1. Non eserentîkîꞌma

“Moropai pata eserentîkîꞌma kupî sîrîrî tiaron pata poro” — MATEUS 24:7.

● Winnie wanîꞌpî tiwin kono po kaisarî, îꞌ pensa non eserentîkîꞌma yai Haiti po. Mîîkîrî saꞌmantasaꞌ pra man, tîîse iyun moropai isan saꞌmantaꞌpî.

Îꞌ EꞌKUPÎ? Non eserentîkîꞌmaꞌpî meruntî ke Haiti pata po Janeiro (January) kapoi pîꞌ 2010 kono yai. Mîrîrî yai 300.000 kaisaronkon pemonkonyamîꞌ saꞌmantaꞌpî. Inîꞌ panpîꞌ 1.000.000 kaisarî pemonkonyamîꞌ enaꞌpî tewîꞌkon ton pra. Mîrîrî eꞌkupîꞌpî neken Haiti po? Kanne. Abril (April) kapoi pîꞌ 2009 kono yai moropai abril kapoi pîꞌ 2010 kono pîkîrî, 18 kaisarî non eserentîkîꞌmaꞌpî kureꞌne Pata poro.

Îꞌ TAA TIARONKONYA? Sîrîrîpe non eserentîkîꞌma pra man inîꞌrî tuꞌke iteꞌka; tîîse sîrîrîpe saꞌme pra wanî epuꞌtoꞌpe uurînîkonya îꞌ pensa non eserentîkîꞌma ya.

Îꞌ TAA TOꞌYA WANÎ YAIRON PE? Esenumenkatî: Paapa Maimuya taasaꞌ pra man non eserentîkîꞌma mararî pra tiwinanoꞌpî weiyukon yai. Tîîse taꞌpîiya: “Moropai pata eserentîkîꞌma kupî sîrîrî tiaron pata poro”. Mîrîrî eꞌkupî tiwinanoꞌpî weiyukon yai. — Mateus 24:7.

Îꞌ TAA PÎꞌ NAN? Non eserentîkîꞌmaꞌpî nai oꞌnon yeꞌka pe taa Paapa Maimuya manniꞌ panpe?

Inna taa tiaronkonya pra man mîrîrî pîꞌ anna koꞌmamî tiwinanoꞌpî weiyukon yai. Tîîse mîrîrî eꞌkupî taꞌpî Paapa Maimuya. Tiaron eraꞌmakî.

[Morî pe panpîꞌ]

“Pata pîꞌ esenupaꞌkoikonya mîrîrî eseꞌtî, kureꞌnan non eserentîkîꞌma manniꞌ pîꞌ. Tîîse pemonkonyamîꞌya eseꞌtî catástrofe pe (catastrophe) [Makusi pe taa îꞌ ekupîꞌ manniꞌ imakuiꞌpî pe]”. — KEN HUDNUT, PATA PÎꞌ ESENUPATOꞌPE PATAꞌSEꞌ, ESTADOS UNIDOS PO.

[Yekaton Crédito]

© William Daniels/Panos Pictures