MUTWE WAKAMA | VIMONA VIJE VISHOLOLA VYUMA VYA MWILU
Vimona Hali Vanu Vaje Kutwatha Kumona va Mwilu
Mu Mbimbiliya mwakala vimona vyavivwa vije vitukwatha kuthzivuka vyuma vyakala mwilu vije kutwatha kumona. Thzivithitheni mwamuvwa ovyo vimona. Kethi vimona vyoshe vilumbununa mu vavithonekelamo. Nameme ngocho, vimona kuvitukwatha lika kuthzivuka vaje vakala mwilu, oloni vitukwatha lalo tuthzivuke muvatukundamena.
YEHOVA IKEYE WA HAKAMWA YA VYOSHE
“Muje mwilu, njamwene litanda na uje watumbameneho. Chihanga chendi chalifwile ngwe mamanya a theho a njasipa na kanelya, cho ku litanda kwoshe kwoshe kwathzengelekele nkongolo yalifwile ngwe limanya lya emalinde.”—Kujombolola 4:2, 3.
“Chavyathzimine kwoshe na kuhyahyata, cho chije cheke chakele na mivembe ya chifwa cha nkongolo. Echi chikecho cheke cha kuvyathzima chije chisholola vumpau vwa Shukulu Kalunga.”—Ezekiyele 1:27, 28.
Evi vimona vivamwethele kapositolo Yowano na kapolofweto Ezekiyele, vimwetha vumpau vwa Yehova Njambi Muka-ndthzili yoshe, vuje vusholoka mu vyuma vitwatha kumona vya kufwa ngwe mamanya na nkongolo na vukama vwa litanda lyendi. Vitumwetha ngwavo Yehova wakala ku mwela wa kujela, cho lalo wauvwa na kwoloka.
Evi vyuma vya kusholola Njambi vinalitombola na majwi a muka-kwimba uje wathonekele ngwendi: “Shukulu Kalunga wapwa wakama, cho vanapande kumushangathzala, ikeye lika vanapande kuthingimika kuhyana vinjambi voshe. Omwo vinjambi voshe na vanu vapwa tumponya lika, oloni Shukulu Kalunga ikeye watangele melu. Thingimikeni na kushangala Shukulu Kalunga, ndthzili yendi na vuvwa vwendi vili mu njuvo yendi ya kujela.”—Myatho 96:4-6.
Nameme ngwavo Yehova wapwa wa Hakamwa ya Vyoshe, oloni ali na kutulanya tulombe kuli ikeye, cho natukulahetha ngwendi atutolilila. (Myatho 65:2) Njambi watwaka mbunge, cho watuthzema manene, mukemwo kapositolo Yowano wathonekele ngwendi: “Njambi wapwa chithzemo.”—1 Yowano 4:8.
YESU WAKALA HAMO NA NJAMBI
“[Ndongethi Muka-kilisitu, Setefano], washulile na mundthzindthzime wa kujela wakengele mwilu, cho wamwene vumpau vwa Njambi na Yesu nemana ku livoko lya chilyo lya Njambi. Wendekele ngwendi, ‘Kengeni. Njinamono lilu linashokoloka na Muna Munu nemana ku livoko lya chilyo lya Njambi.’”—Vilinga 7:55, 56.
Mu kwetile lika thimbu yayindondo Setefano te kanda amone echi chimona, Yesu vamuthsiyile kuli vantwama va Vayunda vaje vendekele Setefano. Ocho chimona chamwethele ngwavo Yesu vamuthangwile ku vathsi na kumuthingimika, cho ali na kuyoya. Kapositolo Paulu wathonekele ha ñanda eyi ngwendi: “[Yehova] wathangwile Kilisitu ku vathsi na kumutumbika ku livoko lyendi lya chilyo mu lifuti lya mwilu. Kilisitu ali na kushwana hakamwa ya voshe vaka-kushwana mwilu na vaka-moko yakama na vaka-ndthzili na vashukulu voshe, ikeye ali na lithzina lili hakamwa ya mathzina oshe a moko ali muno mu kaye na kaje kakaijako.”—Efeso 1:20, 21.
