ESENUPATOꞌ 33
Tamîꞌnawîronkon Esaꞌ pe Paapa enasaꞌ yai, îꞌ eꞌkupî?
Paapaya tînmu kupîꞌpî pata esaꞌ pe kaꞌ po siꞌma. Amenrî Paapaya seeni pata miaꞌkama. Tamîꞌnawîronkon esaꞌ pe Paapa enasaꞌ ya, morîkon konekaiya.
1. Oꞌnon yeꞌka pe tamîꞌnawîronkon Esaꞌ pe Paapa eꞌtoꞌ wenai, tîwanmîn moropai yairî eꞌnîtoꞌ wanî tamîꞌnawîronkon tonpe?
Pata esaꞌ pe Jesus wanî yeꞌnen, pata poro imakuiꞌsan pata esanon moropai imakuiꞌsan pemonkonyamîꞌ tîꞌkaiya. Îꞌ pensa? Kureꞌnan epîntoꞌ iteseꞌ Armagedom ya (Armageddon). (Apocalipse 16:14, 16) Mîrîrî yai, Paapa Maimu imenukasaꞌya taa pî man: “Mararî inîmîkî, inîꞌrî imakuiꞌsan ton pra wanî.” (Salmo 37:10 TNM) Tamîꞌnawîronkon esaꞌ pe Paapa eꞌtoꞌ wenai, Jesusya tîwanmîn moropai yairî eꞌnîtoꞌ nepî tamîꞌnawîronkon tonpe. — Isaías 11:4 ya taa pî man: “Awanî yairon pe mîî pe tîweꞌsanon pepîn yarakkîrî, mîîkîrîya morîkon tîkoꞌmansenon pata po eraꞌma. Mîîkîrîya pata paꞌtî yei ke tînta yapai tepaꞌkasen ke, mîîkîrîya imakuiꞌsan tîꞌka toꞌ puꞌmaiya tînta ke.”
2. Tamîꞌnawîronkon Esaꞌ pe Paapa enasaꞌ ya imakuiꞌsan ton pra wanî. Mîrîrî tîpo, îꞌ koneka Paapaya?
Esenumenkakî morî pataꞌse ya awanî, morî pe tîweꞌsanon neken wanî moroni, tamîꞌnawîronkon wanî Jeová saꞌnamanenan pe moropai tîmurukun pe toꞌ wanî esaꞌnamatoꞌ pe! Mîrîrî panpe eꞌkupî îꞌ pensa tamîꞌnawîronkon esaꞌ pe Paapa wanî, maasa pra “morîkon koꞌmamî non po ipatîkarî”. (Salmo 37:29 TNM) Anîꞌrî neꞌneꞌ moronka pepîn, tamîꞌnawîronkon koꞌmamî ipatîkarî.
3. Imakuiꞌsan ataretîꞌka tîpo, îꞌ koneka Paapaya tamîꞌnawîronkon Esaꞌ pe tenasaꞌ yeꞌnen?
Imakuiꞌsan ataretîꞌka tîpo, tamîꞌnawîronkon esaꞌ Jesus esenyakaꞌma 1.000 konoꞌ kaisarî 144.000 imenkaꞌsan pokonpe, toꞌ esenyakaꞌmatoꞌ wenai, non po tîkoꞌmansenon ena imakuiꞌpî ton pra. 1.000 konoꞌ kaisarî ataretîꞌka tîpo, seeni pata wanî morî pataꞌseꞌ pe, taatausinpai tamîꞌnawîronkon wanî, maasa pra Paapa maimu yawîrî tamîꞌnawîronkon wanî yeꞌnen. Mîrîrî yai Jesusya tamîꞌnawîronkon esaꞌ pe tîweꞌtoꞌ tîrî tîyun Jeová pia. Jesusya taꞌpî: “Tamîꞌnawîronkonya morî pe puꞌkuru amîrî wanî epuꞌtî yuꞌse wai”. (Mateus 6:9, 10) Tamîꞌnawîronkonya eraꞌma, Jeová mîîkîrî morî pata esaꞌ pe tîweꞌsen pemonkonyamîꞌ eraꞌmanen mîîkîrî. Jeováya Makui yaretîꞌka, Makui poitîrîtonon, ituꞌseꞌ Paapa eꞌtoꞌ yawîrî tîweꞌsanon pepîn nîrî, yaretîꞌka Paapaya. (Apocalipse 20:7-10) Tamîꞌnawîronkon Esaꞌ pe Paapa enasaꞌ yai, tamîꞌnawîronkon koꞌmamî morî pe ipatîkarî.
