞌ. (2 Timóteo 3:1-5) 1914 konoꞌ patapai sîrîrî tîpose, imakuiꞌpî pe panpîꞌ wanî.
3. Îꞌ wani awanî yeꞌnen kureꞌne imakuiꞌpî pe pata enasaꞌ, esaꞌpe Jesus enaꞌpî patapai pata esaꞌ pe kaꞌ po siꞌma?
Pata esaꞌ pe Jesus enaꞌpî yai kaꞌ po siꞌma, epîꞌpî Makui moropai imakuiꞌsan inserîyamîꞌ pokonpe. Makui enasaꞌ pra man Jesus yentai. Paapa Maimuya taa pî man ‘Makui yenumîꞌpîiya kaꞌ poi tarî pona. Moropai ipemonkonoyamîꞌ nîrî yenumîꞌpîiya yarakkîrî’. (Apocalipse 12:9, 10, 12) Sokoroꞌ pe Makui man mararî pra, epuꞌtî tîuya yeꞌnen mîîkîrî yaretîꞌka Jesusya. Mîrîrî yeꞌnen ekoreꞌmasaꞌ man, tiaronkon tarumaꞌtî pî aakoꞌmamî pata poro. Tîîse, teesenyakaꞌmantoꞌ wenai, Paapaya mîrîrîkon yaretîꞌka.
ESENUPAKÎ INÎꞌ PANPÎꞌ
Jesusya taꞌpî Paapa pî: “Asiꞌkî anna pia, anna esaꞌ pe awanîpa”. Mîrîrî eꞌkupîꞌpî 1914 konoꞌ yai. Inîꞌ panpîꞌ mîrîrî pî eraꞌmakî, eraꞌmakî nîrî îꞌ kupî uurînîkonya eꞌpainon mîrîrî wenai.
4. Paapa Maimu imenukasaꞌya taa pî man 1914 konoꞌ pî
Esaꞌ Nabucodonosor weꞌneꞌpîtîꞌpî Babilônia pata po, Paapa meruntîri wenai. Mîrîrî wenai Jeováya taꞌpî îꞌ eꞌkupî kupî sîrîrî. Danielya esaꞌ pîikaꞌtîꞌpî tîweꞌneꞌpîtoꞌ epuꞌtoꞌpeiya. Aweꞌneꞌpîtoꞌ eseurîmaꞌpî Nabucodonosor esaꞌ eꞌtoꞌ pî moropai Paapa esaꞌ eꞌtoꞌ pî. — Eraꞌmatî Daniel 4:17; a menukasaꞌ itoꞌkoꞌ eraꞌmakî - Nota.
Eraꞌmatî Daniel 4:20-26 ya. Mîrîrî tîpo, imenukasaꞌkon itoꞌkoꞌ wenai, ekaranmaposaꞌkon yuukî:
-
(A) Îꞌ eraꞌmaꞌpî Nabucodonosorya tîweꞌneꞌpîtoꞌ wenai? — Imenukasaꞌ 20 moropai 21 eraꞌmatî.
-
(B) Îꞌ eꞌkupî yei yarakkîrî? — Imenukasaꞌ 23 eraꞌmatî.
-
(C) Îꞌ eꞌkupî “sete tempos” ataretîꞌkasaꞌ tîpo? — Imenukasaꞌ 26 eraꞌmatî.
Oꞌnon yeꞌka pe weꞌneꞌpîtoꞌ yei pî wanî tamîꞌnawîronkon esaꞌ pe Paapa eꞌtoꞌ warantî.
DANIELYA TAꞋPÎ (Daniel 4:20-36)
Esaꞌ pe eꞌtoꞌ
(A) Kureꞌnan yei
Esaꞌ pe eꞌtoꞌ emîꞌpamî
(B) “Yei yatîtî!” “7 tempos esuwaꞌka pîkîrî”
Esaꞌ pe aweꞌnapoꞌ inîꞌrî
(C) ‘Itesaꞌ pe awanî inîꞌrî”
Îꞌ taa yuꞌse imenukasaꞌkon wanî eꞌmaiꞌpe . . .
-
(D) Anîꞌ mîîkîrî yei panpe tîweꞌsen? — Imenukasaꞌ 22 eraꞌmatî.
-
(E) Îꞌ pensa esaꞌ pe aweꞌtoꞌ emîꞌpamîꞌpî? — Eraꞌmatî Daniel 4:29-33 ya.
