LISHIKO lya Mosesa lyatabesele Baisalele kulambwila Yehova tutela nambe mayembe. Eyi miyati ibali ya tuzila banayendeka mu mashiko, ngeci munu wasele kulambula katela nambe liyembe. (Levi 1:14; 12:8; 14:30) Mwafwa bika eyi miyati yoshe ya tuzila bayendekele mu mashiko? Mwafwa kakangi tutela kubakele na kuwaniwa. Mwafwa bika kubakele na kuwaniwa simbu yoshe?

Tutela bapwa tuzila baka-kujalozoka, co bakawaniwa mu mitambela yoshe ya Isalele ha simbu ya ntondwe. Mu October na October, aba tuzila bakanungulukila ku mbwela ku mafuti a kushaluka, co bakeluka lalo mu Isalele kumashangumukilo a cisika. (Solo 2:11, 12; Njele 8:7) Mu simbu ya Baisalele, kwapwile kwakukalu kuli Baisalele kuwana katela na kukamulambula hakati ka cisika.

Oloni mayembe kubesi kununguluka manene. Ngeci, bakele na kuwaniwa mu Isalele mwaka woshe. Kakangi aba mayembe bakele na kubafuka (Esekeseni Yowa 2:14, 16) Libulu lya Bible Plants and Animals ngwalyo: “Banu babangi ba mu membo na mu bimbonge bya Palestine bakele na kufuka mayembe. Munu na munu wakele na camba ca mayembe nambe wakele na kutuba bimbengwa ha cibumbe mangana tuzila bakalemo.”—Esekeseni Isaya 60:8.

Yehova wamwesele ngwendi wazemene Baisalele na kubazibisisa mwabatabesele ngwendi balambule tuzila boshe-boshe baje bakele na kuwaniwa mu Isalele mu mwaka.