Banu babangi bakalizibi buli, co bakalizibi ngwabo kubasa kukala na babusamba. Baka-kulilongesa bya bukangule bwa banu banawana ngwabo kukwasa bakwetu kutukwasa keti tulizibe manene buli.

•   “Kukwasa bakwetu bali mu bujene kutukwasa keti tulizibe buli na kuliziba ngwetu kutwasa kulikuta busamba na bakwetu.”—Munga Itala bya Bukangule bwa Banu ku America.

 Mbimbiliya inatuleke bitwasa kulinga mangana tukwase bakwetu. Kupangesa biinendeka kwasa kutukwasa keti tulizibe buli.

 Pweni baka-kwana. Waneni simbu ya kusimutwiya na bakweni maneneni mesho na mesho. Aneniko bakweni bimuli nabyo. Bakweni bakandelelako manene nga mulinga ngoco, co lalo mupwa babusamba.

•   Cinangulo ca mu Mbimbiliya: “Twaleleleniho kwana, co neni banu bakamyana.”—Luka 6:38.

 Pangeseni nzili yeni mu kukwasa bakweni. Waneni bingila bya kukwaselamo banu bali mu bukalu. Oku kunambateselela kubatolilila mwamubwa omwo bendeka na kulyana kubakwasako mu bipangi bimo.

•   Cinangulo ca mu Mbimbiliya: “Kabusamba wa busunga amwesa cizemo simbu yoshe.”—Provebia 17:17, Mbimbiliya ya Kaye Kakaha.

 Nga mushaka kuzibuka byabingi ha mwakukela na busamba bwabubwa na bakweni, tandeni ñanda ya “Kutumbama Mwamubwa na Bakwetu.”