-
(F) Îꞌ eꞌkupîꞌpî Nabucodonosor yarakkîrî “sete tempos” ataretîꞌka tîpo? — Eraꞌmatî Daniel 4:34-36 ya.
Îꞌ TAA YUꞌSE IMENUKASAꞌKON WANÎ EꞌMAIꞌPE
Esaꞌ pe eꞌtoꞌ
(D) Nabucodonosor mîîkîrî, Babilônia ponkon esaꞌ
Esaꞌ pe eꞌtoꞌ emîꞌpamî
(E) 606 konoꞌ yai Jesus esenpo rawîrî tarî pata po, mîrîrî yai Nabucodonosor enaꞌpî ayawîꞌ pe, mîrîrî yeꞌnen 7 konoꞌ kaisarî akoꞌmansaꞌ tanne, esaꞌ pe awanî eserîke pra awanîꞌpî
Esaꞌ pe aweꞌnapoꞌ inîꞌrî
((F) Nabucodonosor enaꞌpî ayawîꞌ pe pra, enaꞌpî esaꞌ pe inîꞌrî
Îꞌ taa yuꞌse imenukasaꞌkon wanî inîꞌ panpîꞌ . . .
-
(G) Anîꞌ mîîkîrî yei panpe tîweꞌsen? — 1 Crônicas 29:23 ya taa pî man: “Salomão ereutaꞌpî Jeová yaponse pona, tesaꞌ pe enaꞌpî tîyun Davi pataꞌpî ya. Morî pe awanîꞌpî, israelitayamîꞌ wanîꞌpî maimu yawîrî.”
-
(H) Îꞌ pensa toꞌ esaꞌ pe aweꞌtoꞌ emîꞌpamîꞌpî? Oꞌnon yeꞌka pe epuꞌtî uurînîkonya eꞌpainon, itesaꞌ pe toꞌ eꞌsaꞌ pra wanî Jesus koꞌmamîꞌpî yai tarî pata po? — Eraꞌmatî Lucas 21:24.
-
(I) Îꞌ pensa itesaꞌ pe wanîꞌ inîꞌrî moropai oꞌnon pata?
Îꞌ TAA YUꞌSE IMENUKASAꞌKON WANÎ INÎꞌ PANPÎꞌ
Esaꞌ pe eꞌtoꞌ
(G) Kaꞌ po Paapa wanîꞌpî Israel ponkon esaꞌ pe, tîîse warayoꞌkon menkaꞌpîiya Israel ponkon esaꞌ pe toꞌ eꞌtoꞌpe
Esaꞌ pe eꞌtoꞌ emîꞌpamî
(H) (H) Jerusalém eꞌsorokasaꞌ wanîꞌpî, 2.520 konoꞌ kaisarî Israel ponkon esaꞌ ton pra wanîꞌpî
Esaꞌ pe aweꞌnapoꞌ inîꞌrî
(I) Paapaya Jesus kupîꞌpî esaꞌ pe
Sete tempos (seven times). Îꞌ warapo konoꞌ kaisarî mîrîrî wanî?
Paapa Maimu imenukasaꞌ pî tamîꞌnawîrî esenupan ya epuꞌtî uurînîkonya morî pe panpîꞌ. Seeni eraꞌmakî, Apocalipse kaareta eseurîma pî man eseurîwîꞌne konoꞌ arakkita pairî kaisarî wanî 1.260 weiyukon panpe. (Apocalipse 12:6, 14) Sete tempos (seven times) wanî moriya, 2.520 weiyukon panpe. Tiaron pensa Paapa Maimu eꞌmenukasaꞌya taꞌpî man, tiwinan wei wanî tiwinan konoꞌ warantî. (Ezequiel 4:6) Mîrîrî panpe wanî Danielya imenukasaꞌ manni. Sete tempos imenukaꞌpî Danielya, îꞌ ta yuꞌse mîrîrî wanî? Mîrîrî wanî 2.520 konoꞌ kaisarî panpe.
5. 1914 konoꞌ patapai sîrîrî tîpose, pata etinyakaꞌma pî man
Jesusya taꞌpî îꞌ eꞌkupî pata esaꞌ pe enasaꞌ tîpo. Eraꞌmatî Lucas 21:9-11. Mîrîrî tîpo seeni itoꞌkoꞌ manni pî eseurîmatî:
-
Mîrîrîkon eraꞌmaya sîrîrîpe?
