Amîrî wanî eꞌpainon meruntî ke imakuiꞌpî esenumeka tîpo yentai

OꞌNON YEꞌKA PE amîrî eꞌtarumaꞌtîntoꞌ eraꞌmanen amîrî? Îꞌ koneka manni ya yenpo, oꞌnon yeꞌka pe amîrî esenumenkatoꞌ pî, morî pe wanî, morî pe pra. Inîꞌ panpîꞌ esenupakoiꞌkonya mîrîrî eraꞌmaꞌpî. Uurînîkon eꞌtarumaꞌtîn pî man, tîîse tiaronkon eꞌtarumaꞌtî inîꞌ panpîꞌ ipîra. Î wani awanî yeꞌnen tiaronkon pemonkonyamîꞌ ena morî pe toꞌ eꞌtarumaꞌtî tanne moropai tiaronkon ena pra man morî pe?

Esenumakakî amîrîya esenyakamatoꞌ ton yuwa. Amîrî wîttî karaiwarî yarakkîrî eseurîmai amîrî esenyakamatoꞌpe. Tîîse, taa mîîkîrîya: “Kanne!” Mîrîrî wenai, amîrî esenumenka: “Tiwin kin esenyakamatoꞌ ton eporîiya pra wai, îꞌ konekauya manni wanî yairî pra.” Mîrîrî warantî amîrî esenumenka ya, morî pe pra wanî.

Oꞌnon yeꞌka pe imakuiꞌpî esenumenkato yentai awanî eꞌpainon

Îꞌ konekaya eꞌpainon eꞌmaiꞌpe? Mîrîrî yeꞌnen esenupakî îꞌ kaima morî pe esenumenkatoꞌ pî. Moropai imakuiꞌpî pe nîrî esenumenkatoꞌpî mîrîrî moꞌkakî apuꞌpai yapai. Esenupa eꞌpainon morî pe yairî esenumenkato eꞌtoꞌpe mîrîrîya amîrî apîikaꞌtî. Î wani awanî yeꞌnen amîrî yuꞌse pra toꞌ wanîꞌpî manni esenyakamatoꞌya? Amîrî naka esenyakama yuꞌse pra toꞌ wanî tiaron naka pemonkon yuwa toꞌya uurî tîpo nîron esenyakamatoꞌ konekanen?

Eꞌmaiꞌpe amîrî esenumenka komamî eꞌtarumaꞌtîntoꞌ pî kureꞌne mîrîrî wanî eraꞌmaya tîîse mîrîrî wanî mararî mare. Emainonya taa: kanne, tîîse tiaronkonya naka taa: kanne, nîrî? Yairî pra mîrîrî wanî. Amîrîr wanî eꞌpainon morî pe. Mîrîrî yeꞌnen Paapa Maimu emenukasa eraꞌmaya moropai morî awanî ayonpayamîꞌ yarakkîrî ayewî tawonkon yarakkîrî nîrî. Îꞌ konekaya eꞌpainon inîꞌ panpîꞌ morî pe awanî pa?

Morîkon pî esenumenkanya mîrîrîya uurînîkon pîikaꞌtî, îꞌ morîkon yuꞌse enî manni

Inîꞌ panpîꞌ esenupakoiꞌkon epunenanya, îꞌ iipî manni nîmîkî, mîrîrî pîꞌ toꞌ eseurîma. Îꞌ taa yuꞌse mîrîrî wanî? Mîrîrî pîꞌ taa toꞌya, îꞌ yuꞌse awanîꞌ manni konekaya eꞌpainon. Tiaron esenupantoꞌ eseurîma mîrîrî pî, tîîse mîrîrîya amîrî kupî eꞌpainon morî pe esenumenkatoꞌpe.

Uurînîkon enpanata eꞌpainon îꞌ yuꞌse uurînîkon eꞌtoꞌ pîꞌ, mîrîrî tîpo esenumenka, îꞌ yuꞌse awanîꞌpî konekaꞌpîya morî pe moropai yapiꞌsîꞌpîya. Mîrîrî yeꞌnen inna taa uurînîkonya mîrîrî pî. Amîrî taise esenumenka: “mîrîrî yeꞌka pepîn uurî.” Moriya, esenumenkakî mîrîrîkon pî, îꞌ yuꞌse aweꞌtoꞌ pî. Taise, wei kaisarî îꞌ kon konekaya, tîîse esenumenka îꞌ yuꞌse aweꞌtoꞌ pî inîꞌ panpîꞌ. Pena, Paapa Maimu eseurîmapîtîꞌpî mîrîrîkon pî. “Mîrîrî warantî amîrînîkon yenupasaꞌ Paapaya ya, morî kupîyaꞌnîkon tiwin.” – Filipenses 1:10

