6. Paapa maimu esekareme pata poro
6. Paapa maimu esekareme pata poro
“Tamîꞌnawîronkon pemonkonyamîꞌya eta kupî sîrîrî uyekare pîꞌ.” — MATEUS 24:14.
● Vaiatea koꞌmantoꞌ wanî aminke moropai saꞌme mîîkîrî erepantoꞌpe moroni, mararî pemonkonyamîꞌ koꞌmamî moroni, 16.000 kaisaronkon. Aminke koꞌmankoi mîîkîrî, tîîse Jeová Maimu Ekaremenenan wîtîꞌpî iipia. Îꞌ waniꞌ awanî yeꞌnen? Paapa Maimu ekaremekî yuꞌse toꞌ wanî yeꞌnen, tamîꞌnawîronkon pemonkonyamîꞌ pîꞌ, oꞌnon pata toꞌ koꞌmamî tanne.
Îꞌ EꞌKUPÎ? Paapa Maimu esekaremekî pîꞌ man tamîꞌnawîrî pata poro. 2010 kono yai, Jeová Maimu Ekaremenenanya Paapa Maimu ekaremekîꞌpî 236 pataꞌseꞌkon ta. Mîrîrî konekaꞌpî toꞌya 1,6 bilhão horas kaisarî. 10 kono kaisarî, 20 bilhões kaisarî kaaretakon konekaꞌpî toꞌya Paapa Maimu yapai.
Îꞌ TAA TIARONKONYA? Paapa Maimu ekaremekîꞌpî pemonkonyamîꞌ man pena patapai.
Îꞌ TAA TOꞌYA WANÎ YAIRON PE? Inna, yairon pe tuꞌkankonya Paapa Maimu ekaremekîꞌpî man. Tîîse toꞌ koꞌmansaꞌ pra man Paapa Maimu ekaremeꞌtoꞌ pîꞌ, toꞌ mîꞌpannîpîꞌpî. Moropai mararî pataꞌseꞌkon ta Paapa Maimu ekaremekîꞌpî toꞌya nîrî. Tîîse Jeová Maimu Ekaremenenya Paapa Maimu ekaremekî pîꞌ man tamîꞌnawîrî Pata poro tuꞌke pemonkonyamîꞌ pia. Tiaronkon omaꞌta tanne toꞌ pîꞌ, Paapa Maimu ekaremekî pîꞌ toꞌ koꞌmamî pîꞌ man teesetaꞌkai pra. * (Marcos 13:13) Anîꞌya Jeová Maimu Ekaremenenan yeꞌma pra man Paapa Maimu ekaremetoꞌpe toꞌya. Mîrîrî kupî yuꞌse toꞌ wanî yeꞌnen moropai Paapa kaaretakon tîrî toꞌya pemonkonyamîꞌ pia temai pra.
Îꞌ TAA PÎꞌ NAN? Paapa Maimu esekaremekî pîꞌ nai tamîꞌnawîrî Pata poro? Paapaya mîrîrî eꞌkupî taꞌpî. Mîrîrîya naka yenpo morîkon iipî amenrî?
[Imenukasaꞌ itoko eraꞌmakî - nota]
^ Inîꞌ panpîꞌ epuꞌtîpa, pantonkon eraꞌmakî: “Fiéis sob Provas”, “Triângulos Roxos” moropai “As Testemunhas de Jeová Resistem ao Ataque Nazista” Jeová Maimu Ekaremenenanya ikonekaꞌpî. (Karaiwa pe wanî)
[Morî pe panpîꞌ]
“Paapa Maimu ekaremekîꞌpî anna koꞌmamî ituꞌse Paapa wanî tanne, tamîꞌnawîrî yenkama annaya pemonkonyamîꞌ yarakkîrî eseurîmatoꞌpe.” — ANUÁRIO DAS TESTEMUNHAS DE JEOVÁ DE 2010.