Tandeni Ndanyele 9:1-19 mangana mumone seho ili mu kulilongesa biñanda byakuloba bya mu Mbimbiliya.

Lilongeseni byabingi ku byuma byakele na kulingiwa. Byuma muka byalingiwile, co byakundamene bati Daniele? (Ndanye 5:29–6:5) Ngwe yeni Daniele ngwe mwalizibile bati?

Tondeseseni. “Mabulu akujela” muka atandele Daniele? (Ndanye 9:2) Mwafwa bika Daniele wendekele bubi bwendi nobu bwa baIsalele? (Levi 26:39-42; 1 Vimye 8:46-50; dp-SK 182-184) Lilombelo lya Daniele lyamwesele bati ngwabo wapwile muka-kutondesesa biñanda byakuloba bya mu Lijwi lya Njambi?—Ndanye 9:11-13.

Singanyekeseseni ha byuma bimunalilongesa. Lihuleni ngweni:

• ‘Bika binjinapande kulinga mangana byuma bili na kulingiwa mu kaye keti binjungumune?’ (Mika 7:7)

• ‘Kutondesesa byuma byakuloba bya mu Lijwi lya Njambi ngwe mwalingilile Daniele kunjikwasa bati?’ (w04-SK 8/1 12 ¶17)

• ‘Byuma muka binjasa kutanda ha simbu ya cilongesa ca munu endilika bije binjikwasa ‘kutwalelelaho kutona’? (Mate 24:42, 44; w12-SK 8/15 5 ¶7-8)