“Lijwi lya Njambi Lili . . . na Kupanga”
“Lijwi lya Njambi lili na kuyoya na kupanga.”—HEVE. 4:12.
MYATHO: 96, 94
1. Vika twendekela ngwetu Lijwi lya Njambi lili na ndthzili? (Kengeni chikupulo ha liputa 23.)
HA KUPWA vanu va Yehova tuthzivuka ngwetu Lijwi lyendi “lili na kuyoya na kupanga.” (Heve. 4:12) Vwingi vwetu twalimwena omwo Mbimbiliya inatengulwila kuyoya kwa vanu vavangi. Vandolome na vandokathzi vetu vamo vapwile vethzi na vaka-kupangetha vumbanda vwa kupendetha vamo cho vapwile vaka-vupangala. Vakwavo vakele na kulikuwa vuyoye vwa muno mu kaye ka Satana, oloni vanangukile ngwavo kuli chuma chimo cha theho chivajenekele mu vuyoye vwavo. (Kwambu. 2:3-11) Vanu vaje vathzimbalele mu vuyoye vwavo navo vawanene ngila ya kuya ku kuyoya omwo valilongethele Mbimbiliya. Hamo neni munalikuwu kutanda mithzimbu ya vanu vaje vawanene vukwathi mu kulilongetha Mbimbiliya mu Kaposhi ka Kukengela ha mutwe wa “Mbimbiliya Ikatengulula Kuyoya Kwa Vanu.” Hamo mwalimwena ngweni, nameme vanathzivuka vuthunga, vaka-Kilisitu vakatwalelelaho kukavangeya Vithoneka mangana vakole ku sipilitu.
2. Ndthzili ya Lijwi lya Njambi yapangele vati ku vanu va mu chita cha myaka cha kulivanga?
2 Kuma tunapande kukathama omwo vanu vavangi vanatenguluka mwafwa ya kulilongetha Mbimbiliya ndi? Embwe. Mwafwa echi 1 Kolinte 6:9-11.) Omwo kapositolo Paulu wamanethele kwendeka ha chifwa cha vanu vaje kuvakakovela mu Vumwene vwa Njambi, wendekele lalo ngwendi: “Vamo veni mwafwile ngachije.” Oloni Vithoneka na sipilitu ya Njambi vyavakwathele vatenguluke. Nameme valilongethele vuthunga, oloni vamo vachikele na kwilukila vilinga vyavo vyavivi. Mbimbiliya inendeka vya muka-Kilisitu umo wa kuvwavetha wa mu chita cha myaka cha kulivanga uje ivatundithile mu chikungulukilo, cho munima vamwilwithile lalo mu chikungulukilo. (1 Koli. 5:1-5; 2 Koli. 2:5-8) Kuthimutwiya ha vukalu vuvalifwitile navwo vakwetu vaka-kukulahela na kumona omwo Lijwi lya Njambi lyavakwathele vahyane ovu vukalu kutushongangeya manene.
chuma chalingiwile na kuli vandolome na vandokathzi vetu va mu chita cha myaka cha kulivanga vaje vakele na lilavelelo lya kuya mwilu. (Tandeni3. Vika vituthimutwiya muno mu chilongetha?
3 Tushaka kupangetha mwamuvwa Lijwi lya Njambi lituli nalyo mwafwa linapu chikwata cha ndthzili. (2 Tima. 2:15) Muno mu chilongetha tuthimutwiya mutwatha kupangethela ndthzili ya Lijwi lya Njambi (1) mu vuyoye vwetu, (2) na mu lihya (3) nomwo tulongetha ha vutenda. Echi chilongetha chitukwatha tukandelele na kuthzema Tate yetu wa mwilu uje washaka kutulongetha vyuma vyavivwa.—Isaya 48:17.
KUPANGETHA LIJWI LYA NJAMBI MU VUYOYE VWETU
4. (a) Tunapande kulinga vika mangana Lijwi lya Njambi litukwathe manene mu vuyoye vwetu? (b) Mwalyangwila thimbu muka ya kutanda Mbimbiliya?
