“Kuhwa kwa mushongo wa COVID-19 kukulumbununa ngwabo kukwesi lalo mushongo weka wasa kwija.. . . Ngeci, tunapande kulibwahesela cimweja byakulinga nga kukatuka mushongo weka.”—Dr. Tedros Adhanom Ghebreyesus, mukulunu wa Munga Itala bya Bukangule bwa Banu mu Kaye (World Health Organization), May 22, 2023.

 Mushongo wa COVID-19 unalingisa banu babangi bajeneke kulikangula mwamubwa ku mubila na kunena mishongo yaingi ya ku bwongo. Kuma bifulumende na baka-kutala bya bukangule bwa banu banalibwahesela byakulinga nga kukatuka mushongo wa kulitambwisa ndi? Co kuma basa kumanesa bukalu bunaija mwafwa ya mishongo ndi?

 Mbimbiliya inendeka bya fulumende ije ikanena bukangule bwa bubwa buje bubatonda banu. Inendeka ngwayo, “Njambi wa mwilu akaka bumwene [nambe fulumende] buje kubukahu.” (Ndanyele 2:44) Ei fulumende muikayula, ‘naumo wahi lalo uje akayoya mu lifuti akendeka ngwendi: ‘Njili na kubinja.’’ (Isaya 33:24) Banu boshe bakakala na mibila ya kulikangula, co bakakala na nzili ngwe mubafwile ku bukwenje.—Yombi 33:25.