2. Emiꞌnan

“Iwan wanî kupî sîrîrî kureꞌne pata kaisarîꞌne.” — MARCOS 13:8.

● Tiwin warayoꞌya pataꞌseꞌ yuwaꞌpî Quaratadji pataꞌseꞌ, Níger po. Tîpemonkonoyamîꞌ epaꞌkaꞌpî nîrî toꞌ pataꞌseꞌ patapai iwan pe toꞌ wanî yeꞌnen. Warayoꞌ wanîꞌpî non pona, tiwinsarî. Îꞌ waniꞌ awanî yeꞌnen? Tîpemonkonoyamîꞌ yekkari ton tîrî eserîke pra awanîꞌpî yeꞌnen. Mîrîrî yeꞌnen aweppesaꞌ awanîꞌpî tîpemonkonoyamîꞌ eraꞌmaiya eserîke pra.

Îꞌ EKUPÎ? Pata poro, tekkarikon ton pra pemonkonyamîꞌ man. Africa pataꞌseꞌ ta mîrîrî wanî ipîra panpîꞌ. Mîrîrî epuꞌtoꞌpe morî pe, esenumenkakî yun, san moropai more pîꞌ. Yare wanî neken saꞌkînankon tonpe. Anîꞌ entamoka neken? Yun? San? More? Mîrîrî imenka eꞌpai toꞌ wanî wei kaisarî.

Îꞌ TAA TIARONKONYA? Pata poro yarekon man tamîꞌnawîronkon tonpe. Tîîse, eꞌkaisarî ipantaka pra man tamîꞌnawîronkon pia.

Îꞌ TAA TOꞌYA WANÎ YAIRON PE? Sîrîrîpe, yarekon yarî pemonkonyamîꞌya epainon tiaron pataꞌseꞌkon ta. Mîrîrî wenai iwan tîꞌka pata esaꞌnonya eꞌpainon pata poro. Tîîse, tuꞌke kono tîpo, mîrîrî koneka eserîke pra toꞌ wanî.

Îꞌ TAA PÎꞌ NAN? Îꞌ taasaꞌ Marcos 13:8 ya eꞌkupî pîꞌ nai? Iwan eꞌkupî pîꞌ nai tamîꞌnawîrî Pata poro?

Iwan moropai non eserentîkîma wenai, mîrîrîya yenpo tiaronkon eꞌtarumaꞌtîntoꞌkon eꞌkupî moropai Paapa Maimuya taꞌpî mîrîrîkon eꞌkupî tiwinanoꞌpî weiyukon yai.

[Morî pe panpîꞌ]

“Tuꞌke moreyamîꞌ saꞌmantan pîꞌ man ipîra aton pîꞌ, nuwaasuꞌ pîꞌ moropai tiaronkon paran pîꞌ. Toꞌ saꞌmantaꞌpî pîn eꞌpainon iwan pe toꞌ esaꞌ pra wanîꞌ ya.” — ANN M. VENEMAN, ESENYAKAꞌMAPÎTÎꞌPÎ MOREYAMÎꞌ PÎIKAꞌTÎTOꞌPE ONU WENAI.

[Yekaton Crédito]

© Paul Lowe/Panos Pictures