Jesus naipontîꞌpî Paulo eseurîmaꞌpî, pemonkonyamîꞌ yeseru pî tiwinanoꞌpî weiyu yai, pata esanon pemonkonyamîꞌ esenyakaꞌma tanne. Eraꞌmatî 2 Timóteo 3:1-5. Mîrîrî tîpo seeni itoꞌkoꞌ manni pî eseurîmatî:
-
Îꞌ taaya? Pemonkonyamîꞌ wanî sîrîrîpe mîrîrî panpe?
6. Paapa yarakkîrî esenyakaꞌma eꞌpai uurînîkon wanî
Eraꞌmatî Mateus 24:3, 14. Mîrîrî tîpo seeni itoꞌkoꞌ manni pî eseurîmatî:
-
Jesus enasaꞌ pata esaꞌ pe kaꞌ po siꞌma patapai, îꞌ morî esenyakaꞌmantoꞌ wanî tarî pata po?
-
Oꞌnon yeꞌka pe amîrî esenyakaꞌma eꞌpainon nîrî?
Jesus enasaꞌ pata esaꞌ pe kaꞌ po siꞌma, amenrî mîîkîrî ena pata esaꞌ pe tarî non po. Eraꞌmatî Hebreus 10:24, 25. Mîrîrî tîpo seeni itoꞌkoꞌ manni pî eseurîmatî:
-
Îꞌ kupî eꞌpai uurînîkon wanî tiwin pî siꞌma, “aminke pra Uyepotorîkon iiꞌtoꞌ weiyu” wanî yeꞌnen?
Îꞌ epuꞌtîsaꞌya manni, mîrîrîya tiaronkon pîikaꞌtî eꞌpainon. Mîrîrî yeꞌnen îꞌ koneka eꞌpai awanî?
ANÎꞌYA EKARANMAPO YA: “Îꞌ wani awanî yeꞌnen Jeová Maimu Ekaremeꞌnenan eseurîma, 1914 konoꞌ yai wanî morî pe puꞌkuru?”
-
Îꞌ taa amîrîya?
Îꞌ PÎ ESENUPA PÎ NAN?
Îꞌ taa Paapa Maimuya manni moropai îꞌ eraꞌma uurînîkonya manni pata poro, mîrîrî wenai epuꞌtî pî uurînîkon man, Jeováya Jesus kupîꞌpî pata esaꞌ pe kaꞌ po. Îꞌ pensa Paapa maimu ekaremekî uurînîkonya moropai emurukuntîntoꞌ ya uurînîkon wanî ya, inna taa uurînîkonya tamîꞌnawîronkon esaꞌ pe Paapa iiꞌtoꞌ pî.
Enpanatapaiꞌnîkon
-
Daniel kaareta eseurîmasaꞌ man sete tempos pî (seven times). Mîrîrî ataretîꞌka tîpo îꞌ eꞌkupîꞌpî?
-
Îꞌ wani awanî yeꞌnen inna taa amîrîya, Jesus enaꞌpî pata esaꞌ pe kaꞌ po siꞌma 1914 konoꞌ yai?
-
Îꞌ kupîya eꞌpainon Jesus wanî yeꞌnen esaꞌ pe kaꞌ po?
INÎꞌ PANPÎꞌ ESENUPAPAI NAN?
Eraꞌmakî îꞌ taa teesenupaꞌsanonya îꞌ eꞌkupî manni pî 1914 konoꞌ yai sîrîrî tîpose.
Eraꞌmakî oꞌnon yeꞌka pe îꞌ taasaꞌ Mateus 24:14 ya, warayoꞌ koꞌmantoꞌ moꞌtaꞌnîpîꞌpî.
“Beisebol eꞌpîtîꞌpî uurî wakîri pe îꞌ rî yentai!” (A Sentinela, n.º 3 2017 konoꞌ pî)
Oꞌnon yeꞌka pe epuꞌtî uurînîkonya eꞌpainon, Daniel 4 eseurîmasaꞌ man tamîꞌnawîronkon esaꞌ pe Paapa iiꞌpî?
Oꞌnon yeꞌka pe epuꞌtî uurînîkonya eꞌpainon, imenukasaꞌ manni Daniel 4 ya “sete tempos” pî, yaretîꞌkaꞌpî 1914 konoꞌ yai?
a Nota: “ Inîꞌ panpîꞌ esenupapai nan?” imenukasaꞌkon, eraꞌmakî seeni esenupantoꞌ wenai.