4 Tunapande kutanda Lijwi lya Njambi litangwa na litangwa mangana litukwathe manene mu vuyoye vwetu. (Yosh. 1:8) Tuvavoshe tukathzethzama. Nameme ngocho, kutwapandele kwechelela chuma choshe choshe chitwonowethe kutwalelelaho kutanda Mbimbiliya litangwa na litangwa. (Tandeni Efeso 5:15, 16.) Vanu va Yehova vanalyangwila vithimbu vya kulithethzathethza vya kutanda Mbimbiliya, vamo vanangula kuitanda ku thimbu ya mutondo nambe mutanya nambe mangwethzi. Vakalithzivi ngwe mwalithzivilile muka-kwimba Myatho uje wathonekele ngwendi: “Yange njathzema manene mashiko ove. Cho njikawayongola litangwa lyoshe.”—Myatho 119:97.
5, 6. (a) Mwafwa vika kuthinganyekethetha kwapwa kwa theho? (b) Vika vitukwatha kuthinganyekethetha mwamuvwa? (c) Kutanda Lijwi lya Njambi na kuthinganyekethetha ha vyuma vimutanda kunamikwatha vati?
5 Tunapande kuthinganyekethetha ha vyuma vitunatanda mu Mbimbiliya. (Myatho 1:1-3) Kulinga ngocho kutukwatha manene kupangetha mwamuvwa mana atuwana mu Mbimbiliya. Nameme tutandela Lijwi lya Njambi ha likina nambe livanapulinta, tunapande kulitanda mu ngila ije itukwatha kuthzivithitha mwamuvwa vitutanda na kuvitulika mu vimbunge vyetu.
6 Vika vitukwatha kuthinganyekethetha mwamuvwa ha vyuma vitunatanda? Munima ya kutanda, vavangi vakathinganyeka ha vyuma 2 Koli. 10:4, 5.
vivanatanda na kulihula ngwavo: ‘Evi vyuma vinjilongetha vika hali Yehova? Njili na kupangetha vati evi vyuma vinjitanda mu Lijwi lya Njambi mu vuyoye vwange? Vyuma muka vinjinapande kutengululako?’ Kuthinganyekethetha ha Lijwi lya Njambi na kulombela kutushongangeya tupangethe vinangulo vitunatanda. Echi chitukwatha kupangetha mwamuvwa ndthzili ya Lijwi lya Njambi mu vuyoye vwetu.—KUPANGETHA LIJWI LYA NJAMBI MU LIHYA
7. Vika vitukwatha kupangetha mwamuvwa Lijwi lya Njambi mu lihya?
7 Vika vitukwatha kupangetha mwamuvwa Lijwi lya Njambi mu lihya? Cha kulivanga, tunapande kulitanda omwo twambulula na kulongetha. Ndolome umo wehwile ha ñanda eyi ngwendi, “Mulinga vati nga muli na kwambulula ha njuvo na njuvo hamolika na Yehova, kuma kumumwanako thimbu ya kuthimutwiya ndi?” Aha walumbunwine ngwendi nga tutanda mu Lijwi lya Njambi omwo tuli mu lihya, cho tunana Yehova thimbu ya kwendeka na vavenya njuvo. Nga mwangula mwamuvwa chithoneka cha kupangetha, cho chikwatha manene vavenya njuvo kutuvakana kwendeka lika ngocho mu kanwa. (1 Tesa. 2:13) Lihuleni ngweni, ‘Njiketheka munjathela mwoshe kutandela vavenya njuvo chithoneka omwo njimuleka muthzimbu wauvwa ndi?’
