KAPOSHI KA KUKENGELA No. 1 2018 | Mbimbiliya Ichili na Theho Ano Matangwa Ndi?
MBIMBILIYA ICHILI NA THEHO ANO MATANGWA NDI?
Ano matangwa vanu vatha kuwana mithzimbu mu vingila vya kulithethzathethza. Kuma Mbimbiliya ichili na theho vene ndi? Mbimbiliya ngwayo:
“Vithoneka vyoshe Njambi wahwimininemo, ngechi vili na theho.”—2 Timateo 3:16.
Aka Kaposhi ka Kukengela kanamwetha omwo vinangulo vya mu Mbimbiliya vitukwathelamo mu kuyoya kwetu kwoshe.
Kuma Vinangulo vya mu Mbimbiliya Vitukwatha Ano Matangwa Ndi?
Kuli viñanda vyavingi vya ololo, cho vika vya kutandela livulu livathonekele myaka 2,000 kunima?
Vilongetha vya mu Mbimbiliya Vikatwana Mana Thimbu Yoshe
Mithzimbu yalithala ano kuimwetha ngwavo Mbimbiliya inahu chipangi, oloni vilongetha na vinangulo vyakalamo vikakwatha thimbu yoshe.
Mbimbiliya Inahu Chipangi Ndi?
Mbimbiya kuyapwile livulu lya sayansi oloni viñanda viyendekele kukundama ku sayansi vyatha kumikathametha.
1 Mbimbiliya Imikwatha Kujenjuka ku Vukalu
Achithinganyekeni omwo mana a Njambi anakwathelamo vanu kujenjuka ku vukalu vumo vwa mu kuyoya.
2 Mbimbiliya Imikwatha Kumanetha Vukalu Vumo
Mbimbiliya yatha kutukwatha tumanethe vukalu vwa kufwa kuluvala na vishoti na vuli.
3 Mbimbiliya Imikwatha Kukolethela Vukalu Vuje Kumwatha Kumanetha
Twatha kulinga vati nga tuliwana na vukalu vuje kutwatha kujenjuka nambe kumanetha vwa kufwa mishongo ya lulanga na vuthsi?
Muimikwathela Mbimbiliya Kukala na Lilavelelo
Lijwi lya Njambi lyatha kutukwatha kutakamena vukalu vutuli na kuliwana nvwo mu kaye. Oloni kuli vyuma vikwavo vilikalingi. Likatuwatha kukala na lilavelelo ha vyuma vya kulutwe.
Muthinganyeka Vati?
Achithinganyekeni ha vyuma vivakulahela vanu na vyuma viyendeka Mbimbiliya ha chuhula echi.