Vithoneka kuvyamwethele lika moko yali nayo Yesu, oloni vinamwetha lalo ngwavo nendi waka vanu mbunge ngwe Yehova. Yesu mwakele na kupangela hano hathi, wakangwithile vaka-kuvija na vilema na Efeso 2:4, 5) Yesu nemana ku livoko lya Njambi lya chilyo, cho ololo apangetha ndthzili yali nayo mu kunena vivethzikitho kuli vanu voshe vaka-kumwononoka.
kuthangula vathsi. Wamwethele lalo chithzemo chendi chakama kuli Njambi na vanu omwo walyanene mu kuvathsila. (TUNGELO VALI NA KUPANGELA NJAMBI
“Njakengele, [yange, kapolofweto Ndanyele] omwo vakele matanda mu myela yawo. Omo uje wakala ku myaka yoshe [Yehova] watumbamene ha litanda limo lya hakati ka matanda aje. . . . Vanu vavangivangi vamupangelele. Cho vanu vakupwa 1,000, 000 vemanene kulutwe lwendi mu kumupangela.”—Ndanyele 7:9, 10.
Omu mu chimona, Ndanyele kamwene kangelo umo lika, oloni wamwene maundthzi. Ocho chimona chapwile cha kukomoketha. Tungelo vapwa vanu va ku sipilitu va ndthzili, cho lalo vapwa va kunyanyama. Vamo vavo vapwa vaselafime na vakelumbi. Tungelo vavatumbula lwalwingilwingi mu Mbimbiliya, kutuvakana 250.
Tungelo kuvapwile vanu vaje vayoyele hano hathi. Njambi walivangele kutanga tungelo thimbu kanda atange vanu. Omwo wajalele luvula lwa kaye, tungelo kuvakele, cho vatambekele mu kujolela.—Yombi 38:4-7.
Ngila imo oyo tungelo va kulongwa vali na kupangelamo Njambi, inapu ya kukundwiya chipangi cha theho manene chije chili na kulingiwa hano hathi matangwa ano, cha kwambulula muthzimbu wauvwa wa viñanda vya Vumwene vwa Njambi. (Mateo 24:14) Echi chasholokele mu chimona cha kapositolo Yowano uje wathonekele ngwendi: “Athinoni njamwene kangelo mukwavo ali na kupulula mwilu ha mukambwila, na lijwi lya viñanda vyavivwa vya kwambulula kuli vanu va hano hathi na ku mafuti oshe na miyati yoshe na ku vindaka vyoshe na ku vanu voshe.” (Kujombolola 14:6) Nameme matangwa ano tungelo kuvethi kwendeka na vanu ngwe muvakele na kulingila kuthañulu, oloni vakatwamenena vaje vali na kwambulula muthzimbu wauvwa kuli vaka-vimbunge vyavivwa.
SATANA AKONGUMUNA VANU VAVANGI
“Athinoni ndthzita yashangumukile mwilu. Mingeli [Yesu Kilisitu] na tungelo twendi valwile ndthzita na uje chanzangombe, cho Kujombolola 12:7-9.
chanzangombe na tungelo twendi valwile, oloni uje chanzangombe vamufungulwile, cho ikeye na tungelo twendi kuvavatavethele lalo kukala mwilu. Cho uje chanzangombe wakama vamumbilile hathi, uje linyoka wa kuthañulu vatumbula ngwavo Liyavolo nambe Satana, uje wakwithile kaye koshe. Vamumbilile hathi hamo na tungelo twendi voshe.”—Mwilu kumwapwile lika mwa kwoloka. Mukwetile lika thimbu yayindondo kutunda hatangelele Njambi vanu, kangelo umo uje wakele na lishungu lya kumulemetha, watengulukilile Yehova, cho wapwa Satana, kulumbununa “Muka-kulwitha.” Tungelo vamo vamutembwininine, cho vapwa vandemone. Vakalwitha Yehova na kungumuna vanu vavangi mu ngila ije kuyalitombwele na kutwamenena kwa Njambi kwa chithzemo.
