Banu babangi bamona cilindakano kupwa cimweso ca bulombelo bwa baka-Kilistu. Nameme Bakaleho ba Yehova bapwa baka-Kilistu, kubesi kupangesa cilindakano mu kulemesa Njambi. Mwafwa bika?

 Mbimbiliya imwesa ngwayo Yesu katsililile ha cilindakano, oloni watsililile ha citi. Co lalo Mbimbiliya inanangula baka-Kilistu ngwayo: “Linyungeni yeni babenya na kutunda ku binjambi ba makuli.” Oku kunambateselela na kujeneka kupangesa cilindakano mu kulemesa Njambi.—1 Kolinte 10:14; 1 Yowano 5:21.

 Kutundaho, Yesu wendekele ngwendi: “Nga mulizema umo na mukwabo, asinoni boshe bakazibuka ngeci mu bandongesi bange.” (Yowano 13:34, 35) Yesu mwendekele awa majwi wamwesele ngwendi cizemo ca kutundilila kwisi ya mbunge cikeco cimwesa baje bapwa bandongesi bendi ba busunga, keti cilindakano nambe cimweso coshe-coshe.