Lyamucitanu, February 24, 2023, hakeho hainapwisila mwaka nzita ili mu Ukraine. Kwesekesa na mizimbu imo, maswalale ba Ukraine na Russia ba kweta ku 300,000 banabetwa nambe kutsa. Co banu ba kweta ku 30,000 banatsi. Nameme ngoco, banu banabetwa nambe kutsa banasa kutubakana totala ibanendeka omu mu mizimbu.

 Calubinda, cisholoka ngwe ei nzita kuihu bwasi.

•   Ha February 19, 2023, Baka-National Public Radio (NPR) bendekele ngwabo: “Kunetyoni mwaka kutunda habashangumukilile maswalale ba Russia kulwisa lifuti lya Ukraine. Co kukwesi bimwesa ngwabyo ei nzita ololo ihwa. Kukwesi mutamba umoneka ngwawo wasa kuhyana ei nzita, co lalo kukwesi bibali na kusimutwiya mangana bawisile kumo na kumanesa ei nzita.”

 Banu babangi bali mu bishoti mwafwa ya bukalu na kayando kainanene ei nzita na binzita bikwabo bibali na kumona banu ba kujeneka mulonga mu mitambela ya kuliseza-seza ya kaye. Mbimbiliya ikwasa bati banu bakale na lilabelelo? Kuma kuli simbu ibakakala banu kwa kujeneka nzita kulutwe ndi?

 Mbimbiliya inendeka bya nzita ije ikobola banu. Ei nzita banaitumbula ngwabo Amagidoni. Co banayendeka ngwabo inapu “nzita ya litangwa lyakama lya Njambi Muka-nzili Yoshe.” (Kujombolola 16:14, 16) Njambi akapangesa ei nzita mu kunyongesa bifulumende byoshe bya banu bije binayandesa banu babangi kwitila mu kulwa binzita. Nga mushaka kuzibuka Amagidoni muikanenela kwoloka kwa myaka yoshe, tandeni biñanda binatako:

•   “Nzita ya Alamagidoni Yapwa Ika?”

•   “Twabandamena Kwija kwa Alamagidoni”