Munatanda mwamuvwa mangazini a ololo a Kaposhi ka Kukengela ndi? Nga munatanda, cho tumoneni indi mwatha kukumbulula evi vihula:

Vantwama va kuthzenguluka na vakulunu va chikungulukilo vanapande kwambata vati mashiko aje atundilila ku munga ya Njambi?

Vanapande kuwapangetha. Vatha kulihula ngwavo: ‘Njikatakametha vakwetu ku sipilitu ndi? Njikathzambula kutambula na kukavangeya mashiko avakatwana ndi?’—w16.11, lipu. 14.

Vaka-Kilisitu va vuthunga vakele mu vundthzinda vwa Mbambilone mwaka uka?

Echi chalingiwile hanima ya kuthsa kwa tupositolo. Ha thimbu ije, vanu vashangumukile kulyangununa. Vulombelo na Vaka-kuyula valwithile vaka-Kilisitu vakufwa ngwe tiliku mu kushaka kuvongumuna. Oloni mu myaka ya kukokela ku 1914, vaka-Kilisitu va kuvwavetha vashangumukile kupatuka.—w16.11, lipu. 24-26.

Chipangi cha Lefèvre d’Étaples chapwile vati cha theho?

Mu ma 1520, Lefèvre watengulwile Mbimbiliya mu ndaka ya French, mangana vanu vavangi vakale nayo. Walumbunwine mwamuvwa vithoneka, cho echi chashongangeyeye Martin Luther na William Tyndale na John Calvin.—wp16-SK.6, lipu. 10-12.

Kulithethza muka kuli mu kushungwiya “chithzango cha vuthitu” chitutwamenene na kushungwiya “chithzango cha mundthzindthzime” kututwamenena? (Loma 8:6)

Munu uje washaka ngwendi vyuma vya vuthitu vimutwamenene, vikevyo vyathimutwiya thimbu yoshe na kuvilinga. Oloni munu uje ashaka ngwendi vyuma vya ku sipilitu vimutwamenene, thimbu yoshe ashungwiya na kuthinganyeka vyuma vya vunjambi. Vyuma vya vuthitu vitwala ku kuthsa, oloni vyuma vya ku sipilitu vitwala ku mwonyo na kwoloka.—w16.12, lipu. 15-17.

Vyuma muka vitwatha kulinga mangana tutepulule ku vishoti?

Lyangwileni kulinga vyuma vyavivwa na kukala na vithinganyeka vyavivwa. Waneni thimbu ya kulinga vyuma vya ku sipilitu ha litangwa na litangwa na kulikuwa kuyongola vyuma vyanatanga Njambi na kukala na thimbu yaingi ya kulala.—w16.12, lipu. 22-23.

Inoke “vamunungulwile” vati ngechi kethi “amone kuthsa.” (Heve. 11:5, NWT)

Mpamo Yehova wanungulwile Inoke kamandondo kamandondo kutunda ku kuyoya kuya ku kuthsa, cho kathzivukile ngwendi ali na kuthsa.—wp17.1, lipu. 12-13.

Mwafwa vika kulikehetha kwapwa kwa theho?

Kulikehetha kunambatethelela na kujeneka kulyaletha na kuthzivuka hayalenga ndthzili yetu. Tunapande kuthzivuka ngwetu mutulingilamo vyuma kunatha kuluvaletha vakwetu, cho kutwapandele kulinga vyuma mu kutuvakanetha.—w17.01, lipu. 18.

Vukaleho muka vumwetha ngwavo Njambi watwamenenene munga ya vaka-kutwamenena va kulivanga ngwe mwali na kutwamenena Munga ya Vaka-kutwamenena matangwa ano?

Sipilitu ya kujela yavakwathele vathzivithithe vuthunga vwa mu Vithoneka. Tungelo vakele na kuvakwatha vatwamenene chipangi cha kwambulula. Cho lalo vakavangeyeye vili mu Lijwi lya Njambi omwo vakele na kutwamenena. Evi vyuma tuli na kuvimona na matangwa ano.—w17.02, lipu. 26-28.

Vyuma muka vitushongangeya tumone ndando ya kupatula kupwa ya theho manene?

Vyuma viwana vinapu: Uje namyana vwana nevi vyanamyanenavwo na kufwitangana kwanalingi ha kumyana vwana na muvumikwathelamo ovu vwana. Tunapande kuthinganyekethetha ha kufwitangana kwowo munu natwana ovu vwana.—wp17.2, lipu. 4-6.

Kuma muka-Kilisitu natha kutengulula vithinganyeka vyendi nga nangula laja vya kulinga ndi?

Tunapande kulinga vyuma vitunakulahetha. Oloni thimbu imo tunatha kutengulula vithinganyeka vyetu ha vyuma vitunangwile kulinga. Yehova watengulwile vithinganyeka vyendi, omwo wamwene ngwendi vaka-Nenevayi vanatenguluka. Nga vyuma vinatenguluka, cho netu tunatha kutengulula vithinganyeka ha vyuma vitunangwile laja.—w17.03, lipu. 16-17.

Mwafwa vika kufweya kumo kwapwa kwakuvi?

Kufweya kumo kunatha kuluvaletha vanu nakulingitha ngwavo vukalu vulivwethzelele. Nameme munatha kwendeka vyuma vya vuthunga, oloni kufweya vakwetu mu ngila yaivi kukwatha kumanetha vukalu.—w17.04, lipu. 21.