Îꞌ inîmîkîya — manni ya pîikaꞌtî eꞌpainon?

DANIEL ikono po wanîꞌpî 10 konoꞌ kaisarî, itepi ton pîn pran pî awanîꞌpî. Yuntonon moropai Dr. esenumenkaꞌpî mîîkîrî saꞌmanta tanne. Tîîse, Daniel wanîꞌpî morî inîmîkîꞌpî. Tîsaꞌmanta yuꞌse pra mîîkîrî wanîꞌpî, Dr. pe awanîpa kaima inîꞌ panpîꞌ. Moropai mîîkîrî wanîꞌpî taatausinpai iipia Dr. wîttî nîmîkîꞌpîiya yeꞌnen. Tîîse, attîsaꞌ pra man. Mîrîrî esuwaꞌkasaꞌ tanne mîîkîrî esewonkonoꞌmaꞌpî ipîra. Mîrîrî tîpo, mîîkîrî saꞌmantaꞌpî.

Dr. eseurîmaꞌpî Daniel pantoni pî. Pemonkon esenumenkaya morî pe, morî pe awanî, tîîse imakuiꞌpî pe pemonkon esenumeka ya imakuiꞌpî pe wanî nîrî. Amîrînîkonya senni yeꞌka panton etaꞌpî sîrîrî. Seeni pî esenumenkakî, aꞌyekeꞌton wanîꞌpî ipîra priꞌya pra, tîîse mîîkîrîya anî erepamî nîmîkîꞌpî iipia. Pemonkon erepamîꞌpî, yapipîtîꞌpîiya, mîrîrî tîpo mîîkîrî saꞌmantaꞌpî. Îꞌ wani awanî yeꞌnen mîrîrî yeꞌka eꞌkupî? Uurînîkon esenumenka komanîpîya morîkon pî, mîrîrî ya naka uurînîkon pîikaꞌtî eꞌpainon?

Dr. moropai tiaronkon inîꞌ panpîꞌꞌ esenupakoiꞌkonya taa, anî esenumenkaya morî pe, morî pe awanî, tîîse imakuiꞌpî pe anî esenumenka ya, imakuiꞌpî pe nîrî awanî. Tiaronkonya taa yairî man, moropai tiaronkonya taa yairî pra man. Tiaronkon esenupakoiꞌkonya taa yairon pepîn mîrîrî.

Senni esenumenkatoꞌ pî “îꞌ pensa anî esenumenkaya morîkon yapisîya kaima,” penaronkonya taapîtîꞌpî yairî pra mîrîrî man. Grecia pataꞌ pon epuꞌnen warayo iteseꞌ Aristóteles moropai sîrîrîpe tiaron pata pon warayo eseurîmapîtîꞌpî, îꞌ pensa anî esenumenkaya morîkon yapisî kaima, tîîse morîkon apisîiya pepîn.

Amîrî kanan îꞌ taa amîrîya mîrîrî pî? Îꞌ morîkon inîmîkîya manni, morî pe amîrî kupî taatausinpai awanîpa. Inna taa uurînîkonya eꞌpainon mîrîrî pî?