4. Saꞌnamatoꞌ ton pra

“Saꞌme awanîꞌ maasa pra tonpakon saꞌnamatoꞌ ton pra toꞌ wanî.” — 2 TIMÓTEO 3:1-3.

● Chris komankoi Gales pataꞌseꞌ ta. Mîîkîrîya pemonkonyamîꞌ pîikaꞌtî tewîꞌ tawonkonya toꞌ paꞌtî yeꞌnen. “Wîriya anna yuwaꞌpî, mîîkîrî pîꞌ uurî enpanataꞌpî. Mîîkîrî paꞌtîpîtîꞌpî toꞌya ipîra” taꞌpî Chrisya. “Tiaronkon wîrisanꞌyamîꞌ esewankonoꞌma, mîrîrî yeꞌnen amîrî eraꞌma eserîke pra toꞌ wanî.”

Îꞌ EꞌKUPÎ? África pataꞌseꞌ ta imakuiꞌsan warayoꞌkonya esenîtoꞌ kupî wîrisanꞌyamîꞌ yarakkîrî more pe toꞌ wanî tanne. Mîrîrî eꞌkupî tuꞌkankon wîriꞌsanyamîꞌ pîꞌ moroni. Moroni nîrî, warayoꞌkonya tînoꞌpîkon paꞌtîpîtî nîrî, îꞌ wani pra man taa toꞌya. Tîîse mîrîrî eꞌkupî pra man wîrisanꞌyamîꞌ yarakkîrî neken. Canadá pataꞌseꞌ ta, wîrisanꞌyamîꞌya tinyokon paꞌtîpîtîꞌpî pîꞌ man.

Îꞌ TAA TIARONKONYA? Mîrîrî eꞌkupîꞌpî pena patapai. Sîrîrîpe pemonkonyamîꞌ eseurîma pîꞌ man inîꞌ panpîꞌ mîrîrî pîꞌ.

Îꞌ TAA TOꞌYA WANÎ YAIRON PE? Sîrîrîpe yairon pe pemonkonyamîꞌ eseurîma pîꞌ man inîꞌ panpîꞌ mîrîrî pîꞌ. Mîrîrî enaꞌpî mare panpîꞌ? Kanne. Sîrîrîpe saꞌme man saꞌnamatoꞌ yenpotoꞌpe pemonkonyamîꞌya tiaronkon pîꞌ.

Îꞌ TAA PÎꞌ NAN? Îꞌ taasaꞌ 2 Timóteo 3:1-3 ya eꞌkupî eraꞌma pîꞌ nan? Sîrîrîpe saꞌnamatoꞌ yenpo pemonkonyamîꞌya pra man itewîꞌ tawonkon pîꞌ.

Paapa Maimuya taꞌpî man îꞌ eꞌkupî Pata pîꞌ. Îꞌ taa Paapa Maimuya mîrîrî pîꞌ eraꞌmakî.

[Morî pe panpîꞌ]

“Imakuiꞌpî eꞌkupî pîꞌ man toꞌ yewîꞌ ta, mîrîrî pîꞌ pemonkonyamîꞌ eseurîma pra man. Wîriya surara yuwa, îꞌ pensa tînyoya ipaꞌtîpîꞌsaꞌ ya tuꞌke iteꞌka. — TAꞌPÎ TÎWEꞌTARUMAꞌTÎSANON IPÎIKAꞌTÎNENYA PAÍS DE GALES PATAꞌSEꞌ PON YA.