Inna. Paapa esewankonoꞌma îꞌ pensa priꞌya pra apoitîrî enaꞌ ya. Paapa Maimuya taꞌpî man: Jeováya priꞌya pra tîweꞌsanon pîikaꞌtî. (Salmo 41:3) Îꞌ pensa yepi ton pîn pran pî wanî ya, Paapa Maimuya apîikaꞌtî. Paapa Maimuya apîikaꞌtî itepi ton pîn pran yapîtanîtoꞌpe amîrîya:

1.   Ameruntîri ton esaꞌkî epîrematoꞌ wenai. Tîwanmîn yapisîya Paapaya itîrî wenai. Mîrîrîya apîikaꞌtî esewankonoꞌma namai moropai mîrîrî yapîtanîꞌpîya. — Filipenses 4:6, 7.

2.   Yairî tausinpai eꞌkî. Paapa Maimuya taa: “Tausinpantoꞌ wenai priꞌya eꞌnî; esewankonoꞌmaya aꞌtuꞌmîra ena.” (Provérbios 17:22, TNM) Taatausinpai awanîpa esenupakî, mîrîrîya morî pe priꞌya amîrî koneka.

3.   Innape meruntî ke enakî. Senni inîmîkîya manni wenai, taatausinpai awanî, maasa paran pî wanî tanne. (Romanos 12:12) Paapa Maimuya taꞌpî man, inîꞌrî tiwin kin pemonkonyamîꞌ ena rîn priꞌya pra. (Isa. 33:24) Paapaya tamîꞌnawîrî paran yaretîꞌka, ciênciaya (science) mîrîrî koneka eserîke pra man. Esenumenkakî: Paapa Maimuya taꞌpî man inîꞌrî maasaron pe pemonkonyamîꞌ ena. Amîrî piꞌpî ena amenan pe maasaron piꞌpî yeꞌka pe, meruntî ke amîrî ena. — Jó 33:25.

 Eraꞌmakî: Paapa Jeováya tîpemonkonoyamîꞌ pîikaꞌtî, tîîse îꞌ pensa priꞌya pra Jeová ekaremeꞌnenan wanî ya, Doutor (Doctor) yarakkîrî toꞌ eseurîma. (Marcos 2:17) Annaya inkomoro yarima pra man Doutor pia, inkamoro esenumenka Doutor yuwatoꞌpe toꞌya.