Satana na vandemone vendi vapwa va kukenyuka. Vapwa vitothzi va vanu, cho vananene tuyando twatwingi hano hathi. Chakumwenako, Satana wanyongethele vimuna va Yombi wa kulongwa na vangamba vendi. Kutundoho, wanyongethele vana vendi va kupwa 10 ha kutuma “lihundthzi lyakama” lije lyalundumwine njuvo muje muvakele. Mamanethelelo, Satana walingithile “muvila wa Yombi woshe kukala na vimbandu.”—Yombi 1:7-19; 2:7.
Satana ololo vamunyongetha. Kutunda vene havamumbililile hano hathi, athzivuka ngwendi “kunathala lika ka thimbu kakandondo kuli ikeye.” (Kujombolola 12:12) Owo unapu muthzimbu wauvwa, mwafwa Satana nanyongo laja.
VAJE VAYA MWILU
“Yove [Yesu] wafwila kwambata eli livulu na kuvatula tuthatetho twalyo. Omwo va kuthsiyile, cho ha kuthsa kwove wakulile vanu na maninga ove kuli Njambi, va kutunda ku miyati yoshe na ku vindaka vyoshe na ku mafuti oshe na ku vanu voshe. Cho unavapwitha vumwene vwa vaka-kukombelela mu kupangela Njambi yetu, cho vakashwana hano hathi.”—Kujombolola 5:9, 10.
Kuli vanu vamo vakathanguka na kuya mwilu ngwe mwalingilile Yesu. Yesu walekele tupositolo vendi va kulongwa ngwendi: “Njili na kuya mu kumivwahethela kwa kukala. Cho, . . njikeluka lalo na kumithzila ngechi vene, mukakale kuje kunjikakala yange.”—Yowano 14:2, 3.
Vaje vaya mwilu, kuli vimo vivakalingamo. Vakayula hamo na Yesu mu fulumende ya Vumwene ije ikayula kaye koshe na kunena vivethzikitho ku vanu. Ovu vukevwo Vumwene vuje Yesu walekele vaka-kumukavangeya omwo wavalongethele kulombela ngwavo: “Tatetu uli mwilu, valemethe lithzina lyove, Vumwene vwove vwije, chithzango chove vachilinge hano hathi ngwe omwo vakachilingi mwilu.”—Mateo 6:9, 10.
VIVAKALINGA VAJE VAYA MWILU
“Cho [yange kapositolo Yowano] njathzivile lijwi lyakama lyendekele kutunda ku litanda ngwalyo, ‘Ololo mbalaka ya Njambi ili hamo na vanu, . . . Akathikumuna mithothzi yoshe ku mesho avo. Cho kukukakala kuthsa nambe vuthiwa nambe kulila nambe kukemanga. Omwo vyuma vya laja vineti.’”—Kujombolola 21:3, 4.
Echi chimona chinenika ku thimbu ije Vumwene vwa Njambi vuje vwakayula Yesu na vaje vali na kuthanguka na kuya mwilu, vukanyongetha chiyulo cha Satana na kutengulula kaye kupwa palandaisi. Vyuma vije vili na kunenethela vanu tuyando kuvikakalako. Nameme kuthsa kuchikakalako.
Vati cho, kuli vanu vavangi vaje kuvakathangukila kuya mwilu? Vakavathangula kulutwe, cho vakavana mwonyo wa myaka yoshe mu palandaisi hano hathi.—Luka 23:43.
Evi vimona vimwetha ngwavo Yehova Njambi na Munendi Yesu Kilisitu hamo lika na tungelo va kulongwa na vaje vavanalanda kutunda hano hathi, voshe vatwaka mbunge, cho vashaka kutukwatha. Nga mushaka kuthzivuka vyavingi ha vyuma vije vivakalinga, cho tumineni Vakaleho va Yehova nambe yeni ha wembusaiti yetu ya www.pr418.com na kwambataho livulu lya Vika Viyitulongetha Mbimbiliya?