Kuma munatanda mwamubwa Tuposhi twa Kukengela tunatuhuka uno mwaka ndi? Nga mukemwo, co tumoneni indi mwasa kukumbulula bihula binatako:

Kuma mwamona banakazi ngwe mwakabamwena Yehova ndi?

Yehova wamona banakazi kupwa ba seho, co kesi kumwesa kangu mukati ka banalume na banakazi. Njambi akatolilila mwamubwa banakazi, co akaka mbunge ku biyongola byabo nomu mubakalizibila. Co nakulahela ngwendi basa kulinga mwamubwa cipangi cendi.—w24.01, lipu. 15-16.

Twasa kupangesa bati mukanda wa Efeso 5:7, uje wendeka ngwawo: “Keti mulikwatasane nabo”?

Kapositolo Paulu watunangwile ngwendi keti tulikwatasane na banu baje basa kutulingisa kutupwile kwakukalu kukabangeya binangulo bya Njambi. Aba banu banambateselela na banu baje batukasikama nabo na batukasimutwiya nabo ha intaneti.—w24.03, lipu. 22-23.

Tunapande kulinyungilila ku mizimbu muka ya makuli?

Tunapande kunyanyama na mizimbu ije kuyesi na bukaleho ije itunda kuli babusamba betu na mizimbu ije itundilila ku banu baje kutuzibuka na kuli baka-kutengulukila baje bakamwesa ngwe bashaka kulilongesa busunga.—w24.04, p. 12.

Byuma muka bituzibuka nebi kutuzibuka kutalesa mwakasompela Yehova Mwene Solomoni na banu baje batsile mu Sodoma na Gomola na ha Libazi lya Nowa?

Kutuzibuka indi Yehova nangula kukabanyongesa indi embwe. Nameme ngoco, tuzibuka ngwetu Yehova azibuka byuma byoshe, co wapwa muka-kutetela.—w24.05, lipu. 3-4.

Mwafwa bika twakulahela Njambi uje wapwa “limanya”? (Kwitu 32:4)

Yehova asa kupwa butewelo bwetu. Wapwa wa kulongwa, co akashulisilila byanakulahesa. Co lalo kesi kutenguluka, kesi kutengulula mwakalingila byuma na cizango cendi.—w24.06, lipu. 26-28.

Bika byasa kumikwasa kwizilila nga munajalukila ku cikungulukilo ceka?

Kulaheleni ngweni Yehova amikwasa ngwe mwakwaselele bangamba bendi kunima. Kesi mwesekese cikungulukilo ceni ca laja ku cikungulukilo caciha. Likwatasaneni na cikungulukilo caciha, co esekeni mumwasela kuwana babusamba mu cikungulukilo ceni.—w24.07, lipu. 26-28.

Bika bitulilongesa ku byakumwenako bitatu bili ku mukanda wa Mateu capita 25?

Cakumwenako ca bimanga na bimembe cimwesa seho ya kukala na likulahelo na kupwa ba kulongwa. Cakumwenako ca bambanda bakweba na bakunyanyama citulongesa kupwa ba kulibwahesela mwamubwa na kupwa ba kutona. Cakumwenako ca matalenti citulongesa kupwa baka-kupanga na nzili na kupwa ba kunyanyama.—w24.09, lipu. 20-24.

Cimbimbi ca ha bukobelelo bwa tempele ya Solomoni capwile hali mu bulaha bwa kuya mwilu?

Ku mukanda wa 2 Kolonika 3:4, Bimbimbiliya bimo bya kunima binamwesa ngwabyo cimbimbi ca bukobelelo capwile ‘makyubiti 120’ mu bulaha bwa kuya mwilu kulumbununa mamita a kupwa 53. Oloni Bimbimbiliya bikwabo bibanasononona nebi bibananungulula bimwesa ngwabyo eci cimbimbi capwile makyubiti 20 mu bulaha bwa kuya mwilu’ nambe ngwetu mamita a kupwa 9. Ebi binendelela na ha yapwile mpimo ya cibumbe ca tempele.—w24.10, p. 31.

Kupwa ngamba wa cikungulukilo wa munakazi umo lika kulumbununa bika? (1 Timo 3:12)

Kulumbununa kukala na munakazi umo lika na kujeneka kulinga bukoi. Kutundaho, kapandele kumwesa cizemo ca kutubakanesa ku banakazi beka.—w24.11, p. 19.

Bika bitwendekela ngwetu majwi ali ku mukanda wa Iwano 6:53 kuwalumbununa byuma byalingiwile ha cilika ca Kulya kwa Mwene kwa Mangwezi?

Mukanda wa Iwano 6:53 unendeka seho ya kulya situ na kunwa maninga a Yesu. Yesu wendekele awa majwi mu mwaka wa 32 C.E., mu Galileya ku baJuda baje bapandele kukala na likulahelo kuli ikeye. Oloni cilika ca Kulya kwa Mwene kwa Mangwezi, bacilingile mukwetile mwaka umo mu Jelusalema kutunda hendekelele awa majwi ali kumukanda wa Iwano 6:53. Ha simbu ei Yesu wakele na kwendeka na baje bakayula nabo mwilu.—w24.12, lipu. 10-11.