“Munjikalizibi ngwe njiwangoco, Yehova akanjitakamesa kwitila mu myaso ili ha JW Broadcasting^®.”—Lorraine uje wakala ku U.S.A.

Kushwa lika kusañulu, baka-Kristu banatwalelelaho kwimba “myaso ya Bumwene” mu kushangazala Njambi ku biwano byabo. (Kolo 3:16) Nga mukwata myaso ya Bumwene mu mutwe, yasa kumikwasa nameme ha simbu ije kumwesi na libulu lya myaso nambe likina. Esekeni kulinga byuma binatako bije byasa kumikwasa kukwata myaso ya Bumwene mu mutwe.

• Tandeni majwi a mwaso na kuzibisisa bialumbununa. Nga muzibisisa mwamubwa cuma cimo, co kumipwila kwakwasi kucanuka. Majwi a myaso ya Bumwene, myaso ya kulitila, na myaso ya banike mwasa kuawana ha jw.org. Yeni ha mutamba wa Laibrali, na kuya ha mutamba wa Myaso.

• Sonekeni majwi a myaso ha kalipapelo. Kulinga ngoco kumikwasa muanuke. —Kwitu 17:18.

• Imbeni mu kutambeka omwo mulibwahesela. Omwo mutanda nambe kwimba mwaso, wilukileni.

• Liluleni. Esekeni kwanuka majwi a mwaso kwa kujeneka kutala ha lipapelo. Kulinga ngoco kumikwasa kumona indi munaakwata.