8. Mwafwa vika kutwapandele kutanda lika vithoneka omwo twambulula?
8 Vyavingi vyalivungila mu kuthimutwiya na vanu mu lihya, kethi kuvatandela lika mukanda embwe. Mwafwa vika? Mwafwa vanu vavangi kuvathzivuka mwamuvwa viyendeka Mbimbiliya. Echi chalingiwile na mu chita cha myaka cha kulivanga, cho chili na kulingiwa na matangwa ano. (Loma 10:2) Ngechi, kutwapandele kuthinganyeka ngwetu munu atha kuthzivithitha chithoneka munima ya kumutandelacho lika. Tunapande kuthimutwiya ha vithimpi vyakama vije vili ha vesi na kumulumbunwinavyo mwamuvwa mangana avithzivithithe. Nga tulinga ngocho, cho muthzimbu wa mu Lijwi lya Njambi weta ku vimbunge vya vanu vaje vatutolilila.—Tandeni Luka 24:32.
9. Twatha kupangetha vati vithoneka mu ngila ije ilingitha vanu vathingimike Mbimbiliya? Endekeni chakumwenako.
9 Tulinga lalo mwamuvwa nga tuthzimbula vithoneka mu ngila ije ilingitha vanu vathingimike Mbimbiliya. Chakumwenako, tunatha kwendeka ngwetu, “Tuchimoneni vithinganyeka vya Ishamatanga yetu ha ñanda eyi.” Omwo tuthimutwiya na vanu vaje kuvapwile vaka-Kilisitu, tunatha kwendeka ngwetu, “Achikengeni muvinendekela Vithoneka vya Kujela.” Nga tuthimutwiya na muka-kulilongetha, cho tunatha kumwihula ngwetu, “Mwathzivaho laja echi chithimo cha kuthañulu ndi?” Tunapande kuthimutwiya na vanu kwetheketha na chifwa chavo.—1 Koli. 9:22, 23.
10. (a) Endekeni vyuma vyaliwanene navyo ndolome umo. (b) Vyuma muka vimwaliwanene navyo mu lihya vije vimwetha ngwavo Lijwi lya Njambi lili na ndthzili?
10 Vaka-kwambulula vavangi vanamono ngwavo kupangetha mwamuvwa Lijwi lya Njambi mu lihya kunakwatha manene vanu vavanambulwila. Tuchithimutwiyeni ha chakumwenako echi. Ndolome welukilile kuli munalume umo uje natanda manene mangazini etu ha myaka yaingi. Uje ndolome walivangele tahi kutandela uje munalume chithoneka chije chakele mu Kaposhi ka Kukengela ka ololo, thimbu kanda amwaneko. Wamutandelele chithoneka cha 2 Kolinte 1:3, 4, chije chendeka ngwavo: “Tate wa mema ku mbunge, Njambi kuje kukatundu vukwathi vwoshe . . . Muka-kututhzembeleka mu tuyando twetu twoshe.” Echi chithoneka chakwatele uje munalume ku mbunge, cho walekele ndolome ngwendi elukile kutandaho. Uje munalume wendekele ngwendi ikeye na munakathzi wendi vashakele manene kuvathzembeleka, cho wavwahelelele kutambula muthzimbu wa mu Mbimbiliya. Kuma echi kuchimwetha ngwavo Lijwi lya Njambi lili na ndthzili mu chipangi cha kwambulula ndi?—Vili. 19:20.
KUPANGETHA LIJWI LYA NJAMBI OMWO TULONGETHA HA VUTENDA
11. Chipangi muka chakama chivali nacho vandolome vaje vakendeka viñanda ha vutenda?
11 Tuvavoshe tukathzivi mwamuvwa kukala ku viwano vyetu vaka-Kilisitu, ipwe ku chikungulukilo nambe ku viwano vya mutambela nambe vya chitingitingi. Tukayilako kulemetha Yehova. Tukawana vukwathi vwakama vwa ku sipilitu ku vilongetha vivakatulongetha. Vandolome vaje vakendeka viñanda ha vutenda vakavethzika manene. Oloni vanapande kwanuka lalo ngwavo echi chinapu chipangi chakama manene. (Yako. 3:1) Vanapande kumona ngwavo vyoshe vivalongetha vinapu vya mu Lijwi lya Njambi. Mwatha kupangetha vati mwamuvwa Vithoneka, nga vanamyana ñanda?
