TWALELELENIHO KUTONA!
Kupilula Mata ha Masikola—Bika Biyendeka Mbimbiliya?
Lya May 24, 2022, kwalingiwile cuma cacibi manene mu mbongi yaindondo ya Uvalde, mu Texas, mu America. Lipapelo lya mizimbu lya The New York Times ngwalyo, “cikenya umo napilwile buta na kutsiya banike 19 na balongesi babali . . . ha sikola ya Robb Elementary School.”
Calubinda, ebi byuma byabibi manene ngacije bili na kulingiwa kushwa kumo. Lipapelo lya mizimbu lya USA Today ngwalyo mu America “mwakawali, bikenya banapilwile mata ha masikola ha bisimbu 249. Co ei ikeyo nambala yakama manene kutunda mu 1970.”
Mwafwa bika ebi byuma byabibi ngacije bikalingiwa? Bika bitukwasa kukolesa mu byuma byabibi ngacije? Kuma bukenya tangwa bukahwa ndi? Mbimbiliya inakumbulula ebi bihula.
Mwafwa bika bukenya buli na kulibwezelela mu kaye?
Mbimbiliya ngwayo tuli na kuyoya mu “matangwa a kukotoka” muje munashulu banu baje ‘balizema bakebo babenya’ na “kukenyuka,” co bali na kulinga byuma byabibi manene. Banu ba cifweci bali na kutwalelelaho “kulinga bubi manene.” (2 Timateo 3:1-5, 13) Nga mushaka kuzibuka byabingi, tandeni ñanda ya “Did the Bible Predict the Way People Think and Act Today?”
Banu babangi bakalihula ngwabo, ‘Mwafwa bika Njambi kesi kwonowesa byuma byabibi bya kufwa ngwe kupilula mata ha masikola?’ Nga mushaka kuwana cikumbululo ca mu Mbimbiliya, tandeni ñanda ya “Ki Kabakalañi Lika Zemaswe Haliezahalanga Kwa Batu Babande?”
Bika bitukwasa kukolesa mu byuma byabibi ngacije?
‘Byuma byoshe bibasonekele mu Bisoneka babisonekele mu kutulongesa, ngeci tukale na lilabelelo.’—Loma 15:4.
Binangulo bya mu Mbimbiliya byasa kumikwasa kukolesa muno mu kaye munashulu bukenya. Nga mushaka kuzibuka byabingi, tandeni Toneni! ya mutwe wa “Kana Mifilifili Ikafela Muta Omuñwi?”
Nga mushaka kuzibuka bibasa kulinga bisemi mangana bakwase bana babo kukolesa nameme bali na kuziba na kumona byuma byabibi mu mizimbu, tandeni ñanda ya “Disturbing News Reports and Your Children.”
Kuma bukenya tangwa bukahwa ndi?
“Ikeye abamena kuli baka-muuka, na kuli baka-kubalinga mwamubi.”—Myaso 72:14.
“Bakafula mikwale yabo kupwa matemo, na makunga kupwa bimoko bya kunongesa miti. Miyati ya banu kubakalilwisa umo na mukwabo, co kubakalilongesa kulwa nzita lalo embwe.”—Mika 4:3.
Njambi akalinga bibanonowa kulinga banu. Bumwene bwendi buje bwapwa fulumende ya mwilu, bukamanesa bitwa byoshe bya nzita na kumanesa bukenya. Nga mushaka kuzibuka byabingi ha byuma bibukalinga Bumwene bwa Njambi, tandeni ñanda ya “Mu Bumwene bwa Njambi Mukakala ‘Kwoloka Simbu Yoshe.’”
