Tubaboshe kunasa kutukaluwila kuwana simbu ya kupwamo ya kulinga cilongesa ca munu endilika. Twasa kupangesa bati simbu ya cilongesa ca munu endilika mu ngila ije itukwasa? Cakulibanga, keti mushatozoke omwo mutanda. Muwana bukwasi nga mutanda biñanda bya kupwamo lika kutubakana kutanda biñanda byabingi-bingi mu kushatozoka.

Kutundaho, nangukeni byuma bije binapu bya seho manene. (Efeso 5:15, 16) Byuma binatako byasa kumikwasa:

• Tandeni Mbimbiliya ha litangwa na litangwa. (Myaso 1:2) Mwasa kushangumuka na cinoneko ca kutanda Mbimbiliya ca biwano bya mukati ka calumingo.

• Libwaheseleni cilongesa ca Kaposhi ka Kukengela na biwano bya mukati ka calumingo. Libwaheseleni kukakumbulula.—Myaso 22:22.

• Lingeni mwoshe mumwasela mangana mulye byakulya bikwabo bya ku sipilitu bya kufwa ngwe Kaposhi ka Kukengela ka mbunga na Toneni!, mavidio na biñanda bikwabo bibakaka ha jw.org.

• Lyakeleni cilengo ca kutondesesa ha biñanda bimo. Mwasa kutondesesa ha bukalu bumuli na kuliwana nabwo, ha cihula cimo cimuli naco nambe ñanda imo ya mu Mbimbiliya imushaka kuzibisisa mwamubwa. Nga mushaka kuwana biñanda bimo, yeni ha mutamba wa “Bible Study Activities” ha jw.org.