12. Muka-kwendeka ñanda napande kupangetha vati vithoneka mu ñanda yendi?
12 Ñanda yeni inapande kukundama manene ku Vithoneka. (Yowa. 7:16) Vika vyalivungila mu kulinga ngocho? Munapande kunyanyama na kumona ngweni myanja imulikwathetha na vyakuliwana navyo vimwendeka na endekethi yeni kuitanganetha vithimpi vili ha mavesi amutanda. Kulongetha mwamuvwa kukwemanene ha kutanda vithoneka vyavingi vingi. Kutanda vithoneka vyavingi manene kunatha kulingitha vaka-kutolilila vajeneke kulilongethaho chimo. Anguleni mwamuvwa vithoneka vimulikwathetha na kuvitanda vwino na kuvilumbununa mwamuvwa, na kwendeka chakumwenako na kumwetha mwakuvipangethela. (Nehe. 8:8) Nga vanamyana autulayini, cho itulukenimo mwamuvwa na kuthzivithitha vithoneka vilimo. Thzivukeni muvinalitombwela viñanda vili mu autulayini na vithoneka vivanamwetha. Kutundoho, anguleni vithoneka vije vikwatha manene vanu vathzivithithe vithimpi vili mu ñanda yeni. (Viñanda vili mu Livuli lya Mu Fumane Tuso kwa Lituto za Sikolo sa Bukombwa sa Teokratiki vije vili ha liputa 21 kutwala 23 vimikwatha manene.) Oloni lombeni Yehova amikwathe kulumbununa mwamuvwa vithimpi vili mu Lijwi lyendi.—Tandeni Ezela 7:10; Vithimo 3:13, 14.
13. (a) Ndokathzi umo wawanene vati vukwathi ku vithoneka vije vivalumbunwine mwamuvwa ku viwano vya vaka-Kilisitu? (b) Vukwathi muka vumunawana ku vilongetha vya mu Mbimbiliya vitukalilongetha ku viwano vyetu?
13 Ndokathzi wa ku Australia wawanene manene vukwathi mu vithoneka vivalumbunwine mwamuvwa ku viwano. Nameme vamuyandethele manene ku vwanike, oloni watambwile muthzimbu wa mu Mbimbiliya na kulikundika kuli Yehova. Nameme ngocho kwamukaluwilile kukulahela ngwendi Yehova wamuthzema. Mu kwita kwa thimbu, wathzivukile ngwendi Njambi wamuthzema. Vika vyamulingithile akulahele ngwendi Njambi wamuthzema? Kuthinganyekethetha ha chithoneka chimo chivapangethele ku viwano vyetu na vithoneka vikwavo vya mu Mbimbiliya, kukekwo kwamukwathele manene. * Neni kuli chithoneka chimwanuka chije chamikwatele ku mbunge omwo vachilumbunwine mwamuvwa mu Lijwi lya Njambi ku viwano vya chikungulukilo, nevi vya chitingitingi nevi vya mutambela ndi?—Nehe. 8:12.
14. Tumwetha vati ngwetu twakandelela ku Lijwi lya Yehova?
14 Twakandelela manene kuli Yehova ha kutwana Lijwi lyendi, Mbimbiliya? Katwaneneyo lika, oloni nashulithilila na chikulahetho chendi cha kutwalelelaho kuinyunga. (1 Petu. 1:24, 25) Tulinga mwamuvwa kutanda Lijwi lya Njambi litangwa na litangwa na kupangetha vitutanda mu kuyoya kwetu na kulikwathethalyo mu kulongetha vakwetu. Kulinga ngocho kumwetha ngwavo twakandelela ku vwana vwa theho vutunatambula kuli Njambi na kuthingimika uje natwanavwo Yehova Njambi.
^ par. 13 Kengeni chipalo cha “ Muvyatengulukilile Vithinganyeka Vyange.”