Mwasa kukumbulula bihula binatundu mu Tuposhi twa Kukengela twa mu 2019 ndi?

Njambi walumbunwine bika mwakulahesele ngwendi: “Kukwesi citwa cikasa kumibulumuna”? (Isaya 54:17)

Twakulahela ngwetu Njambi akatunyungilila kuli “baka-muka.” (Isaya 25:4, 5) Bitozi betu kubasa kutwonowesa kupangela Yehova.—w19.01, lipu 6-7.

Byuma byalingile Njambi hali Bakanana na Baisalele baje bakele na bilinga byabibi, byamwesele bati ngwabyo wapwa muka-kwakula mwamubwa?

Njambi wasompele baje balingile bukwizi na baje bayandesele banakazi na banike. Wabezikisile baje bononokele kuli ikeye na kulinga bakwabo mwamubwa.—w19.02, lipu 22-23.

Bika bitunapande kulinga nga uje kakulahelele alombela?

Twasa kwoloka na kumwesa kasingimiko. Kutwapandele kwendeka ameni nambe kulikwata nabo ku maboko. Tunasa kulombela mu mbunge.—w19.03, lipu 31.

Bika bitwendekela ngwetu kulinga bukwizi na banike wapwa mulonga wakama?

Uje alinga bukwizi na mwanike nalingi mulonga kuli mwanike, ku cikungulukilo, ku fulumende na kuli Njambi. Mu mafuti muje muli mashiko a kuleka baka-fulumende nga kuli umo nalingi bukwizi na mwanike, bakulunu banapande kuwononoka.—w19.05, lipu 9-10.

Twasa kutengulula bati mbunge yetu na bisinganyeka byetu?

Lombeni kuli Yehova. Liluleni mangana mumone bimunapande kutengulula mu kuyoya kweni. Anguleni babusamba bababwa.—w19.06, lipu 11.

Bika bitunapande kulinga mangana tulibwahesele kutuyandesa?

Tunapande kukanyamesa busamba bwetu na Yehova. Tuzibukeni ngwetu watuzema, co kasa kutuseza embwe. Tutandeni Mbimbiliya ha litangwa na litangwa na kulombela simbu yoshe. Tukulaheleni ngwetu bikulaheso bya Njambi bikalishulisilila. Tukwateni mikanda na myaso ya Bumwene itwashaka mu mutwe.—w19.07, lipu 2-4.

Bika bitunapande kulinga mangana tukwase babushoko bwetu bakoboke?

Tubazibileni mema ku mbunge, tukaleni na bilinga byabibwa, tukaleni na mbunge ya kubandamena, co twendekeni nabo mwamubwa.—w19.08, lipu 15-17.

Tuwana bati kuhwima ngwe mwakulahesele Yesu ku Mateo 11:28?

Tuli na baka-kututwamenena bababwa, babusamba bababwa na cipangi cacibwa.—w19.09, lipu 23.

Njambi asa kutwana bati cizango na nzili ya kupanga? (Fili 2:13)

Nga tutanda Lijwi lya Njambi na kusinganyekesesaho, Njambi atutakamesa, atwana nzili ya kulinga cizango cendi. Sipilitu yendi yasa kwindula cashu cetu.—w19.10, lipu 21.

Bika bitunapande kulinga simbu kanda twangule byakulinga?

Byuma bitanu. Tutondeseseni mwamubwa. Tulombeni mana. Twiluleni byuma bitushongangeya tulinge cuma. Tukaleni na cinoneko. Tuzibukeni hayalenga nzili yetu.—w19.11, lipu 27-29.

Kuma cilongesa ca mwonyo kuwesi kutsa catunda hali bije byendekele Satana kuli Eva ndi?

Kukusholoka ngoco. Satana walekele Eva ngwendi kakatsi lalo. Bulombelo bwoshe bwa makuli bwanyongele ha Libazi. Cilongesa ca mwonyo kuwesi kutsa hamo mucashangumukile, Njambi te kanda ashandangane baje bakele na kutunga kaposhi ka ku Mbambilone.—w19.12, lipu 15.