Biyendeka Mbimbiliya ha Bumwene bwa Njambi
Yesu walongesele baka-kumukabangeya balombele ngeci: “Tate yetu uli mwilu, balemese lizina lyobe, Bumwene bwobe bwije, cizango cobe bacilinge hano hasi ngwe omwo bakacilingi mwilu.” (Mateo 6:9, 10) Bumwene bwa Njambi bwapwa buka? Buli na kulinga bika? Mwafwa bika tunapande kubulomba?
Yesu Ikeye Mwene wa Bumwene bwa Njambi.
Luka 1:31-33: ‘Ukamuluke lizina ngwobe Yesu. Ikeye akapwa wakama, co bakamutumbula Muna Njambi wa Hakamwa ya byoshe. Co Shukulu Kalunga Njambi akamupwisa mwene, ngwe mwapwile kukulwila yendi Ndabiti, co akaswana batekulwila ba Yakomba ku myaka yoshe, na bumwene bwendi kubukahu.’
Yesu wambulwile manene byobu Bumwene.
Mateo 9:35: ‘Yesu waitanganene mwaya membo akama na mu tumembo twatundondo. Walongesele mu masinangonge abo, wambulwile biñanda byabibwa bya Bumwene bwa Njambi, co wakangwisile baka-mishongo na baka-kubinja ba kulisezaseza.’
Yesu walekele bandongesi bendi byuma bije bibakwasa kuzibuka simbu ibukaija Bumwene.
Mateo 24:7: ‘Lifuti limo likalwa nzita na lifuti likwabo, co bumwene bukalwisa bumwene bukwabo. Kukakala njala yakama, na mandunduma ku mitambela ya kulisezaseza.’
Bandongesi ba Yesu bali na kwambulula bya Bumwene mu kaye koshe.
Mateo 24:14: “Co ebi biñanda byabibwa bya bumwene bakabyambulula mu kaye mwoshe ngwe kupwa bukaleho ku miyati yoshe, co asinoni kukotoka kwa kaye kukaija.”