Îꞌ pensa îꞌ yuꞌse amîrî eꞌtoꞌ wanî akoꞌmantoꞌya, îꞌ menkaꞌpî amîrîya wenai, Paapa poitîrî pe awanî moropai morî pe awanî ayewîꞌ tawonkon yarakkîrî moropai îꞌ morîkon konekaya nîrî wei kaisarî morî pe. Îꞌ pensa îꞌ konekaya ya mararî rî, mîrîrî menkakî. Saꞌme pra manni, menkakî. Saꞌme wanî manni menkaya ya, aweꞌtarumaꞌtî mîrîrî wenai. Îꞌ pensa saꞌme îꞌ wanîya, mîrîrî ipantakaya eꞌpai man moropai saꞌme pepîn manni konekaya mîrîrî tîpo.

Tiaronkon pemonkoyamîꞌya taa: “ituꞌse awetoꞌkon konekayaꞌnîkon eꞌpainon.” Mîrîrî wanî pepîn yairî pra. Maasa pra mîrîrî menka eꞌpai man eꞌmaiꞌpe mîrîrî wanî pepîn yairî pra. Îꞌ menkasa uurînîkonya manni wenai morî pe koneka meruntî ke panpî. Îꞌ ya uurînîkon pîikaꞌtî eꞌpainon meruntî ke eꞌtoꞌpeꞌnîkon îꞌ menkasa uurînîkonya wenai, mîrîrî yeꞌnen esenumenkan îꞌ morîkon eꞌtoꞌ pîꞌ. Îꞌ pensa eꞌtarumaꞌtîntoꞌ senpoya meruntî ke eꞌkî mîrîrî yapîtanîkî.

Uurînîkon esenumenka eꞌpai man, oꞌnon yeꞌka pe îꞌ yuꞌse uurînîkon eꞌtoꞌ yapiꞌtoꞌpe. Esenupakoi inîꞌ panpî epunenya C. R. Snyder eseurîmaꞌpî: îꞌ iipî manni nîmîkîꞌpî eꞌtoꞌ pîꞌ. Mîîkîrîya panamatoꞌ tîrîꞌpî tuꞌke iteka îꞌ yuꞌse aweꞌtoꞌkon yuwaꞌtî kureꞌne.

Snyderya taꞌpî nîrî, îꞌ yuꞌse aweꞌtoꞌ yapisîya pra wanîya, mîrîrî pî akarau eserîke pra man, mîrîrî yeꞌnen amîrî esenumenkatoꞌ inyakanmakî tiaron yuwaꞌkî mîrîrî yeꞌnen tiaron pî esenumenkakî.

Paapa Maimuya panton man mîrîrî itekare pî. Daviya Paapa yewîꞌ ton konekatoꞌpe. Tîîse Jeováya taꞌpî, mîrîrî konekaya pepîn, anmuya neken mîrîrî koneka, mîrîrî wenai Davi esewankonomasa pra man. Tîîse mîîkîrî esenumenkaꞌpî, uurîya ikuꞌpî pra wanî yeꞌnen unmuya ikuꞌpî, tîîse Paapa yewîꞌ ton konekatoꞌpe mîîkîrîya, mararî pra itemanne ton epereꞌpîiya.

Morî pe uurînîkon esenumenka eꞌpai man morîkon pî, îꞌ imakuiꞌpî pe uurînîkon esenumenkatoꞌ rumaka uurînîkonya, mîrîrî wenai, taatausinpai eꞌnî. Tîîse, uurînîkonya eraꞌma mararî pra eꞌtarumaꞌtînto man, mîrîrî yeꞌnen esenumenka: ‘morîkon naka iipî uurînîkonya inîmîkî manni? Oꞌnon yeꞌka pe pata pon kon pîîkaꞌtî eꞌpainon?’ Tiwinserî siꞌma morî pe pata koneka eserîke pra man. Sîrîrî pe pemonkonyamîꞌ man yareꞌ ton pra, mararî pra paran man, tiaronkon wîîꞌpî toꞌ man moropai samantantoꞌ nîrî man. Oꞌnon yeꞌka pe morîkon iipî nîmîkîꞌpî uurînîkon koꞌmamî, mararî pra imakuiꞌpî pe pata wanî tanne?

[Yekaton]

Esenyakamatoꞌ ton yuꞌse amîrî wanî manni, naka eporîya eꞌpainon?

[Yekaton]

Esaꞌpe tîwesen Davi esenumenkapîtîꞌpî morîkon esenyakamatoꞌ yuꞌse tîweꞌtoꞌ pî moropai morîkon pepîn eeyakamatoꞌpî nîrî.