ESENUPAKÎ INÎꞌ PANPÎꞌ
Eraꞌmakî îꞌ wani awanî yeꞌnen inna taa uurînîkonya eꞌpainon, îꞌ pensa tamîꞌnawîronkon esaꞌ pe Paapa enasaꞌ yai, îꞌ taasaꞌ Paapa Maimuya manni eꞌkupî.
4. Tamîꞌnawîronkon Esaꞌ pe Paapa enasaꞌ yai warayoꞌ pata esanon tîꞌkaiya
Paapa Maimuya taa pî man morî pe pra wanî pemonkonyamîꞌ tonpe îꞌ pensa warayoꞌkon wanî pemonkonyamîꞌ esaꞌ pe. (Eclesiastes 8:9) Esaꞌ pe Jeová wanî ya, imakuiꞌpî tîꞌkaiya.
Daniel 2:44 ya taa pî man: “Warayoꞌkon pata esaꞌnon weiyu yai, Paapa kaꞌ pon wanî tamîꞌnawîronkon esaꞌ pe ipatîkarî, tiaron esaꞌnon ton pra wanî. Tamîꞌnawîron warayoꞌ pata esaꞌnon tîꞌkaiya pata po, moropai Paapa wanî neken tamîꞌnawîronkon esaꞌ pe ipatîkarî”. Moropai eraꞌmatî 2 Tessalonicenses 1:6-8. Mîrîrî tîpo seeni itoꞌkoꞌ manni pî eseurîmatî:
-
Îꞌ kupî Jeová moropai Jesusya warayoꞌkon pata esanon pî moropai toꞌ pokonpe tîweꞌsanon pî?
-
Amîrî esenupaꞌpî yeꞌnen Jeová pî moropai Jesus pî, îꞌ taaya, îꞌ kupî toꞌya manni, mîrîrî wanî yairî?
5. Jesus wanî morî pata esaꞌ pe tiaronkon yentai
Paapaya Jesus menkaꞌpî tamîꞌnawîronkon esaꞌ pe aweꞌtoꞌpe, mîrîrî yai Jesus esenyakaꞌma mararî pra non po tîkoꞌmansenon pîikaꞌtîtoꞌpeiya. PANTON eraꞌmatî. Panton wenai eraꞌmapaiꞌnîkon Jesus wanî pemonkonyamîꞌ anpîikatîpai moropai Jeováya tîmeruntîri tîrîꞌpî mîrîrî konekatoꞌpe Jesusya.
Îꞌ konekaꞌpî Jesusya manni tarî pata po tîwanî yai, mîrîrî wenai epuꞌtî pî uurînîkon man, îꞌ konekaiya îꞌ pensa tamîꞌnawîronkon esaꞌ pe enasaꞌ yai. Morî Paapa yekare eraꞌmakî, mîrîrî tîpo eseurîmakî îꞌ eꞌkupî aneramaꞌpai nan inîꞌ? Imenukasaꞌ Paapa Maimu ya eraꞌmakî inîꞌ panpîꞌ eputoꞌpe amîrîya.
