Tukalemesa Yehova ku biwano bya cikungulukilo, bya citingitingi na bya mutambela, co lalo tukamulemesa kwa likalyetu na mu binaanga byetu. Ha simbu ya cilongesa ca munu endilika nambe ha kulemesa kwa naanga, mwasa kulinga byuma binatako:

• Mwasa kulibwahesela biwano bya cikungulukilo. Mwasa lalo kulibwahesela na myaso yetu ya Bumwene na kukwasa boshe mu naanga bakakumbulule.

• Mwasa kutanda ñanda imo ya mu Mbimbiliya. Kutundaho mwasa kusona cikupulo ca muzimbu umunatanda nambe kusonekako byuma bimo bimunalilongesa.

• Mwasa kusinganyekesesa ha lilombelo limo lya mu Mbimbiliya na kunanguka mumwasa kupangesela byuma bimunalilongesa mu kubwezelela ku butongwe bwa malombelo eni.

• Mwasa kukenga vidio imo ku mavidio etu na kusimutwiya na bakweni byuma bimunalilongesa nambe kusoneka byuma bimunalilongesa omwo mu vidio.

• Mwasa kulibwahesela mwakwambulwila, na kulingako cimweso cimwesa mumwasa kulingila ngoco nga muli mu lihya.

• Mwasa kukenga byuma bya kutanga na kusinganyekesesaho nambe kusimutwiya bimunalilongesako hali Yehova. a