TWALELELENIHO KUTONA!
2022: Mwaka wa Bishoti—Bika Biyendeka Mbimbiliya?
Mu mwaka wa 2022, tunazibi manene mizimbu ya binzita, kujeneka kukala na bimbongo bya kupwamo na bukalu bukwabo bwa kulizila. Mbimbiliya ikeyo lika inalumbununa mwamubwa bibimanena ebi byuma.
Byuma binalingiwa mu 2022 bimwesa bika?
Byuma binalingiwa mwakawali bimwesa ngwabyo tuli na kuyoya mu matangwa abanendeka mu Mbimbiliya ngwabo “matangwa a mamaneselelo.” (2 Timothi 3:1) Awa matangwa ashangumukile mu mwaka wa 1914. Moneni biyendekele Mbimbiliya ha byuma bili na kulingiwa ano matangwa?
“binzita.”—Mateu 24:6.
“Mu Mwaka wa 2022, mu Europe Mwakatukile Lalo Nzita.” a
Taleni ñanda ya “Lifuti lya Russia Lilwisa Lifuti lya Ukraine.”
“Byakulya bikapwa byabindondo.”—Mateu 24:7.
Mu Mwaka wa 2022, Kunakala Njala Yakama.” b
Taleni ñanda ya “Nzita Ili mu Ukraine Inalingisa Byakulya mu Kaye Bikehe Manene.”
“Mishongo ya kulitambwisa.”—Luka 21:11.
Mushongo wa polio uneluka lalo, co lalo kuneja mushongo wa monkeypox, hamolika na mushongo wa COVID-19 uje ucili na kutwalelelaho kuyandesa banu. Co ei mishongo ya kulitambwisa inatwalelelaho kwaka buyoye bwa banu mu bushonde.” c
Taleni ñanda ya “Mushongo wa COVID Unatsii Banu ba Kutubakana 6 Milyoni.”
“Kukasholoka byuma bya kutewesa.”—Luka 21:11.
“Banu kubakebala binalingiwa mu 2022 mwafwa kunashalukile manene, kunakele lilanga, tuhya twa kulishukumina lika na libazi. Kunakele lalo nyonzi yaingi, lihunzi, hamolika na kutonola. Co ebi byuma binatsii banu babangi na kulingisa bamo bajalukile kweka.” d
Taleni ñanda ya “Kushaluka Kunalibwezelela Manene mu Kaye Koshe.”
“Mpindangano.”—Luka 21:9.
“Kujeneka kukala na bimbongo bya kupwamo kwalingisile banu balubale na kutengulukila bifulumende. Ebi byuma binalingiwa manene mu mwaka wa 2022.” e
Taleni ñanda ya “Liteko Lisweli Kupahama Hahulu Mwa Lifasi Kaufela.”
Bika bilingiwa mu mwaka wa 2023?
Kutuzibuka mwamubwa bilingiwa mu 2023. Oloni tuzibuka ngwetu Bumwene bwa Njambi nambe ngwetu fulumende ya mwilu, ololo imanesa bukalu bwoshe bubali na kuliwana nabwo banu. (Ndanyele 2:44) Obu Bumwene bukamanesa byuma bili na kuyandesa banu na kulingisa cizango ca Njambi cilingiwe hano hasi.—Mateu 6:9, 10.
Yesu Kristu wendekele ngwendi, “Twaleleleniho kutona.” Ngeci, tumishongangeya ngwetu mukabangeye majwi endekele na kumona byuma bili na kulingiwa mu kaye mubili na kushulisilila bupolofweto buli mu Mbimbiliya. (Maki 13:37) Nga mushaka kumona muyasa kumikwasela Mbimbiliya hamolika na naanga yeni ha simbu ino na kumikwasa kukala na lilabelelo lya byuma byabibwa bija kulutwe, mwasa kusimutwiya netu.
a “Mu Mwaka wa 2022, mu Europe Mwakatukile Lalo Nzita, kwesekesa na muzimbu wa AP News, uje wanasonekele Jill Lawless, ha December 8, 2022.”
b Muzimbu wa baka-World Food Programme, “Kukeha kwa Byakulya mu Kaye.”
c Muzimbu wa baka-JAMA Health Forum uje wanasonekele Lawrence O. Gostin, JD ha September 22, 2022 ngwawo, “Tuli na Kuyoya mu Simbu Ikuli Manene Mishongo ya Kulitambwisa—Kunakala Mushongo wa COVID-19, Mushongo wa Monkeypox, Polio, na Mishongo Ikwabo.”
d Muzimbu wa Earth.Org wanasonekele Martina Igini, ha October 24, 2022: “Bika Binalingisa Kushaluka Kulibwezelele Manene mu Kaye mu 2022?”
e Muzimbu wa baka-Endowment for International Peace wanasonekele Thomas Carothers na Benjamin Feldman, ha December 8, 2022: “Kukeha kwa Bimbongo mu 2022, Kunalingisa Banu Batengulukile Bifulemende.”
Hamo Mushaka Lalo Ebi
KAPOSHI KA KUKENGELA
Ololo Njambi Amanesa Tuyando Twoshe
Tuzibuka bati ngwetu Njambi ololo amanesa bubi na tuyando twoshe?
BYETU BAKALEHO BA YEHOVA
Lombeni Chilongetha cha Mbimbiliya
Lilongetheni vilongetha vya mu Mbimbiliya ha thimbu na mwela umushaka yeni vavenya.
