Uurînîkon eꞌtarumaꞌtîntoꞌ esuwaꞌka manniꞌ sîrîrîpe, mîrîrîya yenpo morîkon iipî

“Maasa panpîꞌ Jesus iiꞌtoꞌ winîkîi saꞌme puꞌkuru awanî pe man mîrîrî yai.” — 2 TIMÓTEO 3:1.

AMÎRÎYA mîrîrîkon iwaꞌkaꞌpî pîꞌ? Aasarî mîrîrîkon eraꞌmaꞌpîya?

● Paranya tuꞌke pemonkonyamîꞌ iwîꞌ.

● Pemonkonyamîꞌ saꞌmanta iwan pe toꞌ wanî yeꞌnen.

● Non eserentîkîma mîrîrîya tuꞌke pemonkonyamîꞌ iwîꞌ pîꞌ man, mîrîrîya itewîꞌkon ton pra tiaronkon ena.

Seeniꞌ kaareta eraꞌmaya îꞌ tonpe morî pe wanîꞌ esenumenka, Pata poro îꞌ kon eꞌkupî. Aasarî eraꞌmaꞌpîya Paapa Maimuya taꞌpî mîrîrîkon eꞌkupî tiwinanoꞌpî weiyu yai. *

Epuꞌtî pîꞌ amîrî man mararî eꞌtarumaꞌtîntoꞌ man sîrîrîpe. Tîîse, seeniꞌ kaareta ikonekasaꞌ mîrîrî, morîkon inîmîkîtoꞌpe amîrîya Paapa piapai. Moropai mîrîrîya yenpo 6 kaisarî îꞌ taasaꞌ Paapa Maimuya manniꞌ mîrîrî eꞌkupî eraꞌma pîꞌ uurînîkon man sîrîrîpe. Mîrîrîya yenpo amenrî tamîꞌnawîrî eꞌtarumaꞌtîntoꞌ eꞌtîꞌka. Eraꞌma uurînîkonya nîrî îꞌ taa tiaronkonya mîrîrî pîꞌ moropai îꞌ waniꞌ awanî yeꞌnen inna taa eꞌpai uurînîkon wanî morîkon iipî manniꞌ pîꞌ amenrî.

[Imenukasaꞌ itoko eraꞌmakî - nota]