Banu babandondo lika bali na kulinga byuma mu ngila inapande. Baka-kubinja bakayalumukila bandotolo, baka-kulya ku restranti bakatenukila banu baka-kubana byakulya, banu ba bilinga byabibi baje bakalondo fulai bakapupu banu bakapangela mu fulai, banike ba buka bakashendumuna balongesi babo, kubajujwisa na kubapupa, co baka-bupolitiki bamo bakalikobelesa mu bilinga bya bukenya, bakwaboco bakalimwesa ngwabo bakebo bali na bilinga byabibwa.

 Mbimbiliya ikeyo lika yasa kukwasa munu kukala na bilinga byabibwa. Inalumbununa lalo binalingisa banu bakale na bilinga byabibi ano matangwa.

 Kulinga byuma mu ngila inapande kuli na kutepuluka mu kaye koshe.

•   Banu ba ku American banetesele biyongola byabo ngwabo kulinga byuma mu ngila inapande kunatepuluka manene mu United States kutubaka mukwafwililile myaka 22 kunima.

•   Baka-kutondesesa bakwabo bakutubakana 32,000 ba mu mafuti a kupwa 28, banawana ngwabo 65 pesenti ya banu kubesi na kulinga byuma mu ngila inapande, co ei lingisi ya byuma inalibwezelela manene kutubana kunima.

 Mbimbiliya yapolofwetele cimweja byuma bili na kulingiwa ano matangwa.

•   “Mu matangwa a mamaneselelo byuma bikakaluwa na kutewesa. Banu bakapwa baka-kulizema bakebo babenya, baka-kuzema bimbongo, baka-kulishasha, baka-kulyalesa, baka-kushaula, baka-kujeneka kwononoka bisemi, baka-kujeneka kukandelela . . . , bakujeneka kulongwa, [na] baka-kubyana kulitabasana na bakwabo.”—2 Timothi 3:1-3.

 Nga mushaka kuzibuka byabingi kutalesa kuli obu bupolofweto buli na kulishulisilila ano matangwa, co tandeni ñanda ya mu Ingilishi ya “Did the Bible Predict the Way People Think and Act Today?”

 Mu mafuti mubali na kulingako byuma mu ngila inapande, banu babangi banalimwena ngwabo Mbimbiliya ikeyo lika ili na kubakwasa. Ngeci mashiko alimo “twasa kuwakulahela simbu yoshe, ha simbu ino na ku myaka yoshe.” (Bisamu 111:8) Taleni byakumwenako binatako:

•   Biyendeka Mbimbiliya: “Byuma byoshe bimushaka ngweni bakweni bamilingile, neni balingilenibyo.”—Mateu 7:12.

   Bicilumbununa cisoneka: Tunapande kulinga mwamubwa bakwetu ngwe mutushakela ngwetu nabo batulingemo.

•   Biyendeka Mbimbiliya: “Ha kuwana ngwe munombila kuti makuli, umo na umo weni endeke busunga kuli umo na mukwabo.”—Efeso 4:25.

   Bicilumbununa cisoneka: Tunapande kupwa baka-busunga mu byuma bitwendeka nebi bitulinga.

 Nga mushaka kuzibuka byabingi ha ñanda ei tandeni:

•   Kaposhi ka Kukengela ka kulilongesa ka mutwa wa “Bika Byasa Kumikwasa Kwangununa Byabibwa ku Byabibi?”

•   Ñanda ya Ingilishi ya mutwe wa “Tolerance—How the Bible Can Help.”