|
NON PO TÎWANÎ YAI, JESUSYA . . . |
KAꞌ POI, JESUSYA . . . |
|---|---|
|
|
|
|
|
|
|
|
6. Tamîꞌnawîronkon esaꞌ pe Paapa enasaꞌ yai, morî puꞌkuru neepîiya
Tamîꞌnawîronkon Esaꞌ pe Paapa enasaꞌ yai, îꞌ yuꞌse Paapa wanîꞌpî pata koneka tîuya yai, mîrîrî eꞌkupî. Tamîꞌnawîronkon koꞌmamî morî pe ipatîkarî tarî pata po, morî pataꞌseꞌ pe pata ena yeꞌnen. PANTON eraꞌmatî, mîrîrî wenai eraꞌmakî, oꞌnon yeꞌka pe Jeováya Jesus yenkaꞌma, pata etinyakaꞌmatoꞌpe.
Salmo 145:16 ya taa pî man: “Ayenya yarakkamokaya îꞌ ituꞌse pemonkonyamîꞌ eꞌtoꞌ mîrîrî konekaya”. Tarîpai seeni itoꞌkoꞌ manni pî eseurîmatî:
-
Oꞌnon yeꞌka pe esepuꞌtîya esenupasaꞌ tîpo, ‘îꞌ ituꞌse pemonkonyamîꞌ eꞌtoꞌ mîrîrî konekaꞌ Paapaya?
TIARONKONYA TAA: “Tamîꞌnawîronkon esenyakaꞌmasaꞌ ya morî pe, pata ena morî pataꞌseꞌ pe.”
-
Oꞌnon yeꞌkakon eꞌtarumaꞌtîntoꞌkon wanî sîrîrîpe, yaretîꞌka eserîke pra warayoꞌkon pata esanon wanî?
Îꞌ PÎ ESENUPA PÎ NAN?
Tamîꞌnawîronkon Esaꞌ pe Paapa enasaꞌ yai, ituꞌseꞌ tîweꞌtoꞌ eꞌkoneka. Seeni pata etinyakaꞌmaiya morî pataꞌseꞌ pe Paapa yapurînenan koꞌmantoꞌpe ipatîkarî.
Enpanatapaiꞌnîkon
-
Jesusya taꞌpî: “Tamîꞌnawîronkonya morî pe puꞌkuru amîrî wanî epuꞌtî yuꞌse wai”. Oꞌnon yeꞌka pe mîrîrî eꞌkupî?
-
Îꞌ wani awanî yeꞌnen inaa taa uurînîkonya eꞌpainon, tamîꞌnawîronkon Esaꞌ pe Paapa enasaꞌ yai, îꞌ taasaꞌ Paapa Maimuya manni eꞌkupî?
-
Tamîꞌnawîronkon Esaꞌ pe Paapa enasaꞌ yai morîkon tîrîiya. Îꞌ morî puꞌkuru eꞌkupî manni aneraꞌmapai nan?
INÎꞌ PANPÎꞌ ESENUPAPAI NAN?
Esenupakî Armagedom pî.
Jesus eseurîmaꞌpî Kuꞌrenan Eꞌtarumaꞌtîntoꞌ. Eraꞌmakî î’ eꞌkupî kupî sîrîrî Kureꞌnan Eꞌtarumaꞌtîntoꞌ erepamî tanne.
“Îꞌ see mîrîrî Kureꞌnan Eꞌtarumaꞌtîntoꞌ?” (jw.org eseurîmantoꞌ pî)
Pemonkonyamîꞌ esenumenka eꞌpainon morî pataꞌseꞌ ya tîwanîkon pî.
“Tuꞌke ekaranmaposakonya uyakamaꞌpî”. Mîîkîrî ekoꞌremaꞌpî mararî pra, yairî pra warayoꞌkon pata esanon wanî eraꞌma tîuya yeꞌnen.
“Paapa maimuya pemonkonyamîꞌ inkaꞌma” (A Sentinela, 1.º janeiro kapoi pî, 2012 konoꞌ pî)
