•   “Mu United States, bakwenje na bambanda babangi bakalizibi buli.”—Mukulunu wa ba Ndotolo Baka-kutabula na Kukwasa Banu Bapangele Hamo wa ku United States ngwendi: Banu babangi bakalizibi buli na kushaka kukala kwa likalyabo. Muzimbu wa mu 2023.

•   “Munga Itala bya Bukangule bwa Banu mu Kaye (World Health Organization) inatambekele ngwayo inana cipangi ku cibunga cimo cije citondesesa manene bya bukalu butunda mu kuliziba buli na kushongangeya banu balikute busamba na bakwabo na kuwana bingila byeka byabibwa bya mwa kumanesela buli nameme mu mafuti muje muli buhutu manene.”—Muzimbu wa World Health Organization, wa lya November 15, 2023.

 Mbimbiliya inendeka ha byuma byasa kutukwasa tulikute busamba na bakwetu mangana keti tulizibe buli.

 Tepululeni ku byuma byasa kumyangununa ku bakweni. Ebi binambateselela kupangesa manene intaneti mu kutubakanesa. Ngeci, kutubakana kupangesa manene intaneti waneniko simbu ya kusikama na bakweni, co kulinga ngoco kumikwasa muwane babusamba ba busunga.

•   Cinangulo ca mu Mbimbiliya: “Kabusamba wa busunga amwesa cizemo simbu yoshe, Co napu ndolome uje iwasa kukulahela nga kuli bukalu.”—Provebia 17:17.

 Waneni bingila bya mwa kukwasela bakweni. Kulingila bakwetu byuma byabibwa kukukanyamesa lika busamba bwetu nabo, oloni kutulingisa tupwe ba kubwahelela.

•   Cinangulo ca mu Mbimbiliya: “Mu kwana muli kubwahelela kwakama kutubana mu kutambula.”—Bilinga 20:35.

 Tondeni byabingi ha webusaiti yetu nga mushaka kuwana bukwasi bwa mu Mbimbiliya bwa mwa kuwanena babusamba bababwa.